Breaking News: Ralhrang Sakhaan Pakhat Ah Ralhrang 25 An Thah Hna!

Breaking News: Ralhrang Sakhaan Pakhat Ah Ralhrang 25 An Thah Hna!
===========
Kani Winmana Palek Sakhaan PDF phu fonh nih an kah: ralhraang 25 an thi, PDF lei pathum nih ram ca ah an nunnak an pek ve. Sagaing ramthen, Kani peng chung Winmana Palek Sakhaan cu PDF phu fonh nih an kah ca ah ralhraang 25 an thi, PDF lei pathum nih ram ca ah an nunnak an pek ve tiah Kani PDF nih an thanh.

Zahan zaan suimilaam 10:00 hrawng ah Kani peng, Winmana Palek Sakhaan le Winmana Sianginn ah umhmun a khuar mi ralhraang pawl kan kah hna tiah an chim. Hi kahdohnak ah ralhraang lei 25 an thi i PDF lei in minung 3 nih an nunnak an pek, 10 nih hliam an tuar tiah Kani PDF nih an thanh.

Hi kahdohnak hi KPDF-1, MK The Boys, Tabayin PDF, Kani PDF, Golden Triangle Battalion, Mahuyar Nagar Battalion, tualchung ttangti phu hna, EAO hna, tualchung PDF pawl i fonh in kahdohnak tuah mi si tiah an thanh.

Kani Peng Chung Win Ma Nar Palek Sakhan Le SAC Ralhrang Ralkap Sakhan Cu Kani PDF Fonhmi Phu Nih Luhhnawh In An Kah, Ralhrang 25 An Thi, PDF (3) Nunnak Liam! Sagaing ramthen Kani peng chung Win Ma Nar palek sakhan le SAC ralhrang ralkap sakhan cu Kani PDF fonhmi phu nih luhhnawh in an kahdoh caah SAC ralhrang ralkap (25) an thi i, Kani PDF leikap ah pathum (3) nunnak a liam tiah Kani PDF nih cathanh an chuah hi a si.

Febuary (4) zaan sml 10:30 ah Kani peng chung Win Ma Nar palek sakhan le Win Ma Nar အ.ထ.က sianginn ah umnak sakhan tuahtu SAC ralhrang ralkap hna cu KPDF-1, M&K The Boys, Depeyin PDF, Kani PDF, Shwe Tarihgan Battalion, anmahlei mipi vengtu phu telh in an hawikom EAQ le ပ.က.ဖ phu hna i fonh in kahdohnak an tuah hi a si.

Cu kahdohnak ah mipi vengtu PDF pathum nunnak a liam pinah a dang (10) nih hliamhma an tuar. Win Ma Nar palek sakhan cu a rawk dih cikcek pinah SAC ralhrang ralkap (25) an thih i hliam tuartu an tam taktak caah mipi hna ralring tein um kal cio dingah mipi vengtu Kani PDF nih cathanh an chuah hi a si.

India ram Uttar Pradesh (UP State) Biacaih zung nih cozah lutbik a simi Prime Minister Narendra Modi ralkap thuam (uniform) a hruknak he pehtlai in Prime Minister Zung (PMO) sin ah ralrin peknak (notice) an chuah, an pek tiah thawngzamhnak nih an thanh.

Kan hnu kum, December 2021 ah Kashmir khua a tlawn lio ah India ralkap thuam a hrukmi he pehtlai in danthat khawh a si tiah an ti. India phung (Indian Panel Code-IPC) dal 140 nak ning in Pengkomh biacaihtu (district judge) Nalin Kumar Srivastava nih Modi cu ralthuam a hruk ruang ah lungtlinloak an caah ralrin theihternak (notice) a chuah.

Atu bantukin PMO sin ah biacaih zung nih ralrin peknak a chuannak hi Pandey timi nih zuamcawhnak a tuah (file) hnu ah a cangmi a si. Hi kong he pehtlai in, March 2 ah a kongkau caih a si lai tiah theih a si.

India phung (IPC) dal 140 nak ning in, Ralkap thuam, Ti ralkap thuam le upatmi tbk. pawl hman le hruk hi dantat khawhmi sual a si. Cozah lutlai a simi Prime Minister nih a cung ah ummi le phungning in Ralkap lubik a simi (commander-in-chief) le Rampi (State) lutlai President hi a upat awk a si.

Ram mi poah nih ralkap an lut dih lai: Min Aung Hliang. Ram mi sinak a ngeimi poah nih kum 1 silole kum 3 chung ralkap an lut hrimhrim lai tiah February 2 ah Ralkap lutlai Min Aung Hliang nih a chim tiah Western News timi Kawlca thawngzamhnak nih a thanh.

