Breaking News: Timit Hrawng Muih Hnu Ah Nungak Muidaw Pumrua Tha Tungtai Rem Taktak Aa Chawk Mi An Hmuh Lengmang

ThanTlang le Hakha Kar a Tlung Kalmi Nih an tonmi thil nih khua muih hnuah tlung kal ngam cio ti lo in mipi a kan chiah cang. A luancia kum in a tu bantuk Christmas caan, December thla chungah hin thil theih nuam lo le ngeih nuam lo mi thil tete an cang zungzal i, nizaan tihni zongah kan theih cio bantuk in Thantlang le Hakha kar Bus aa letnak in mi an thih zong theih cio a si. kan hnu kum zohhjhhngah Timit ah Light Truck lamthlang ah a tla i mi pakhat a rak thi cang. Cu lawng si loin, Malaysia ah a thi i an tlun pimi Thantlang nu kong cu Vawlei pi chin mi poah nih theih dih a rak si.

Nai hrawng cu Thantlang le Hakha kar khua tlung kal cu an tam tuk ko nain, khua mui lai le zaan ahcun an tlung kal ngam ti lo,Lam kam ruak vui ruang zong cu a si lai, cun nai ah Bus letnak in a thi mi zong an um caah, cun Timit hrawng le bangah cun Khua muih hnu cun Nungak muidawh pumrua tha tungtai rem tak tak mi aa chawk mi an hmuh lengmang  tiah a tlungkal mi hna nih an chim.

Nihhin kan chan hi chan tha lo leiah kan phanh cuahmah cang, Jesuh a rat than lai zong hi a nai chin cang caah, Khuachia khua vang zong an hrang deuh cang ti khawh si, 2020 kum hrim ahhin thil mak deuh an chuah hi thieh cio mi a si lai tiah zumh zong a si fawn. Pathian a hngal lo i aa bochan deuh lomi poah cu Satan zong nih tei deuh le zomhtaih deuh zong a si caah, thil mak hi an chuak chin deuhmah lai i zumtu deuh cu a lang chin cang lai. cucaah Pathian lei ah i kan nun i mer deuh le ralrin in nun hi kan hau chin cang. tiah ka bia ka donghter. A tlungkal mi hna sinin theih mi bia a si. Credit: The Chin Theitlei

Thlarau tthalo cu Saul cungah a tlun bang, Trump ttanhtu pawl cheukhat sin zongah thlarau tthalo cu a lut ve tawn. Chinmi lakah, Trump ttanhtu pawl hi 100 ah 85 hrawng cu a piangthar lomi (hrintthan lomi) nan si, ti khawh si. Mah cu comment le ca nan ttialmi zoh in a thei ko. Nan thin a harning, mi nan volhpamh ning, holh dawh lo nan hmang ning, le na fim loning le Biden a ttantu pawl nan kan huatning pawl nih a langhter dih ko. Trump vote pek ding in an forhtu hna nan hruaitu pawl zong, Trump an ttanhnak kongah cun an piangthar ve lo ti khawh an si. Keicu pastor ttuan ning law ka Khrihfa bu sinah bia ttha tein ka cah hna lai, facebook i comment le catial kongah. Thin i sum ding, biadawh deuh le bianem hman ding, le dawtnak le fimnak he cattial ding ti pawl in. Atutan US thimnak ah, Biden le Trump a ttanhtu pawl karlak ah thil ka hmuhmi a um ve, kan Khrihfa sinak ah le kan thinlung put le kan ziaza ah.

Chinmi lakah, Trump ttanhtu a tamdeuh pawl cu (nan zate nan si ve lo), thlarau tthalo nih a luh hnawhmi Saul siangpahrang he nan i lo ngai hna. Saul cu thlarau tthalo nih a luhhnawh caan poah ah David cu thah ding a dawi peng (1 Samuel 19). A dam caan ahcun maw David, ka dawt tukmi ka fapa a ti. Asinan Pathian nih a hlawt hnuah cun thlarau tthalo a chungah a lut ciammam i David cu thah ding in a dawi peng. Trump le a ttantu pawl zong nan sungh hnu cun thlarau tthalo nan chungah a lut ve i hehtiah Biden a ttanhtu pawl nan kan huat i nan thinhar buin nan kan volhpamh len ve. Zeizong tein nan kan ti. Biden le Democratic party zong zeizong tein nan ti hna. Thlarau tthalo nan chungah a luh caah a si. Thlarau ttha lo nih luh hnawhmi cu Pathian hlawtmi nan si tinak a si ko.

Pathian thlarau cu David chungah a um bang in Biden le a ttanhtu pawl kan chung zongah Pathian thlarau cu a lut ve i comment kan pekmi le ca kan ttialmi zongah fimnak, nemnak, toidornak, thinfualnak, dawtnak, fimkhur te umnak, biadawh le thluachuak bia, biadik le biahman, mi ngaihthiamnak le mi theihthiamnak pawl an i tel peng lai. Saul cu thlarau tthalo nih a luh hnawh caan poah ah David cu an va auh i tingtang a tumpiak hnu ah a dam tawn ti kan hmuh (1 Samuel 16:14-23). Cu ve bantuk in Trump le a ttanhtu pawl, thlarau tthalo nih an luh hnawhmi hna damternak ding caah, Biden le a ttanhtu pawl sinah ra ve uh law kan in cawnpiak hna hnu le thla kan in camh hna hnuah tingtang kan in tumpiak ve hna lai i David bang in cucun damnak tling nan hmuh ve ko lai/nan piangthar ve ko lai. Nunnem le toidor nun nan nei ve ko lai. Dawtnak he. Merry Christmas to you all! Credit: Saya Van Tum