Breaking News: Mizoram, Sangau Khua Ah Chin Pa YMA Nih An Thah

Breaking News: Mizoram, Sangau Khua Chin Pa Cu YMA Nih An Thah
=========================
Vawleicung ngai hi a poi tawn ko, kanmah unau bantuk in kan ruahmi hna Mizoram chungah hi bantuk thihlonak kan ton tikah lung a fak tuk hringhran ko. Mizoram chungah ramri kan i nai biknak Sangau khua cu kanmah Laimi district chung an si hlei ah kanmah Laimi deuh lawngte an umnak khua pakhat zong a si fawn. Chin miphun dihlak nih hi thawngpang hi fiang deuh tein kherhlaihnak tuah ding hrimhrim a si. Kanmah unau tiah kan ruahmi hna nih hi bantukin mi nunnak tiang an lakmi hi cu a si hrimhrim an si lo. Hmailei kan i pehtlaihnak zongah tha tein khuaruah a herh taktak mi a si.

Kawlram, Sagaing ramthen, Kalay peng, Tayakone khua i a ummi Pu Kio Tum a naupa Pu Dar Hei fapa Kyaw Kyaw cu India ram ramri Sangau khua ah a um i, Tiva ah bom an puah i YMA pawl nih an vuak i a thih a si ko lai tiah nizan ah thawngpang theih a si. Atu lio boruak ruangah Kyaw Kyaw a ruak cu tlun kal a ngah rih lo caah Sangau khua ah vui a si te ko lai tiah thawng kan theih.

Mizoram YMA nih mi thih lakin thahnak nawl an ngei maw? Cun, Hi thawngpang kong ahcun CNF zong nih biatak tein tuanvo la kho hna sehlaw, a tha tuk hnga? Sangau YMA nih kan unau Chinpa Kyaw Kyaw an thah ning hi zeiruangah dah a nunnak tiang an lak hnga ti bantuk in theih a herh ngaingai. Mah le mah kan si hlei ah mah le unau nunnak liam tiang in vuak le thah cu a poi tuk hringhrna. Thih lonak a tongmi chungkhar le cingla rualchan nan dihlak ngaihchiatnak kan in hrampi hna.

Note: Hi thawngpang hi kanmah duh in tialmi a si lo, mi pakhat sinin thawng kan theihmi a si caah, Chin miphun dihlak nih theih ah a tha ko tiah kan ruah caah kan vun langhtermi a si. Thawngfiang le biafiang tuan ah kan theih khawh cio nakhnga aho paoh nih rak share cio hram uh.

Chinram Politics Ukpennak lei ka hmuhning; 1. Chin miphun hi miphun dang cio bantukin tifiim le ram-hring a kawl pengmi kan si. Mitthawng nih zapi cu uk le pen a rak si. Laimi lakah Za Thang hrin nih 1400 AD hnu in 1886 tiang ram kau bik an ukpen. Bawi an rak si. An duhning paoh in uk a si. Khua dangdang cio ummi hna cu hngalhlomi midang paoh sa le ral dirhmun in zoh a si. Uktu nih mahca dah tilo zatlang tthancho-nak le zapi thazaang hman in tunmer le tthanchonak rian an ttuan bal lo. Mah le velchum lawngah an ibual. Kawlmi he pehtlaihnak a um lo.

2. Mitthawng British nih 1882 ah Champhai-Tedim jeep Road an ser, raltuknak ca. Chinmi nih ukpennak za-lon duh ruangah an doh. An sung. British changtu ah ramukbawi paoh cu peh-tlaihnak an ngeih hna. Chin nunchung zulh in upadi an ser. British le ramukbawi hna cu uktu an rak si. Zapi nih aw le an langh ter khawh a si lo. Lukhawng an kholh. Lusheiram ah England ram in siangbawi hna nih carel an ser hmasa. Lusheiram ah British officers a rak simi, Newland, tbt hna cu Chinram an phanh tikah Lushei ca an thiamningin 1896 hrawngah Siyin le Lai carel an rak ttial. Cucu British hna cawn awk a si. Chinmi cawn awk a si lo.

