Breaking News: Trump Caah Van A Dir Cang Lai

Trump Caah Van Adir Cang Lai, Minung nunnakah tuanbia an ngei i, huatu tampi an ngei hna. Ka chanchung theihmiah hmuhmiah Trump bantuk an tuahtomi le remlomi hi ka thei bal lo i, ka hmu bal ve lo. Hitluk an tuahto thlak an timh ko nain amah long adir cingcing Pathian nih a dirpi ti hi 100% 100% ka zumh bak ve. Khuaruah har Pathian nih Isrealmi sal chuahnak ding caah Mosses le Aron kha a rak hman bantuk in Trump le Mike pence hi ka hmuh hna. Pathian nih Umpi zungzal ko hna seh.

State 19 nih an dirpi cang, teinak cu caan nih a vun ratpi lio, Lunglawm hmaipanh tein kan don lai. An tlinthan ni cu sunglawi taktak in puai kan tuahve hna lai. Bawipa kan thangthat cang lai. Ka hawi le dirkamh tu vialte Kan thlacamnak , Mivialte thlacamnak Bawipa nih atheih cang. Caan raulo te ah Pathian nih rian atuan cang lai. Cozah hnathlaknak biakamnak a tuahni cu kan dihlak lawmhnak he hla kan sa lai. Kan lam lai, a mah duhbikmi hla kha.

Pine (18) nih Georgia, Michigan, Pennsylvania le Wisconsin cu US Supreme Court ah taza an cuai cang. Texas hruainak in Alabama, Arkansas, Florida, Indiana, Kansas, Louisiana, Mississippi, Missouri, Montana, Nebraska, North Dakota, Oklahoma, South Carolina, South Dakota, Tennessee, Utah, le West Virginia nih aa thuimi pine (4) kha taza an cuai. Arizona nih cun a dang tein tazacuainak file a tuah.

Hi aa thuimi pine (4) ah hin pine phungsertu pawl siloin bawi pawl nih phung an remh ti in taza an cuai hna.
Supreme Court nih aa thuimi pine (4) kha kilvennak ca a ttialter hna i cucu Nilini zanlei sml. 3:00 hlan ah nan up lai tiah a ti hna. Supreme Court nih hi bia hi a ceih ahcun sihne thiamsang Ted Cruz nih Trump aiawh in bia a chim te lai. Supreme Court nih an bia a ceih hna i Trump lei nih teinak an hmuh ahcun: (1) Electoral College hna i an vote kha a fehter hna lai lo. (2) Mee torlecheng cu aa ningcang lomi a si a ti lai. (3) pine (4) kha mee a fonhter tthan hna lai i a upter tthan hna lai.

US phunghram 3 U.S.C 7 ah cun December 14 ah electoral college vialte nih mee thlak ding a si. Sihmanhsehlaw thimnak ah aa ningcang lomi a um ahcun US phunghram 3 U.S.C 5, 7 hmang in US Supreme Court nih a ni a thawn khawh ti a si.

Michigan phungsertu nih Dominion CEO kha Biaceihnak zung ah a auh. Antrim county ah Trump mee 6000 kha Biden leiah an ttialmi kong rak fianter dingah mee relnak Dominion CEO a auhmi cu a rak chuak duh lo. Cucaah a voihnihnak an auh tthan i a rak chuah than lo ahcun dantat ding in nawl ka chuah lai a ti.

President tthutnak Biden pek an timhmi cu khap a si cang. President tthutnak pek ding in timhlamhtu minung (6) ummi committe meeting ah Biden kha president tthutnak pek ding in Democrat lei nih an chuahpimi cu Republican lei minung (3) nih an duh lo caah Biden cu president ttuan dawh a si ti lo rua. Electoral College cio nih mee an pek dih hlan ah cucu thuah phung a si lo tiah Republican lei nih an ti.

Tuzarh Nilini (Kawl ram ca ah cun tuzan) thok in US Supreme Court nih Texas ti ho in pine (17) nih Pennsylvania, Michigan, Georgia le Wisconsin taza an cuaimi hna cu an ceih cang lai. Pine (4) le pine (17) taza an i cuainak ah hin aho te nih dah an tei te lai tiah nang na zumh?

Trump ca ah a fiang tukmi teinak lam: Texas pine nih Georgia, Pennsylvania, Michigan le Wisconsin pine pawl taza a cuai hna. US Supreme Court ah hin fawitebai in phak khawh a si lo. Zaran tazacuainak cu peng biaceihnak zung in pine biaceinak zung, cun pine biaceihnak zung in US Supreme Court ti in a dotdot in kai a herh. Cucaah Trump sihne pawl zong US Supreme Court ah direct in phan khawh colh loin pine biaceih zung ah an hel peng nak a si.
Sihmanhsehlaw US Supreme Court ah direct in phak khawh colh nak lam pakhat a um. Cucu state pakhak khat i a bia ceihpiak a herh tikah a si. Cucaah Trump nih zokzok in teinak a hmuh colh khawh nakhnga Texas pine nih Georgia, Pennsylvania, Michigan le Wisconsin pine pawl taza a cuai hna.

