Monywa-Mandalay Lam, Maynekyay Khuate Pawng Ah SAC Ralkap Mawtaw Thluan Bomrap An Puahhnawh Hna
============
Sagaing ramthen, Monywa peng, Maynekyay khuate pawng, Monywa-Mandalay lam ah thazang chap ding in a rak chuak mi SAC ralkap mawtaw thluan cu June 4 zaanlei sml 4:40pm hrawng ah MRDA rrtiah thawng theih a si.
Kahdohnak chung ah SAC ralkap 2 an thi i 4 nih hliamhma an tuar tiah MRDA nih a thanh. SAC ralkap pawl nih kahdohnak chung in a thi mi an hawile ruak pawl cu adang mawtaw 1 in sizung ah an tlikpi hna tiah theih a si. May 31 zong ah Maynekyay khuate pawng ah SAC ralkap bomrwap puahhnawh an tong i SAC chungtel 7 an thi tiah theih a si.
https://fb.watch/kZmFKOW7S_/
SAC Ralkap le MNDAA Karlak Ah Ni 3 Chung Pehzulh In Kahdohnak A Chuak; Hramhram in uknak a latu SAC ralkap le Myanmar Democratic Alliance Army (MNDAA) hna karlak ah June 2 zinglei thawk in June 4 tiah pehzulh in kahdohnak a chuak tiah MNDAA nih a thanh.
June 2 zinglei sml 9:09 hrawng ah SAC ralkap pawl nih Pindaung khua pawng ah a um mi MNDAA sakhaan ah kahdohnak an tuah i sml 1 hrawng kahdohnak a chuak. June 3 zong ah Kokang pengkomh Toneshan ah hmunhma a khuar mi MNDAA he kahdohnak sml 2 hrawng a chuak tiah theih a si.
Cun June 3 chun sml 12:40pm hrawng zong ah SAC ralkap 100 hrawng nih MNDAA an umnak Shohminshan le Chokchaipa hmunhma an kah hna i zaanlei sml 3:00pm tiang kahdohnak a chuak i MNDAA lei 1 a nunnak a liam, 1 aa hliam, SAC lei a thi mi le aa hliam mi cazin a fiang in theih a si rih lo tiah cathanh ah an langhter.
Myanaung Peng Ah PDF Sakhaan 1 Luh Hnawh an Tong, Hriam Cheukhat An Sung; The Chinland Post | 2023 June 5 — Irrawaddy pengkomh, Myanaung peng, Banbwekone khua ni tlaklei ah a um mi PDF sakhaan 1 cu June 2 ah SAC ralkap pawl nih an luh hnawh hna i sakhaan an lak tiah theih a si.
Cubantuk in sakhaan an luhhnawh hna ruang ah kuttuah meithal telh in hriam, kuanzen, sii lei thilri pawl an lakpiak hna tiah theih a si. Irrawaddy ramṭhen, Myanaung hrambunh Guerrilla phu pawl nih cu kong he pehtlai in zeihmanh thawng an thanh mi a um rih lo.
SAC leiṭang Telegram channel pawl nih cun mipi hna thawng peknak thawng in sakhaan an lak khawh i kuttuah meithal zuun 9 telh in adang thilri phun 23 an lak khawh tiah an langhter. Irrawaddy ramṭhen hi SAC ralkap he kahdohnak a thazang der lio a si i atu bantuk in PDF sakhaan cheukhat luhhnawh an tong tawn. May 29 zong ah Ngapudaw peng, Hainggyikyun khua pawng ah a um mi PDF phu sakhaan i hriam le thilri pawl zong an lakpiak hna. Crdt; The Chinland Post