3. British nih Laimi fimthiam-cawnnak (education) hram an thok lo. 1900 in American siangbawi nih cacawnnak an thok. Arthur Carson nih New-land ttialmi carel hoih in Chin Siangngakchia cawn awk Lai-carel cu a rak ser. 1924 ceote ah British nih sianginn ser an thok. 1948 tiangah Lam an ser lo. Lothlawh le eidin an sersiam lo. Ngandamnak ttuanvo an la lo. Cucaah atu British sinin an tlolhmi rianttuan awk fial khawh an si. British kut tangah Chin Rifle
battalions an um. An rak tthawng ngai. Karen nih Kawl dohtti dingin Chins cu an rak sawm hna. Col Hrang Thio nih a cohlan ko. Nain Karen nih Meihtila khuataw ah Chin Rifle a rak kah hna caah aa leet. Karen an sung. U Nu aa lawm tuk. Chin Rifle cu laksawng phaisa tampi a rak pek hna.

4. Hi tiangah Chin politicians an rak um lo. Kale le Tamu area cu Chin Hills chungah tel ve ding in U Nu te le Aung San te nih an rak timh pah ko nain caan aa sualsarok, Chin politicians an rak um lo. Cucaah Sagaing divisn ah a tla. Chin Hills ti a si ko i Frontier area tthanchonak caah research tuahmi team an ser. Falam State High Schl, Surbung airport, Laiva dam, Lungpi Agric High School, Falam Civil Surgeon Hisptal, Falam mangki office, Thuklai State High School, Kale-Teizang-Webulah-Lumbang-Falam-Hakha car road ser an si.

5. British pennak in Indepen-dence hmuh dingah Bogyoke Aung San nih ramukbawi Pu Kio Mang, Pu Hlur Hmung, hna cu Pinlong Minthut ding ah a rak sawm hna. An thut. Independence hmuh a si. Parliamentary Democracy cu ser a si. Election caah parties tamtuk an ser. Ramluat a si. Aung San cu thah a si. U Nu pennak ah zalong tein bia chim a si ko. Buddhism cu National Religion ah a ser.

6. 1948-1962 karlak Chinmi Uktu politicians hna cu; A. Wumtu Maung, Mindat Amah hi British kut in luatnak ah cawlcangh te Chinmi ramukbawi kut in luatnak le Chin National Day le Chin New Year le Chin Special Division caah capital town cu Hakha siseh a titu a si. B. Za Hre Lian, Falam Chinmi lakah B. A. Degree a hmu hmasami le party a dirhtu le Chin Affairs Minister le Falam District a feh tertu, Kale-Teizang-Bamboocamp-Falam Motorcar road sertu bik. C. Ral Hmung, Hakha 1958 Caan karlak Thla 6 chung Chin Affairs Minister a si Chin Special Division Commissioner Hqr, Falam cu Hakha ah a tthial. D. Chin Special Division ah Commissioner a tlaitu hmasa cu Thiripianchi Thawng Cin Thang a si.

7. Shan le Kachin nih 1960-2 ah Pinlong bia bangin mah tein ukpennak siseh, timi bia ruangah Ne Win nih Revolu-tionary Council a ser. Chin Affairs Council tlaitu bik hna cu Tedim an si. Ne Win nih Capital town of Chin Affairs cu Hakha si seh, a ti. Uknak tlaitu hna nih Kalemyo ah Hqrs an ser. Tedim pengmi Kawlrawn ah khua ser ter an politics a si.

8. North West Command tlaitu Col. Van Kulh hruainak in Kale Hqrs cu 1968 ah tthial a si. Nain uktu hna nih inn le lo an sa duh lo. Caw le rang inn bantuk an sak. Col. Kap Cung Nung cu Chin Council Chairman a si I Falam Mangki inn in Hakha ah Zung a kai. Anih politics cu Falam Peng, Tlang-cungmi Kawlrawn ah peem, Kale valley ah khua ser, a si.