Hi bantuk in rammi nih ralkap ṭuan dih ding zulhphung hi atu kum chung ah a si khawhnak in kan tuah lai i ram mi sinak a ngeimi poah nih a tlawmbik kum 1 in kum 3 tiang kan ralkap an ṭuan dih lai tiah Naypyitaw ah tuahmi meeting ah Min Aung Hlaing nih a chim.

Asinain, Ralkap lei kong a theimi nih hi bantuk in ram miphun poahpoah ralkap tuan ding timi hi an caih peng. Kawlram bantuk ram ahcun a si kho lo. Hi tluk hriam in a buaimi ram le miphun le miphun kar, biaknak le biaknak kar ah buaibainak a ummi ahhin a si kho rih lomi a si tiah an chim.

Cun, a hlei khun in tutan ah Ralkap nih anmah sin ah riantuan ding in an lak bik tawnnak hmun le ram a si mi, Sagaing khuate, Magway khuate le Chin ramkulh hmun cheukhat hna cu Kawl Ralkap ah luh cu chim lo in anmah tein sermi hriam hmang in Min Aung Hliang hruaimi ralkap cu an doh cuahmah tiah Tagaung Institute lutlai Ralkap lei thilthei nih a rak tial bal.

Cun, Western News nih cun, 2022 hi Kawlram caah hneksaknak a tam kum si kho men. Chawhleh a ṭhat lo ahcun kan mithmai bi lai, kan himnak a der ahcun kanmahtu kan ing lai caah rampi himnak ding caah a ṭha bik lam a si tiah a chim tiah an tial.

Hi bia a chimnak hi, Min Aung Hliang nih, hramhram uknak lak kum 1 tlin a thaizing ah hi bantuk in Naypyitaw ah tuahmi meeting ah ralkap ṭuan dih ding timi zulhphung tuah an i timh hi a si.

Asinain, Kawlram ahcun miphun hawih in Ralkap rak um a si, nain cucu Kawl ralkap nih Ne Win chan in hrawh a si i a tu ahcun, anmah Kawl lawngte nih nawlngeihnak tlaihmi bu pakhat bantuk a si cang. Miphun cio in hriamtlaihmi umnak Kawlram bantuk ahhin cun hramhram ralkap tuanter hi cu a fawi lai lo tiah theihngal nih an ruahdamh.

Rammi sinak a ngeimi poah nih ralkap luh dih ding timi zulh phung hi 2010 November 4 ah General Than Shwe chan ah an rak tar i, pa a si ahcun kum 18 in kum 35 kar le nu a si ahcun kum 18 in kum 27 chung ah kum 2 si lo le kum 3 tel ralkap a ṭuan lai timi zulhphung an rak tuah bal.

Thla khat chung ah ralhrang 80 leng kan thah hna tiah CNDF nih cathanh a chuah. Chin ramkulh, Falam peng chung ah January 6 in ralhrang thazang 300 hrawng le CNDF kahdohnak voi 12 a chuak tiah CNDF nih thawng a thanh.

Cu kahdohnak ahcun ralhrang 81 an thi i 60 leng nih hliamhma an put lawng si loin 60mm miakpi, 40mm miakpi le meithal kuan tampi lak khawh a si tiah theih a si. Bom tawlrelnak ngeih a si lio ah CNDF lei in hliam a pu mi 1 le kahdohnak ah aa hliam mi 8 an si i ralkap 1 nih a kan liamtak tiah CNO nih cathanh a chuah.

Kahdohnak Thawng; Kalay peng ni thlanglei, Cianh Tha khua ah hmunhma a lami ralhrang phu pawl cu February 3, zing sml 6:00am hrawngah PDF- Kalay, CDF (KKG), RKDF, CDF- Hakha le miphi hriamtlai phu hna nih kan kah hna tiah Kalay- PDF nih cathanh a chuak.

Cu kahdohnak ahcun ralhrang lei in 2 an thi i tampi an i hliam. Mipi hriamtlai phu lei in 2 hriam ngan nih a khen hna nain phan awk a um lo tiah theih a si. Cun, February 4, zing sml 10:00am hrawng ah Kalay ni thlanglei in a rak chuakmi ralhrang mawtaw 1 cu Chin Sai khua le Zaw Ka Lin khua karlak ah PDF- Kalay nih bom an puah hnawh hna caah ralhrang 3 an thi i tampi an i hliam tiah PDF- Kalay cathanhnak in kan theih. Credit: The Chinland Post