Breaking News: PDF Pawl Nih Min Aung Hlaing Cungah Lunglawmh Bia An Chim, Thil Mak Tuk Na Ti Men Lai!

Breaking News: PDF Pawl Nih Min Aung Hlaing Cungah Lunglawmh Bia An Chim, Thil Mak Tuk Na Ti Men Lai!
=======
Ralhrang Min Aung Hlaing te phu nih an ngeihmi Mytel phone tung ah an hmang mi Meiseh, Solar le Battery pawl cu an lak i, hriamnam serchuahnak ah People Defense Force pawl nih an hmang hlei ah Min Aung Hlaing cungah lunglawmh bia an chim.

Magway ramthen, Pakokku peng chung um ralhrang nih an ngeihmi Mytel Phone tung ah an hmanmi Meiseh, Solar le Battery pawl cu Pakokku hrambunh Earthquake People Defense Force hriamtlai phu pawl nih an lak i, hriamnam serchuahnak ah an hmang cang, tiah thawngpang tha tuk theih a si.

Pakokku hrambunh Earthquake People Defense Force hriamtlai phu nih sakhaan thar pakhat caah kan herhtukmi Meiseh, Solar le Battery pawl le a dangdang a herhmi pawl na kan bawmh caah kan ilawmhtuk hringhran, tiah Min Aung Hlaing sinah lawmhbia an chim. Min Aung Hlaing cungah lunglawmhnak bia le thawngpang tha an thanhnak kong cu Earthquake lei nih an langhter.

Nizan chun hrawngah Earthquake People Defense Force hriamtlai phu hawikom a simi Young Force UG he hmunkhat te ah ralhrang pawl nih Gate an hngaknak ah an hmangmi lentecelhnak phunkhat a simi zong an lakpiak rih hna, tiah thawngpang theih chap a si.

2022 GENERALS’ PEACE CONFERENCE (Cambodia PM Hun Sen Myanmar ah a ra lai). Cambodia Prime Minister le tukum ASEAN ah Chairman atlaih tu General hlun Samdech Hun Sen cu January 7-8,2022 ah hin Myanmar ram Nyphidaw ah rat i Gen. Min Aung Hliang hmuh a timh. 2022 ASEAN Chair a tlaih hnu’in a hmasa bik ramdangin Head of State arak tlawng hma sa bik dingmi asi.

Amah rualin ASEAN Envoy to Myanmar thar ding Dy-PM le Foreign Minister Mr. Prak Sokhonn zong a rak i telve lai ti’ah AFP nih a chim. Nizaan ah khan Yangon i Cambodia Embassy pawngah Bomb a puak na’in a tlawng dingmi hi a thulh hlei loh ti’ah Cambodia Ram dang lei Zung Spokesman nih a chim fawn.

PM Samdech Hun Sen nih hin Cambodia ram hi Kum-36 a uk cang i, Vawleicung Ramuk sau bikmi ah aa tel. Kum-1980’s(85-86) ah khan Army General asi lio ah Cambodia Siangpa -hrang Norodom Sihano cu Nawlneihnak” Aa Naa” a ting i a rak thawl i, Thailand le China ram ah a rak zam. China tlangtlaknak in remnak an siam khawh i, cuhnu’ah Cambodia People’s Party(CPP) a dirh i, Democracy bantuk thimnak an tuah tawn na’in atutiang anmah CPP lawng lawngnih Kum-36 tiang teinak an lak peng.

Cupinah, December 23 ah khan Cambodia CPP Central Committee nih cun, amah PM Hun Sen fapa upa bik Lt. General Hun Manet(44) cu a ra laimi Prime Minister a Pa chawntu dingah an rak thim cia hoi cang!!!. Lt. Gen Hun Manet hi England Bristol University ah Economics in Doctorate Degree ala mi asi.

Tuhlaan deuh ASEAN nih an hremmi Kawlram cu Hun Sen nih hin ASEAN Meeting nak ah kan sawm tha’n lai ti’ah a rak chim cia ca’ah UN, US le EU pawl zongnih an rak sawisel len cang. Asi na’in a let ve mi hna cu “A nemnak lei lawng lawng (Soft-Diplomacy) in Myanmar le Min- Aung Hliang hi kan tei khawh lai”.

Cun achim rihmi cu “Myanmar ram hrem tak tak nan duh ah cun, ziah Yangon i nan Embassy pawl khi nan khar dih kun lo?” ti’ah a leh ve hna. Politics lei mithiam pawl nih cun, ruahlopi’in Myanmar buainak hi a’lehthal kho menmi asi ti’ah an zumh. Ziah ti’ah cun, ASEAN Meeting Min Aung Hliang kai ter lo ding anti lio’ah khan Cambodia Foreign Minister Mr. Prak Sokhonn zongnih a hnathlakpi(ထောက်ခံသူ) ve hna.

General Min Aung Hliang nih cun 2022 Kumthar biacahnak ah Kum-2023 August ah Myanmar ram thimnak kan tuah tha’n lai i, a teimi Party pawl sinah Democracy Uknak kan pek tha’n lai ati. Kei cu zei Party hmanhah tel ka hau lo. Ka duhnak pohin ka tling ko lai. Independent zong in thimnakah lutning law ka tling thiam thiam ko lai ati chap rih. Remdaihnak lei tel dingin NCA le Northern Alliance pawl cu asawm hna.

KNU President General Saw Mutu Saypoe nih cun, Min Aung Hliang cu a’lehning cu” Ralkap le Aanaa-Sin(အာဏာရှင်)pawl nih cun zeitikhmanh ah an thinlung chungril tak takin remnak le daih nak an duh bel loh” ati ve. Tuhlaan cu Tatmaha -5 lawngnih biatak te’in an doh hna na’in tutan Leekehkaw kah dohnak ruangah KNU dihlak nih Ralkap Cozah cu do dingin an i timhlamh dih cang.

KIA President General N’ Banla nih cun, “Kawl ram Ralkap Cozah cu a hohmanhnih an duh ti lo i, Ramchung/Ramleng ah hoikawm a nei ti lo ca’ah kan dihlak te’in do ti hna usih” ti’ah Mipi cu asawm ve hna. Tuhlaan deuh kha PDF kong ah KIA cu a lawm lo deuhnak arak chim cang.

NUG tang i um CDM/PDF ah Ralbawi in a lutmi Irrawaddy Division Chief Minister hlun Saw Mahn Johnny(72)cu Karen ramah meithal tlaih in Kawl Ralkap cu a doh ve hna. Tunai te Lee-Keh-Kaw i kahnakah khan a tel ve ti’ah theih asi. Atu tiang cu damte’in KNLA sinah a um. Major Mahn Johnny nih cun ” Ka thih lo asi poh ah cun, teinak kan hmuh hrim hrim lai” ati. Credit: MC Biklian