Thailand Ram Ah Myanmar Ram Mi 100 Tluk An Tlaih Hna. Thailand ram, Kanchanaburi pengkomh ah phunglam lo in a lutmi Myanmar rammi 94 cu March 3, 2024 ah ṭuanvo ngeitu nih an tlaihkhih hna tiah Thailand hrambunh Migrant Myanmar Based nih RFA ah an chim.
Motor chungah tlaihkhih tongmi Myanmar rammi hna cu pa 58, nu 31 le ngakchia 5 hna hi ansi tiah an langhter. Tlaihkhih tongmi cheukhat hna nih Thailand hrambunh Education and Development (FED) sin ah bawmhhalnak an tuah tiah rianṭuanmi hna latu U Min Oo nih a chim.
“Tlaihkhih mi hna hi phu dangdang in an um i, minung 18 hna umnak phu nih bawmhchanhnak hal in a kan chonh” tiah an chim. Lungmili Post
Thawngpang dang: AA nih hin an ram chung tiang SAC ralhrang nih thazaang taampi an chap kho nak hnga lo caah an ram kauh duh ruangah Paletwa hi fak pi in control khawh an i zuam bik cu asi. Hmailei caah kan thin a phan ngai ve mi pakhat asi.
Dohthlennak chungah cun zeipoah kan mipi zong nih an theithiam ko, kanmah zong nih kan theithiam ko, sihmansehlaw, hmailei can sau a rauh sual ahcun thinphang ngai awk cu asi ko tiah Salai Htet Ni nih a chim.
A biapi cu AA zong hi Local Defence cheukhat pawl nih hmun an pek tuk hna tik ah an duh poah in kan chim mipi zawn zong ruat lem lo in, an hriamnam nih a phak nak tawk in raldohnak an tuah peng mi hi asi ko. Sihmansehlaw, CNA/CNF nih cun miphun dang kan ram chungah duh poah in lut le cawlcang zeitik hman ah kan cohlang kho loh.