Breaking News: Ralhrang sakhan pakhat cu Mipi ralkap phu 4 nih an phomh hna i, ceih lak an thi!

Breaking News: Ralhrang sakhan pakhat cu Mipi ralkap phu 4 nih an phomh hna i, ceih lak an thi!
============
Pha Suh Suu Palek Sakhan Cu Mipi Ralkap Phu (4) Fonhin An Kah, Ralbawi Telh In Tampi An Thi! Karenni ramkulh Pha Suh Suu palek sakhan ah a ummi SAC ralhrang ralkap hna cu mipi ralkap phu (4) fonhmi nih luhhnawh in kan kah tiah Pha Suh Suu-PDF nih cathanh an chuah.

March 30 ah (PDF-Hpruso), DMO Battalion A,B, D, G, Alay Paing Taing Battalion 1101 CTU le KNDF BO4 hna nih kahdoh ningcang tuaktan in Pha Suh Suu palek sakhan cu an kah. Cu kahdohnak caan chungah SAC ralhrang ralkap ralbawi pakhat telh in a dang, an thih pinah a dang tampi nih hliam an tuar.

Ralbawi thihnak fehternak caah tiin tha tein video laakin record an tuah. PDF-Hpruso le an hawile phu leikap ah hliam tuarmi umloin an i zukphiak kho tiah cathanh an chuahmi ahcun an langhter.

Daw Aung San Suu Kyi Le Ramkhel Ruangah Thongtlatu Vialte Cu Thlah Dingin American President Le Singapore Prime Minister Nih Forh! Kawlram chungah a chuakmi buainak kong he pehtlaiin thinphan awk taktak a si i, hi buainak ruangah ramchung remdaihnak a hnursuan ngaingai tiah American le Singapore nih i fonhin cathanh an chuah.

American President le Singapore Prime Minister hna cu March 29 ah khan Washington ah tonbiaruahnak an ngeih hnuin Kawlram kongah a cunglei bantukin cathanh an chuah hi a si. Kawlram chungah mipi sawhsawh cungah hremnak le thahnawnnak a umti nakhnga lo siseh, U Win Myint le Daw Aung San Suu Kyi telh in ramkhel ruangah thongtlami vialte cu thlah dingin siseh minung le minung i zawnruahnak in bawmhchannak pek khawhnak nawl sian/pe dingin siseh democracy lampi zul than dingin an forh tiah theih a si.

Kawlram mipi caah daiziar tein tawlrel dingin Sngapore le Asia ramchung hna i cawlcanghnak le zuamnak cu cohlan in kan lawmhpi tuk i, Kawlram nawlngeihnak latu hna nih Asia ramchung i ngeihmi zulhphung (5) hna cu cohlan in zul dingin cathanh an chuahmi ahcun an langhter.

Cupinah Kawlram chungah ramkhel boruak aa hel/thlenh hnuin sipuazi a tum chuk ning le harsatnak an tonmi kongah thinphan taktak a si tiah cathanh an chuah hi a si.

Mara Miphun Sinah Zangfah Nawlnak! 1. Kum 22 March 25, Ngaphaite khua chungah a chuakmi buainak ah nunnak a liamtu Paw Mainei i chungkhar, cingla rualchan hna he MATC/MDF nih kan in tuarpinak cu a thar in langhter than kan duh.

2. Paw Mainei thihnak kong he pehtlaiin ramchung ramleng Mara miphun hna nih biadik theih/hngalh cio dingin zaapi nih cohlan khawh dingmi, zalong tein dothlatnak tuahtu dingmi committee phu dirh dingin MATC/MDF nih hnatlaknak kan ngei. Cu buainak ah a teltu kaphnih phu chungtel le hmutu dangdang upatmi hna zong tel cio kho dingin MATF/MDF nih zangfah kan in nawl hna.

3. Kum 2022 Febuary 16 ah CDF Sawhmo le MATF/MDF hna cu hmunkhat ah i fonhtom kho dingin Sawhmo tlang tluan ah i hmuhton dingin kan sawm hna nain CDF Sawhmo hruaitu hna cu an rat lo caah kan i tong kho lo. Cucaah hi hnu, hmailei ahcun Mara miphun le miphun karlak ah ngaihchiatnak le buainak a chuah nakhnga lo, remdaihnak he hmunkhat ah i fonhtom khawh nakhnga Mara miphun duhnak/saduhthahnak cu tlamtlinter dingin MATF/MDF nih CDF Mara cu a vawihnihnak kan sawm than hna.

4. MATF/MDF phu cu SAC ralhrang ralkap he aa fonhmi phu a si tiah Mara miphun le hriamtlai phu dangdang he i hmuhthiamlonak a chuah nakhnga tiin Social Media ah timhciam tein (fake account) hna hmangin a si lomi rumro le hrokhrawl in i vawlpamhnak le i soiselnak vialte um ti lo dingin zangfah kan in nawl hna, kan in theihter than hna.
Credit: Mara Admimistrative Territorial Council