Breaking News: Tu Nai Bak Ah Lu Min An Tlaih Taktak Cang, A Nupi Tap Ning Cu Zaangfah Tuk A Si

Minta Lu Min Cu tuzan, zantim ah Ralkap le police nih an tlai taktak cang, tiah amah Lu Min facebook timeline ah a nupi nih a live mi hmuh a si. Kawlram chung zungthiam nak lei he minthang pakhat a simi Lu Min cu February 21, 2021 zan suimilam 1:00am hrawng ah ralkap le police pawl nih an rak rat hnawh i, an tlaihnak kong cu a nupi nih live an thlahnak facebook timeline ah hmuh khawh a si. Minta Lu Min te inn hi tha tein gate zong an hrenmi le a fek ngaingai mi a si ko nain, gate cu anmah nih an boh hnu ah an luh hnawh i, an tlaih hi a si, tiah live an thlah ning in theih a si.

Tuzan Lu Min Nupi a tap ning cu zaangfah tuk a si. A pasal Lu Min an tlaih lio ah nan kalpi kho lo, tiah a ti peng hna nain an duh lo. Cun, khoika nan kal pi lai tiah a hal len hna zongah an chim duh hlei lo i, nan kalpi ahcun keizong nih kan zulh ve hna lai, tha tein nan kalpi nak ding a hmunhma ka chimh uh, tiah a ti len hna zongah zeihmanh ah an relpiak lo. Lu Min an tlaih hnu le an kalpi hnu ah a nupi nih live a thlahmi zong tikah ngaih a chia tuk hringhran. Mifir le damiah bang zantim ah thilri fir in Kawlram minta pakhat tiang an fir cu lungrawh bak an si ko.

Min Aung Hlaing hruaimi ralkap uknak hi caan sau a kal rih ahcun Kawlram chung mipi hruaitu le minthang deuh paohpaoh cu an fir dih sual hna lai, thinphang a si cang. Chun ah minthang deuh pawl le sandahpiahtu hruaitu pawl cu an tlaih ngam hna lo i, zantim ah an fir in an fir peng mi hrimhrim hi fit an nung tuk cang. Kawlram chung minthang minta le mintamin tiang tlaih ding ah nawl a chuahmi uknak hrimhrim cu tihnung tuk dirhmun kan phan chin lengmang cang ko. Kan Kawlram pi cu a mui chin tuahmah cang ko lai.