SAC Ralhrang Nih Salingyi Peng Khuate Pakhat Helicopter In A Kah!
=========
Sagaing ramṭhen, Salingyi peng, Nyaung-pin-gyi khua cu SAC ralhrang nih raltuknak helicopter in a kah, tiah tualchung mipi nih an chim.June 9, zanlei suimilam 4:00 renglo ah SAC ralhrang nih raltuknak vanlawng in a kah caah tualchung mipi hna cu khua chuahtak in an zaam hna, tiah theih a si. “SAC ralhrang nih Salingyi peng helicopter in a kahmi cu Monywa khuapi chaukhat hmun in hei hmuh khawh a si. Nyaungpingyi khua cu hriamngan puahkeh thawng a thang ngai ngai, atu zong hi kyauk-myet (ကျောက်မျက်) khua in SAC ralhrang pawl an rak ṭum cang ti ah kan theih.
Atu Nyaungpingyi lei kalnak Taungpalu (တောင်ပလူ) khua zong mipi nih khua chuahtak in ral an hrial dih cang” tiah mipi pakhat nih Khit Thit ah a chim.Thailand Ram Ah Tlaih A Tongmi Minung 170 Leng Myanmar Ram Ah An Kuat Ṭhan Hna-Thailand ram ah a ruang tampi ruangah tlaih a tongmi minung 173 hna cu June 10 ah tuanvo ngeitu hna nih Myanmar ram lei ah an kir ter ṭhan hna, tiah kan theih.
Thailand ram Ya-naung khua in Kawtawng khua ah tilawng in an kuat hna i mah hna pawl cu a ruang tampi ruangah tlaih in thongthlak mi deuh an si hna. Myanmar minung 173 chungah Nu 49 le Pa 127 an si..Mah hna pawl cu Kawtawng khua an phak in COVID-19 zawtnak hrik le pumpak an sining kong check fel hnu ah a dang tein chiah an si rih lai tiah kan theih.
Pur thla, kan hnu zarh chung khan Myandalay khuapi cheukhat ah pa pahnih namte hliam tuar in a thi mi ruak hmuh an rak si. Namte hliam in a thi mi hna ruak 2 hi Patheingyi peng le Maha Aungmye peng ah hmuh an si.Pur 4, khan Patheingyi peng Seta khua pawng ah kum 50 tluk upa ruak hi char hmaisa a rak si i Pur 7, ah Maha Aungmye peng chawdawr ah kum 30 tluk namte hliam in a thi mi pa ruak char a si ṭhan. Nunnak liammi hna hi a ho ansi tiah dohthlat khawh asi lo. SAC ralhrang nih uknak an lak hnu hin Myandalay ah i thahnak a tam cang tiah an chim.