Breaking News: President Putin cu exit pakhat lawng a nei cang!

Breaking News: President Putin cu exit pakhat lawng a nei cang!
======
Putin nih nuclear weapons kha ready in um ter ding in timhlamhnak a tuah ter hna. Cu tlawmpal ah EU nih Russia vanlawng poahpoah EU ram cung airspace ah zuan an senh ti lo (an phih)

FIFA nih Russia cu dan a tat ve. Hmaithla ah World Cup qualifying matches ah a chuih ding mi Russia’s team cu an ram aiawh in an chuih kho lai lo, Russia’s flag and anthem (an ram hla le thantar) zong an hmang kho lai lo. Football Union of Russia ti lawng in tel nak nawl an pek hna.

Europe ram (NATO members) cheukhat nih Ukraine cu hriamnam kuat ding in biachahnak an tuah. Tuan deuh ah hriamnam kua lo in mipum i vennak equipment tu kan kuat lai a rak ti mi pawl nih hriamnam zong kan kuat tthan cang lai tiah an lung ai thleng.

Sanctions an tuah ning a fak chin lengmang i Russia cu vawlei mipi sin in an pheu thluahmah ko cang. Keimah ruahnak; nuclear hi cu a hman taktak ka zum lo. Ai ruahnak ning in thil a kal khawh lo caah ai hrocernak asi lai tiah ka ruah. Zeicatiah nuclear a hman ahcun midang nih an hman ve lai i a mah zong a ciam ve lai (balance of terror).

Tuchun hrawng social media ah ceih mi; Putin cu exit pakhat lawng a nei cang; cucu China he ttantti in western sanctions in zeitin an i chan lai/ an doh lai, asiloah western allies he an izuamcawhnak zeitluk in a fah chin te hnga tbk. Hitluk in western allies pawl an ifuntom ding le an ttantti ding hi Putin nih a rak i tuak palh deuh ko rua an ti.

Russia a hlawhtling lo! Russia ramuk calngau pa Putin cu a ruah ning bantuk in a lo hma kal ti lo. Fawi tuk in Ukrain ka tei lai tiah aa ruah nain a hlawhtling naisai lo. Ukrain khuahli pi Kyiv lak ding in niruk ni in a luh hnawh i zarhpini tiang ah a hlawhtling lo.Alak kho lo.

Cu tikah pasal pa ningzah celh lo le mi hmai khah lo ah Ukrain khuapi lakah a pahnihnak nganbik mi Kharkiv lak ding in a luh hnawh than a hlawh tling hlei lo. Russia ralkap tampi Ukrain nih an thah hna. An raltuknak Tank pawl zong an hrawh dih. Cu chinchap ah Russia ralkap lam tlau pawl zong Ukrain ralkap nih a nung in an tlaih len hna. Thawnnak timi hi minung ngan le hmet ah a um lo. Thinlung ah a rak um deuh.

Russia nih Ukraine a tuk tlawmpal in Putin neihniam mirum pawl cu an phaisa sungh ning a fak ngaingai. Cacawn nili chung lawng bak ah Russia mirum bik Vladimir Potanin cu 3 billion dollar a sung (phaisa a phumnak Nornickel cu -26 % in a tlak caah). Cun Putin hawikom tthiam2 oil billionaire asi mi Alekperov cu 6 billion dollar a sung ve i a neih mi dihlak chung in nikhat te ah thumchuah khat a sung (a neihchiah 19.2 billion dollar in 13 billion dollar ah a zawr).

Putin hawikom Russia mirum taktak pawl minung 22 nih nikhat chung te ah an dihlak an sungh mi hi 39 billion dollar asi (Bloomberg). EU le US nih a fah khawh chung in sanctions an van tuah thluahmah i ai thawk lawng a si rih ti asi. Ukraine an tuk hnu in Moskva Stock MOEX cu a tlak ning a fak ngai manh. Credit: Sangukceu Zinhlawng

Ram Cheukhat nih Russia Saction’s An tuahnak kong! 1. EU le US nih Russia cu an removed cang. An hloh kan ti lai cu. KHoika in dah an hlonh? Vawlei cungah atthawk bik asi mi. SWIFT- Society for Worldwide Interbank Financial Telecommunication ti asi i Cooperative of Financial Institution ti asi I kum 1973 ah an rak dirh mi Beldium khua ah Headquarters asi. Mah bank hi an mah EU le US nih cun Russia cu an phih piak cang. Cu caah Russia ah tangka i kuat le mah Bank cu rian attuan ti lo caah Russia hi akal kho ti lai lo.

