SAC Ralhrang Nih Hakha peng Kahdohnak Thawng Thanhnak An Tuah!
================
(Ralhrang nih kan ralkap hmunkhuar pakhat simi Lungkhar timi cu an kan chuh cang tiah kan theih. Mahhi kan sung tinak si lo, caanttha tampi kan ngei ko, zeitluk in kan ralkap hna dirkamh an hauh timi langhter tu pakhat kha ahun si ko.
Mah Lungkhar timi hmun ralhrang chuh ruangah lungdong le lungnuam loin a hohmanh um hlah usih.
Kan doh ahcun kan tei caan phan ve te ko lai i, doh lo bel cun teinak va hmuhnak lam um lo,rap chiah loin va foih khawh si lo.) Crd-Salai William Hlawnceu
SAC ralhrang nih Hakha peng chung kahdohnak cu a tang lei bantuk in thawng thanhnak an tuah. ” Nizaan, zaan lei suimilam 4:00 hrawngah Hakha peng chung, humhimnak ding caah tiin hmunhma a laami Tatamadaw ralkap hna nih CDF pawl cu an kahdoh hna i, tlangcung um an umnak Points-2137 cu hriamnam ngan he neihniam tein an kah hna caah cu umhmun an khur nak sakhan cu an lakting piak hna.
CDF pawl cu an fahtuk cang caah vok le uico tlik in an tlik caah CDF lei in minung pa 7 an nunnak a liam pinah M-22 meithal zuunkhat, Ak-47 zuunkhat, A-12 zuunkhat (12 volt gun, A 12-volt gun), M-4 zuunkhat, Meithahal kuanbawm 12, Meithal kuan phunkip kuan 215, သစ်လုံးဘန်ကာ ၆ လုံး (Bunker of logs-6), Minung pakhat kah thunak khur pa-8 (၁ ယောက်ပစ်ကျင်း ၈ ကျင်း) Minung pa 4 kah thuhnak khur pa-1 ( ၃ ယောက်ပစ်ကျင်း ၁ ကျင်း), Pehtlaihnak Myiang-1 (ဆက်သွယ်ရေးမြောင်း ၁ ခု) tiin an lak piak hna tiah, an langhter.
Hi kahdohnak hi Hakha le Thantlang kar kahdohnak ah asi tiah kan theih. A sinain atu bantukin SAC ralhrang lei nih thawngthanhnak an tuah mi hi catial tu nih fehter mi asi lo. June 12 zaan Thantlang khuachung SAC ralkap le Chin ralkap karlak kahdohnak ah CDF Thantlang chung in ralkap pakhat nunnak a liam tiah theih a si.
“Thantlang khuachung ah sau ngai an i kap. Kahdohnak ah SAC ralkap lei zong hliamtuar le a thi cu an um hrimhrim. CDF Thantlang chung in ralkap Salai Thawngṭha nih ram ca ah nunnak a pek i hliamtuar zong an um,” tiah thawng kan hlatnak nih a chim. Nunnak a liam mi CDF Thantlang ralkap Salai Thawngṭha ruak zong an laak khawh cang i CDF Thantlang nih an bochan taktak mi zong a si.
Chin ramkulh, Hakha peng chung, Lungkhar tlang kahdohnak ah Zotung miphun CNA ralkap 2 nih ram le miphun caah an nunnak an pek tiah The Zotung Post nih a langhter. June 12 zinglei sml 4:30am hrawng in aa thawk mi lungkhar tlang kahdohnak ah Zotung miphun a si mi CNA 2 an nunnak a liam hi a si i kahdohnak chung ah SAC lei nih hriamngan he bawm in a naih tein an doh hna hna tiah theih a si.
Lungkhar tlang kahdohnak ah a nunnak a liam mi CNA ralkap 2 hna cu Salai San Oo (Hunglae) le Salai Thawng Naw Hoi (Sungpi) hna an si tiah The Zotung Post nih a langhter. A luancia May 26 hrawng in Hakha le Thantlang karlak,
Timit pawnghrawng le Lungkhar tlang ah SAC ralkap thazang 150 hrawng nih kahdohnak an thawk caah nifatin ngawt in kahdohnak a chuah hi zarhthum chung a lut cang i kahdohnak chung ah SAC lei a thi mi 50 hrawng an si cang i hriam cheukhat zong CNA, CDF phufonh lei nih an lak khawh. Mipi hriamtlai CDF, CNA phufonh lei in 17 hrawng an nunak a liam ve cang tiah thawng theih a si.