Thantlang lei ah thawng lakding in a phan mi hna Cu SAC Ralhrang Nih Vawlnawg In bomb An Thlahhnawk Hna!
Thantlang Khuapi ah Chin Journal Thawngzamtu le The Lairam Times Thawngzamtu nih thawng an lak lioah SAC Ralhrang Nih raltuknak vanlawng pakhat in bomb a thlahhnawk hna.Cun Thantlang khua chungah CB bank le Chin National Army(CNA) le CDF-Thantlang hna nih an lak cang mi Police Sakhan leiah thawngzam pawl nih thawng lakding in a phan mi hna Cu SAC Ralhrang Nih Vawlnawg In bomb an thlahhnawk hna tiah theih asi.
Chun Suimilim 12pm hrawngah CB bank cu an phaan khawh in Police Sakhan leiah an kal than, An chimnak ahcu “kan phan 10 minutes hrawngah Ralhrang vanlawng nih bomb an ka thlah” tiah a chimh. Kan phan nak Police sakhan cu CB bank he 100 pe a hlat, vanlawmg in bomh thlah mi pakhat cu kan mah in ahlat nak ah tla , pakhat cu CB bank pawngah a tla ve tiah Thantlang thawnglak in a kal mi nih a chimh. Cu Vanlawng in bomb a thlahhnawknak ah hliam tuar an um lo tiah theih asi.
Magyisu Khua A Khangtu SAC Ralkap Cu PDF Nih Bomb An Puahhnawh Hna I 10 Hrawng An Thi; May 25 zanlei suimilam 5:00 hrawng ah Mandalay ramṭhen, Magyisu khua a khangtu SAC ralkap le an motor cu Nabuaing(နဘူးအိုင်) in Myingyan lei kap kalnak lam ah Shwe Chanthar Guerrilla phu le Myingyan peng um khuate vengtu(Pah Kah Phah) hna nih bomb in an puahhnawh hna i ralkap 10 hrawng an thi.
Hliamhma pumi zong an tam, tiah Shwe Chanthar Guerrilla in ṭuanvo ngeitu pakhat nih a chim. Bomb kan puah dih in SAC ralkap pawl nih an au-khuan pah in an kan kah ve nain kanmah lei a thimi le hliamtuarmi kan um lo, tiah a chim chap.
May 24 zinglei suimilam 2:00 hrawng ah SAC ralkap le pyusawhti nih Mangyisu khua cu an khangh pinah SAC ralkap nih an hrem hna ruangah a zaam kho lomi khuami pahnih zong innkaang lakah an kaang chih. Inn 250 hrawng a ummi ah inn 100 hrawng an kaang, tiah theih a si.
Yinmarbin Peng Bomb Puahhnawhnak Ah SAC Ralkap15 An Thi; Sagaing ramṭhen, Yinmarbin peng, Banbuai khua pawng ah rallam a sialmi SAC ralkap cu bomb in kan puahhnawh hna i ralkap 15 an thi, tiah Chindwin Tiger phu in ṭuanvo ngeitu pakhat nih a chim.
May 25 zing suimilam 8:00 hrawng ah Kani peng, Alaykyun khua in rallam a sialmi SAC ralkap 200 hrawng cu Banbuai khua pawng ah bomb lung 3 in kan puahhnawh hna i pyusawhti 5 an thi. Cu pinah banbuai khua in a chuakmi SAC ralkap le pyusawhti cu Banbuai khua pawng ah bomb lung 12 in kan puahhnawh ṭhan hna i 10 nak tlawm lo an thi, tiah an langter.
“Kan i timh ning ahcun bomb lung 60 tluk in puahhnawh kan timh hna nain ruah a sur caah bomb chungah ti a lutmi an um i an puak kho lo,” tiah Chindwin Tiger phu in ṭuanvo ngeitu nih cun a chim.
SAC ralkap le pyusawhti a thimi hna cu May 25 zanlei suimilam 3:30 hrawng ah Banbuai khua thlanhmun ah an vui hna. Cu kahdohnak ah cun Chindwin Tiger, Union Liberation Front le Bo Shanshia phu hna i bawm in an kah hna, tiah theih a si. Credite; The Chin Post