Breaking News!
Chin ramkulh ralram hmun pakhat kahdohnak ah SAC ralhrang nih raltuknak vanlawng le hriamngan in an kah bawmh hna caah Chin ralkap ṭangṭi phufonh in 10 hrawng an nunnak a liam! Hliamhma a tuarmi zong an um, tiah kan theih! Atu hi kahdohnak pehtlaiin a um rih ca ah mipi hna nih thlacamnak in bawm cio hna u sih! Thawng fiang thanh khawh le update awk a ṭhat ahcun update khawh kan i zuam ṭhan te lai!
U.S.A Texas, Lewisville city ah Lai pa meithal in an kah. 05/27/2023 ( Saturday) zanlei suimilam 6:30 hrawng ah tlangval Van Sui Uk cu a lu ah meithel in an kah caah a nunnak a liam hi asi. A kap tu 3 lak ah 1 cu tleih asi cang. A dang 2 cu an kawl cuah mah lio hna, tiah theih asi.
Hi kahthahnak a ruang cu theih khawh asi rih lo tiah chimnak nawl ngei tu palik nih an chim. Hi kong hi min langh ter a duh lo mi pakhat sin in kan theih. TheDallasmorningnews zongah fiang deuh in rel khawh asi.
Yesagyo Peng Ralhrial Camp Cu SAC Ralhrang Le Pyusawhti Nih Luhhnawh In An Kah Hna, Mipi 2 An Thi; Magway ramṭhen, Yesagyo peng ah ralhrial hna an umnak Camp cu SAC ralhrang le pyusawhti fonh nih an luhhnawh hna i an kah hna caah ralhrial mipi 2 an nunnak a liam, nu hna cu ralhrang pawl nih an tlaih hna i an kalpi hna, tiah theih a si.
May 28 zing ah SAC ralhrang le pyusawhti fonh nih Yaeshar (ရေယှား) khua pawng ah ralhrial in aa dormi hna mipi 200 hrawng an umnak Camp cu atu bantukin an luhhnawh hna i an kah hna caah pa 2 an nunnak a liam hi a si. Cu pinah hliamhma a tuarmi nu hna le pa cheukhat hna zong an tlaih hna i ralphaw ah an kalpi hna, tiah Tachileik News Agency nih a langhter.
Cu hnu ah Yaeshar khua chung ah umhmun a khuarmi SAC ralhrang le pyusawhti hna nih ralhrial mipi hna Cycle 15 le ralphaw ah an tlaihmi hna mipi cheukhat hna cu Myin (မင်း) khua ah hmun 2 ah i ṭhen in an lut, tiah theih a si. Cu pinah ralhrang pawl nih Chinya khua le Moephyu khua zong ah inn 65 ciam dihlak in an khanghpiak rih hna, tiah theihchih a si.
Rithaisii A Zuartu Le A Tawngtham Mi 6 Tamu- PDF Nih An Tlaih Hna; Sagaing ramthen Tamu khua, Nan-kala sangchung ah Rithaisii a zuartu minung 1 le a tawngtham mi minung 5 hna cu May 26 zanlei suimilam 1 tluk ah PDF-Tamu Battalion 4 nih an tlaih hna tiah kan theih.
Tamu khuachung ah rithaisii cu langsar ngaiin a zuar mi le a tawngtham mi an um tiin thawngpang pek nak in PDF nih check hlatnak an tuah i a zuartu telh in minung 6 an tlaih hna hi a si.
“Rithaisii a zuarmi cheukhat hna cu meithal i ken in a zuarmi zong an um hna, rithaisii a tawngmi an tam bantuk in tangka herh ah cycle tlau zong a tam, thiltha lo tuah mi cu an hnulei in firnak le thatnak nak tuah duhnak nih a zulh colh hna.” tiah PDF- Tamu Battalion 4 tuanvo ngeitu pakhat nih a chim.
“Tlaih a tongmi hna cu a voikhat nak ralrin pek nak ah voi 30 cio kan tuk hna, hihnu ah sualnak an tuah than ah cun thong kan thlak cang hna lai” tiah a cunglei upa nih a chim.
Mah hna 6 sin in Rithaisii bawm 1, Palang 1, WY tlang 2, phone 4, tangka le Rithaisii he aa pehtlai mi thilri dang zong an tlaih chih hna. Tamu peng May thla chung ah Rithaisii ruangah minung 10 leng PDF nih an tlaih cang hna tiah kan theih. Credite; Lungmili Post