Breaking News: Russia ah CIVIL WAR!
======
Russia ah buainak fate lo tak a thleng! Russia Wagner ralkap burpi le Putin ih (cozah) lakah buainak, doawknak nasa zet a um. Wagner ralkap hotu, Yevgeny Prigozhi, in Kremlin (Moscow) a neih cuahco. Acozah ralkap tampi cu Prigozhi ((Wagner) lamah an lut rero zo. Ralkap Upa le Cozah mi thupipi cu hmun dangah an zam zo, tiin thuthang a suak. Tuhi Palai pawl an tongaw rero ih ziangtak bang pei maw!
Kalay Peng Hleidonh Cung In Chinram Kaimi Motor A Tlaksual Caah Minung 6 An Nunnak A Liam! 2023, June 24 chun suimilam 12:00 hrawng ah Sagaing ramṭhen, Kalaymyo, Yar-za-gyo in Chin ramkulh, Tonzang peng, Sialthawzang khua lei a kalmi Pa Mang Khen motor cu Yar-za-gyo hleidonh cung in a tlaksual caah motor ngeitu le a khaltu simi Pa Mang Khen telh in minung 6 hna cu hmakhat te ah an nunnak a liam colh, tiah theih a si. Motor tlaksualnak in hliamhma a tuarmi cheukhat hna cu Yarzagyo sii-inn pi ah an kalpi hna i, an thlopbul cuahmah lio hna a si, tiah Tedim Times nih a ṭial.
Chanmyathazi Ah Chungkhar Pafa Meithal In An Kah Hna Pa Bik A Thi; June 23, zan suimilam 9:00 tluk ah pafa Cycle in, inn lei ah a rak tlung mi cu an hnu in a zultu hna nih an inn hmai an phak ah meithal in voithum tiang an kah hna tiah tualchung mi pakhat nih a chim.
Inn ngeitu pa bik Myat Htoo hi a lu ah voihnih tiang an kah a fapa hi a hnu lei kengzaang ah an kah ve. An pafa in Mandalay si-inn ah tlikpi colh an si. A fapa hi a kengzaang ah an kah a hmailei paw in meithal kuan a chuak ṭhan na in a thi lo. Asinain, hringtu a pa Myat Htoo tu cu a lu ah voihhnih tiang an kah i si-inn ah a thi tiah an chim. Kahthah a tong mi pa bik hi SAC ralhrang he neihniam ngai in a ṭhu dir mi le a kom mi an si pin ah SAC ralhrang nih a kakip in an hman mi si tiah an chim.