Breaking News!!
U.S.A Florida Ah Meithal Kahnak A Chuak, Ngakchia 4 Telh In Minung 6 Nih Hliamhma An Tuar
=========
2023, May 29 (Memorial Day) ni ah Florida state, Hollywood Beach Broadwalk ah meithal kahnak a chuak caah minung 9 nih hliamhma an tuar, tiah theih a si. Hliamhma a tuarmi hna lak ah ngakchia (kum 1-17) karlak pa 4 le upa deuh (kum 25-65) kar pa 5 an si.
Meithal kah a chuahnak hmun he aa neih bik mi sii-inn Memorial regional hospital le joe DiMaggio Children’s Hospital ah an tlik pi colh hna. Kah a tongmi hna lak ah pa 1 hi faak ngai in aa hliam i a dang 8 hi cu an nunnak ca ah thinphang tuk ding an um lo, tiah chimnak nawl ngeitu hna nih an chim.
CDF Le Gangaw PDF Battalion Phukomh Nih SAC Ralhrang 3 An Thah Hna; Chin ramkulh Mindat khua in a tum mi SAC ralhrang thazaang 200 tluk le Chin ralkap CDF-Mindat, CDF-Kanpetlet le Gangaw PDF Battalion (13, tangti phu kar ah kahdohnak a chuak. May 29 zanlei suimilam 1:40 tluk ah meter 20 tluk nai in an i kah hi a s. Hi kahdohnak chung ah SAC ralhrang 3 an thi i CDF-Mindat ralkap pakhat hliam fak a tuar tiah kan theih.
Yesagyo Peng Ralhrial Camp Cu SAC Ralhrang Le Pyusawhti Nih Luhhnawh In An Kah Hna, Mipi 2 An Thi; Magway ramṭhen, Yesagyo peng ah ralhrial hna an umnak Camp cu SAC ralhrang le pyusawhti fonh nih an luhhnawh hna i an kah hna caah ralhrial mipi 2 an nunnak a liam, nu hna cu ralhrang pawl nih an tlaih hna i an kalpi hna, tiah theih a si.
May 28 zing ah SAC ralhrang le pyusawhti fonh nih Yaeshar (ရေယှား) khua pawng ah ralhrial in aa dormi hna mipi 200 hrawng an umnak Camp cu atu bantukin an luhhnawh hna i an kah hna caah pa 2 an nunnak a liam hi a si. Cu pinah hliamhma a tuarmi nu hna le pa cheukhat hna zong an tlaih hna i ralphaw ah an kalpi hna, tiah Tachileik News Agency nih a langhter.
Cu hnu ah Yaeshar khua chung ah umhmun a khuarmi SAC ralhrang le pyusawhti hna nih ralhrial mipi hna Cycle 15 le ralphaw ah an tlaihmi hna mipi cheukhat hna cu Myin (မင်း) khua ah hmun 2 ah i ṭhen in an lut, tiah theih a si. Cu pinah ralhrang pawl nih Chinya khua le Moephyu khua zong ah inn 65 ciam dihlak in an khanghpiak rih hna, tiah theihchih a si.
Loikaw-PDF In Ram Le Miphun Caah A Nunnak A Pe Tu Pasalṭha Ruak An Thlahnak ; A luancia May 24 ah ram le Miphun caah nunnak a petu pasalṭha Ko Wijza ruak cu May 26 ah tlamtling te in kan vui khawh, tiah Loikaw-PDF nih May 17 ah thanhca an chuah.
Ko Wijza hi kum 37 a si i, atu dothlennak caan chung ah hin hmunhma tampi kahdohnak ah aa telmi zong a si pin ah upat awk tlak in rian a ṭuantu zong a si. Ram le miphun caah nunnak a petu pasalṭha Ko Wijza cu Loikaw-PDF nih upatnak sangbik kan in pek i, dothlennak kan hmuh hlan tiang peh zulh in kan rak ṭuan lai, tiah Loikaw-PDF nih cathanh an chuahmi ah an langhter chih. Credite; Lungmili Post