Breaking News: Ngakchia Pathum Cu Thingkuang Chung Lente An I celhnak Ah An Thi

Irrawaddy ramthen, Mawlamyein Township, Phukhami Dawng khuate ah ngakchia pathum cu, an nulepa riantuan an kal chungah thingkuang chungah an luh i, lente an celhnak ah Orygen an hmuh ti lo caah an thihnak hi a si, tiah thawngpang theih a si. Mah ngakchia hna cu Mg Phyo Khant Kyaw (Kum 8) Mg Thet Toe Way (Kum 6) Ma Way Way Aung (Kum 1 le thla 8) unau pathum cu thingkuang chungah an luh i, lente an i celhnak ah tutan bantuk in a nunnak an liam hi a si.

Ngakchia pathum hna hringtu nulepa hi lei facang riantuan ah zingka suimilam 5:00am ah lei lei ah an kaltak hna i, inn an kir hnu ah an kawl len hna nain an hmuh hna lo, khuachungah an kawl lengmang hnu zongah an hmuh hlei hna lo, cu hnu ah facang chiahnak thingkuang chungah an unau pathum tein a hngilh bantuk in an rak ih i, an thi tiah mi bawmhchantu bu pakhat nih an langhter hi a si.

Hi ngakchia pathum hna nulepa hi miharsa nifatin ei chom tuan chom in a cawmmi an si hna. Mi dang lei riantuantu an si. Mawlamyein miharsa bawmhchantu phu nih hi ngakchia hna pathum bawmhnak ding ah an tawlrel cuahmah tiah Miharsa bawmhchantu bu Secretary U Win Aung nih a chim.