Vawlei cung Global network ah a ngan bik mi Transfers asi. Mah SWIFT bank loin ramdang le ramdang tangka luh chuahnak aum lomi asi. Cu caah Putin nih a ruah lo tuk mi thil a cang ti asi. Adang Western vial te le Australia cun Japan hna zong nih International bank an hman mi vialte cu an khar dih. Mirum vialte nih an khar dih. Sanction timi cu Russia ram ah zei bantuk tangka lei in luhchuah khawh ti lo dingin vawlei cung Ram kip nih an tuah i Vaw lei cung Mirum kip nih an tuah.

2. U.S Sanctions – Adang Russia thilri Hotel ti bantuk le Golf tuk nak ti bantuk cun Rili cung hman mi Russia own Ship-Yark vialte an kal kho lo. Ram kip nih an hman lo dingin an khar viar. Cun President Biden nih executive order in Monday ah Sanctions tuahnak min athut mi kha Russia nih foreign exchange-ramdang in cipuaizi atuah nak transaction-tangka luh nak 80% hi U.S Dollars asi. Cucu U.S nih a phih piak. Cucu U.S Cozah nih an cham ding siseh an mah Russia nih an ngeih mi Bank vialte cu an phiih piak dih cang. Cucu 80Billion tluk asi.

3. UK-United Kingdom -LONDON nih sanctions atuah mi hna – aphih mi hna cu Russia mirum bik minung pa 3 an si. Cun Bank angan-ngan pa 5 an si. Russian billionaires asi mi 1nak Gennady Timchenko, Pa 2nak Boris Rotenberg, Cun PA 3nak Igor Rotenberg hna an si. SGM Group angei tu le iol gas si an ser nak hmun le achuah nak hmun cu an phih piak. Cun Timchenko cu amah pumpak in Invesment angei tu Buu pakhat asi mi hna zong cu an khar piak dih.

Cun Bank ngan bak asi mi hna Rossiya Bank le IS Bank cun Promsvyazbank le Black Sea Bank mah hna cu UK -London ram ah angan bik mi Bank an si an khar dih. Russia caah tangka tamtuk aluh nak cu London nih aphilh piak cang. Cucu hriam-man a zuar nak tangla luhchuah nak cu philh piak asi cang tiah Foreign Secretary Lis Truss nih. Achim. Russia caah tangka a luh-chuah lo nak ding ah high teach pawl vialte zong kan philh piak dih tiah chim fawn.

4. Germany zong nih an phih piak ve, Atu ka chim cang mi Russia nih an ngeih mi an ram ah Bank vialte le Russia caah hlok nak an tuah mi tangka luhnak vialte an phih. Cun Russia caah abiapi bik mi tangka an hmuhnak bik mi Nord Stream 2 gas pipeline an khar piak, Hihi a fak ngaingai mi asi. Zei caah tiah cun nikhat bak ah mah Gas hin U.S Dollars 151 Million bak achuak mi cucu an phih piak ve.

5. Ukraine -Atu Russian nih cun Russian sin-in um-kal nak vialte an phih dih pinah zei bantuk activities vialte kha an khar dih. Hlan lio 2014 in Russian troops kha Eastern Ukraine ram ah an lut lengmang i buai bak nai cu aum tawn nain ral I doh ti bantuk cun a rak um lo. Tutan tu cu ral i doh bak asi cang. Cu caah mah acan lai te khan ramri zong cu an khar. Atu ahcun an i tu taktak cang.

