Breaking News; Thantlang SAC Ralhrang nih Sianginn Saya an Kah, Hliam a Pu!

Thantlang SAC Ralhrang nih Sianginn Saya an Kah, Hliam a Pu
————
Thantlang peng ah sianginn cachimtu rian a ttuanmi Saya Cung (kum 35) cu nizan October 6 ah khan Thantlang ah a vung kal ta i, SAC ralhrang nih an rak kah caah hliamhma a pu, tiah an khuami hna sin thawngpang kan theih.

Khua upa pakhat nih, “Thantlang ah hin thluak lei damlomi a ni a um i rawlchanh ding in nizaan ah khan a va kal ta. Bangla sang ah SAC ralhrang nih an rak kah i a motorcycle zong a chiahtak i a zaam. A liang ah an khen caah a hma a fak pah ngai,” tiah a chim.

SAC ralhrang nih saya Cung meithal in an kah hi zinglei sml. 8:00 in 10:00 hrawng ah a si. A ni ca ah dum chung banhla ttawhpiak ding in an kal lio ah kah a ton hi a si. Saya Cung cu an khua ah sibawite an um lo caah khuadang ah thlopbul ding in an kalpi, tiah thawng kan theih. Credit; The Chin Journal

D-Day thlakhat tling ka cingtawk (Diary) 1. Ralhraang 800 leng hell ah kuat an si. 2. Sagaing Ramthen cu tuarbik an si. Achang ah Chin Ramkulh. 3. CDM tuah lo pawl tih dok, ngamh dok in CDM lei an panh ziahmah. 4. Phaisa man a tla. Thilman van a kai.

5.Mipi lei hriamtlai a cakmi miphun an van chuak ziahmah. Neypyitaw ralhrang hmun tiang an hei pah buk. 6. Culio ah Chin Ramkulh, Thantlanglei mipi hriamtlai karlak ah pacangtha Tumte nih mei a kau ve. Fimkhur ngai in hmih hau dawh in aum.

7. Atu ral kan dohmi hi mah le hmun cioin taanlak le hmunhma chuh ding tiah NUG nih a timi cungah Ram pumpilei hoih loin peng le tlang tu-ah Chinmi ci a ronh. NUG nih ai timhmi cu kut zawn ah kut, ke zawn ah ke, mit zawn ah mit; cutin kan pumpi hmunkhat ah cawl in ram pumpi luatnak hmuh ding ai timhmi asi tihi Chinmi cheukhat nih kan i fiangning ai dang hoi.

8. Afiangmi cu atu ral hi caan sau a rau lai tihi asi ko. Caah ralhraang an purnak ding lungkhat, thinkhat in cawl kan herh bang, ral nih a van chuahpi dingmi harnak ruatin fimkhur ngai in timhcia tein um kan hau ko. Adih hlan lo hnukir awk a that lo bang, hmainawr chih a herh. Biasi phai pawl caah cun Churchill bia bang: Lamkam a kan bohtu Uico lungcheh caan asi rih loh.

9. Hi pate ruangah Tumte nih kannih mihrut rual cu pakhat le khat khaiter viar an kan timh tiin ka thlakhat diary ka donghter.