Breaking News; Tedim Peng, Khaikam Palek sakhan CDF-KKG ralkap tel in phu thum nih an kah!

Tedim Peng, Khaikam Palek sakhan CDM ralkap tel in phu thum nih an kah
====================
Chin Ramkulh, Tedim Peng, Khaikam khuapi 9mile Palek sakhan cu 2021 September 17 zinglei sang ah PDF nih an kah i SAC minung panga an thi tiah khuami hna sin in thawng kan theih. Zinglei sang suimilaam 5:00 tluk ah meithal thawng theih a si tiah 9Mile palek sakhan pawng a ummi khuami pakhat nih The Hakha Post ah a chim.

“Zing suimilaam panga tluk ah meithal le bomb thawng kan theih. A hramthawk ah cun SAC minung nih tlerhkhawnnak ca ah an puah mi ah kan ruah. Khua a vun dei i, thawngpang dik zong kan theih hi a si. Cun, hi kahdohnak ruang ah Chin Ramkulh lei in a ra mi motor zeimawzat an taap.

An kal kho rih lo. PDF lei in hliam an tuar le tuar lo cu kan thei lo. Pawngkam mi nih an chim ning ahcun SAC minung lei panga an thi,” tiah a cunglei khuami pakhat nih a chim. 9Mile palek sakhan a kaput hna hi PDF-Zoland, CDM le CDF-KKG hna I bawm in an kah mi a si a si tiah kan theih.

CDF, CDF-KKG Le PDF-Zoland I Bawm In Khaikam Palek Sakhan An Kah, Palek 5 An Thi. Kalay le Chin ramkulh ramri, Tidem peng Khaikam khua palek sakhan (Komaing Gate) Sept 17, tuzing 5:00Am ah CDF, CDF-KKG le le PDF-Zoland i bawm in an kah i palek 5 an thi tiah PDF-Zoland nih a thanh.

Palek lei hi a thimi lawng si loin hliam a tuarmi zong an um len. Mipi vengtu ralkap lei hliamtuar le a thi an um lo tiah theih a si. Khaikam kahdohnak ruangah Laitlang lei a kai dingmi mawtaw hna cu palek nih an kham hna tiah Khaikam ah a ummi hna nih an chim. Credit: The Chin Post, The Hakha Post

A zam le zamlo karlak theihthiamnak um seh! Tulio ah a tlizam lomi cheukhat nih “Lairam kan zamtak lailo” timi hla isak in a tlizammi hna kha “khuaram dawt lo, ralchiat” phun dedeng in hmuh le chimrel kha– capo zongin hrial hna usih. Cun, a tlizammi zong nih tantakmi kan unau pawl an thlakaam ding le ningtih ding kha zawnruah thiampiak cikcek hna usih.

Asi khawh ahcun tlikzam lo khawh kha kan duh bikmi cu a si ko. Khua ah a taangmi hna cungah kan ilawm tuk.
Asinain Kawl rallokap sahngar ttih ruangah khua chuahtak in himnak a kawlmi kha khua dawtlo le ralchiat puh hna hlah usih.

Khua le sang zamtak loin mipi nih hriamnam loin kan hngah i kan runven khawhmi a um pah kho men. Nain atulio ahcun CNF le CDF dah tilo nihcun, kanmah tein rallokap le sahngar-ar irunven ding cu a fawi lo (tampi a um lem lo). Cucaah “nan zamtakmi khua/sang le nan inn-lo vialte kan rak in humhim piak dih hna” ti awk a um lem tuk lo.

Cucaah a tlizammi le khua ah a taangmi karlak ah cupi-khate iti le imawhchiat awk a um ding a si lo (a um tinak zong cu a silo fawh). Itheithiam cikcek ko hna usih. Tii zut loin mipi ifuntom a herh bik lio can a si.