6. EU members ram 27 nih atu bantuk Russia athil tuah cu an cohlang lo. An lungthling lo. Cun Australia PM Scott Morrison hna cu athin hung ngaingai i Russia’s Security Council pawl cu Mirang holh cun “behaving like thugs and bullies” tiah a uah hna. Lai holh cun Misual bantuk le mi va tuahhram bantuk in aum mi an si ati. Japan MP asi mi Fumio Kishida zongnih tampi sactions atuah hna akhar hna cu lak ah abiapi ngaimi cu khualtlawn nak asi i Russian ram in Japan ah khual tlawn khawh asi lo bantuk in Japan ram zongin Russia ram ah kal khawh lo nak in an khar ve.

UN Security Council Meeting ah Russia le Ukraine kong cu an ceih tik ah Saction’s kan tuah lai tiiin lungtling i an kut an thlir nain a kut a thlir duh lomi le Russia attan pi mi kan ti lai cu cu hna cu. Iran, China, North Korea, Syria, Venezuela, Cuba, Belarus, Nicaragua le India an si. Hi hna ram nih hin atu Russia misual pa Putin Saction -Sipuaizi phih piak cu an duh lo i an kut an thlir lo. Asi nain mah hna ram pawl nih hin Russia caah that-hnem nak ngaingai achuah pi mi an um lem lo. Cu caah mah vialte ram nih an phih-khar piak lo ahcun a cawlcang kho ko lai lo maw tiah ruah afawi te nain mah hna ram nih cun zei hmanh Russia cozah le ralkap, Mipi caah that-hnem nak ape kho lo.

Ok, Vawlei cungah Russia hriam-nam a tha bik le ralkap atthawng bik tiah kan rak ruah ngai hna. Cun U.S hmanh a tei lai tiah kanmah Laimi sinah rak ceih-cum ngai asi. Nain atu Russia nih biatak tein raltuk nak Tank he zei he Ukraine’s ram ah eastern lei Myon pakhat tuk hmanh ai harh tuk hi Ni 3-4 a tu cang le an mah Russia Ralkap nih an sungh mi cu vanlawng pa 14, Helicopters 8, Raltuk nak Tanks 102, raltuk nak Motor 536, Kuat hme tete in achuak kho mi Meithal 15, Buk -1 System tiah auh mi Meng 200-300 tiang akap kho mi Motor 1. Russian Ralkap 3,500 an thi i an Ukraine nih an tleih mi hna hi minung 200 an si ti asi. Cu caah Russia hi an tthawng bak lo. Atu thil si ning cun an sung ti awk asi.

Russia nih an tuk ning rengreng hna hi Mile -meng 600 hlan in an kah hna i Ukraine inn le lo cu ai rawk i Ukraine minung 198 an thi i hngakchia pa 3 an thi cun hma apu mi hi minug 1,115 an si i hngakchia hi minung 33 an si tiah Health Ministry Viktor Liashko nih achim. Alengmi minung -Civilian minung 25 an thi I minung thing 1 reng lo nih an kal tak cang i minung ting 5 nih an kal tak khawh mi asi ee ati.

Ral an I tuk ning zoh tik ah hin Russia hi an sung ngaingai ti alang i Ukraine tu an awng ti alang. Si mah vial kha si rih sehlaw. Russia an President Zelenskyy nih zeitluk in dah an ram a dir pi le an ram zamtak ding cu ai tim hrimhrim lo timi alang i an ram mi vialte chuak dih uh kan Inn le kan lo kan veng hna lai ral kan tu lai ati nak kong te hna.

Cun Heavyweight Champion of the World Klitshko kong te hna le Vawlei cungah mirum bik U.S Billionaire SpaceX angei tu cun Tesla Motor company angeitu CEO -Elon Musk nih Ukraine a dir pi hna nak kong te hna kha ka rak chim tthan te lai. Angai tu vial te nan cungah ka lawm. Mah bantuk alinsa mi kong hi tial awk a tlak le nan theih-ngeih zuam ko ahcun ka rak tial lengmang lai. comments ah biahal khawh le ruahnak ttial khawh asi. Credit: Bawi Thang Vlog