Breaking News: Myintkyina Khuapi Um Northern Command Headquarters, Air Base Cu Miakpi In An Kah

Breaking News: Myintkyina Khuapi Um Northern Command Headquarters, Air Base Cu Miakpi In An Kah
===============
Kachin ramkulh Myintkyina, MawPhong khua kam ah a ummi ralhrang buu sakhaan, Northern Command Headquarters, Air Base cu tuzing suimilam 8:00am hrawng ah miakpi he kah a si, tiah Khit Thit media nih an tarlangh. Hi maikpi an kahmi kong he pehtlai in Miakpi pahnih a puak tiah theih a si. Air Base i a ummi ralhrang buu a thi le hliamhma belte theih a si rih lo. Mawphong pawng um khuami pakhat nih a chimhning ahcun Miakpi thawng voi li kan theih i, pakhat cu MawPhong khua chungah a puak caah khuami pakhat hma a pu tiah a chim. Zei bantuk hriamtlai phu pawl nih kah mi a si, timi tu cu kan theih kho rih lo tiah pawngkam ummi pakhat nih a chimh.

Kachin ramkulh, Myintkyinai, Mawphong khua pawng “Puak thawng voithum ka thei, ka ttih caah dum ah ka um ngamlo i hngakchia hna ka auh hna i ka tlik pi hna” tiah MawPhong khua pawngte ah a ummi Shia Dong khuami pakhat nih a chimh. A tu ah Maw Phong khua pawng hrawngah helicopter an zuang cuahmah, Kawl ralhrang motor zong tampi a phan. Cun, ralhrang buu pawl nih mi chawhvah le security zong an strick ngai” tiah an chimh.

Atu lio cu Kachin ramkulh chung ah khuaci an mui ko, Kachin ramkulh, Bhamo district chung, HpanKan, TaNaing, Puta-o hrawngah KIA hriamtlai phu le ralhrang buu hna an in kah cuahmah lio a si. KIA hriamtlai phu hna hi Chin miphun nih biatak tein thlacam bawmh cio hna usih. Nihin ni tiang ah tlangcung hriamtlai phu lakah KNU le KIA lawng an cawlcangh tiah cheukhat nih ruah a sinain, a thlitein hriamtlai phu dang zong an cawlcangh cuahmah vemi an um. Ref: khitthitmedia