Cucaah US Supreme Court nih cucu a cohlan colh i Georgia, Pennsylvania, Michigan le Wisconsin pine hna kha i kilvennak ca a tialter hna i an bia cu tu zarh Nilini ah ceih a timh. Hi Texas pine nih taza a cuainak hna hi theih a fawimite a si ko. Mee deu tbk, mee firmi tbk le mee relnak seh tbk zeihmanh aa tel lo. Sihmanhsehlaw hi taza a cuainak hna hi Democrat pawl nih an leh duh baklomi le an leh khawh bak lomi an si. Cu hna cu zeidah an si kan hun zok tti hna lai. (A tangah ka taarmi video clip ah Texas pine Attroney General Ken Paxton nih a chimmi le ca dang cherhchan in hi ca hi ka ttial.)

(1) Electoral college clause; Article II, section 2 ahcun pine phungsertu hna (state legislatures) lawnglawng nih electoral college hna zulh awk phunglam kha an ser lai,” ti a si. Sihmanhsehlaw Georgia, Pennsylvania, Michigan le Wisconsin ahcun biaceihtu ( judges) hna le bawi pawl tu nih electoral college zulh awk phunglam kha an ser. Hihi anmah nih tuahnak nawl an ngei lo. Cun cakuat in mee thlak a duhmi nih cun a MINTHUT he sawknak caa ttial hmasa lai. Cuticun cakuat in mee a thlakmi cung ah min a thutmi le sawknak ca ah min a thutmi kha an chek ding a si. Sihmansehlaw hi state pali ah kha bantuk in cakuatnak zung in a rami mee cung i minthut hna kha an chek hna lo. 2016 lio zong ah cakuat in a rami mee 750,000 cu an rak hlawt bal cang tiah ABC news nih a ti. Pennsylvania ah hin 2016 ah siseh, 2018 zongah siseh cakuat in a rami mee tampi an rak hlawnh bal cang.

(2) Equal Protection Clause; 2000 kum thimnak (Bush v. Gore) lio ah a voi 14nk phunghram an remhmi (14th Amendment) ah “mee kilvennak phunghram aa khatmi hman cio ding” timi a um. Sihmanhsehlaw 2020 thimnak ah cun hi pine pali nih hin hawi dang pine hna he a khat lomi phung an i ser. County pakhat le pakhat zong an phung an i khat lo.

(3) Remedy in the lawsuit; Texas pine nih cun US Supreme Court kha cu pine pali ah thimmi (electors) pawl kha pine phungsertu (state legislatures) hna tu nih thimter rih ding in ca a ttial. Kum 1892 lio ah McPherson le Blacker cu president tthutnak an rak i cuh. Cu kum ah cun mee aa ningcang lomi a um caah pine pumpi ah mee tam deuh a hmumi (popular votes) kha zoh lo in mee thlaknak peng (electoral district) ah teitu a hmutu kha zoh in teitu cu an rak thim. Cu bantuk in hi tazacuainak zong hi damter ve ding in Texas pine nih Supreme Court ah ca a ttial. A cungah ka langhtermi thil pathum hi US phunghrampi kal ning taktak cu a si. Cucaah Texas pine nih a chauhpimi hi Supreme Court ah cun teinak hmuh dawh a si ko. Atu ah cun Louisiana pine zong nih Texas leiah ttang in Georgia, Pennsylvania, Michigan le Wisconsin kha taza cuai a timh ve hna.

Atu ah Trump sihne Giuliani cu zaw ko hmanh sehlaw, Trump legal cu 2000 kum ah George W. Bush zong teinak a rak hmuhpiaktu sihne a thiam taktakmi Ted Cruz hruainak in tuzarh Nilini ah US ram ah a sang bikmi Supreme Court ah an hun phan ve lai. Cun Texas le Louisiana pine pahnih zong tuzarh Nilini yhiamthiam ah Supreme Court ah an rak phan ve lai. Supreme Court ah an i tong dih cang hna lai. Trump nih cun, “Tuhnu ni hnih/thum ah thil lianngan a cang lai,” a ti. Cucu zeidah a si hnga? Trump nih, “2020 zong ah Trump uknak (Trumpist Administration) a ra than lai,” a timi kha na zum maw? Kei cu Trump nih teinak a hmuh dingmi hi a fiang chin thluahmah cang ko tiah ka ruah. Credit; Rev. Biak Lian Vel