9. 1974 ah Revolutionary Council in Pyithu Council an thlen, Constitution ser a si i Chin State tiah min thlen a si. Nain Federal State siloin Centrally controlled State a si. Phungki nih phaisa tampi thaap in sianginn an ser, Chin Mino khua kip ah an cawm hna, sianginn an kai ter hna. Phungki ah an ser hna. Cozah rian ttha an hmuh ter hna. Khrihfa civui, biakinn sak, permit an philh. Vailam ting bunhmi an thluk. Kawl Ralkap politics cu Aho paoh Kawlmi, kawlholh, buddha biami, si ter biaruah ding ti a si. Cucu Chinmi caah religious persecution a si, tiin Geneva Human Rights declaration in USA pumpi ah 1998 thok in rak phuan a si. Cucun 2000 AD hnu cun ramdang a phanmi Chinmi paoh asylum or refugee in cohlan a si. Chinram politics ahcun hihi a sangmi a si ve. Ram ttha hna nih refugee resettlement cu UNHCR nih an kalpi. Chinmi ramdang peemnak politics sang tak ah aa cang.

10. A kong tamtuk ruangah 8888 a chuak. Kawlram cu an tei dengmang ko. Ralkap nih thah dih dengmag a si. Cucaah siangakchia hna cu CNF an dirh. Chinram cu 1992 tiang white area a rak si. Ralkap uknak a ra lo. CNF a dir ruangah Red State ah ah chiah a si. Atu tiang. Chin ram ah Kawl ralkap battalions a tam tuk cang. Phungki lei le Ralkap lei nih Chinram cu an zual chin lengmang.

11. 2008 Myanmar Consitution Ralkap duhning in suaimi a si. Anmah kut ah teinak um seh timi a si. Cucaah 2010 ahcun cuhtu ngei lo USDP acozah a chuak. Chim State chief minister cu Col. Hung Ngai, Mindat in a si. Amah hruainak in Chin State capital, Hakha, cu a feh ter. State level office Buildings le inn le lam tampi a sak, a ser. Southern Chin State minung hna nih Chin State council an tlaih ahhin Chinram politics a dai, a rem, rian ttha tein an ttuan. Hung Ngai cu buddhist a si nain Chinmi a upat, biaknak a thleidang lo. Upat awk a tlak.

12. 2015 election ah Pu Lian Luai cu Chief Minister a si. Hakha ah office a tthut caan le Naypidaw, Yangon, le Falam ah rian herh a kalmi caan hi aa zat men lai, an ti. Vice President Henry Van Thio nih Chinram ah inn le lo, sianginn le sizung, ti le mei, lam le hlei, tampi a ser. 2016 thok in states dang zat bak in Chin State caah budget a tlak ter khawh. Timhmi le lungtum le saduhthahmi cu ram pumpi le Chinram caah a tam luangluang. President a hmuh lo hmanh ah Vice, Vice a si tthan lo hmanh ah rampi Vuanci Hmun khat cu a hmuh ko rih lai dah. Upat awk a tlak ngai. 1948-2016 tiang Chin State nih; A. States dang hmuhmi hnarcheu lawng a hmuh. B. Hmuhmi budget cu lam le sul ruang le a thiammi um lo ruangah a kirmi aa tam tuk. A tam tuk. Kawlram acozah cu leiba cawh awk a si ko.

2020 in hmailei: Mino tthawng tete hna nih Election an tei. A ttha. A ttha, Aho dah Chin State Chief Minister a si lai? timi hi atulio Chinram politics ah a sang cem. Midang vialte lakah Col. Soe Htet cu NLD in a dir caah Chinram politics cu a rem ngai. Paletwa in politician model Chinmi kan Pa pakhat, MP That Hlaing hrinmi fapa a si. Buddhist a si ko nain Chinmi paoh he hawi aa kom kho. Amah hi Chief Minister a si ahcun capital Hakha caah siseh, Paletwa hunchonak caah le Chinram pumpi hunchonak caah rem te le teinak he a ttuan lai. Cucaah a bik in Hakha le
Thantlang upa vialte nih 100./ in dirpi hna sehlaw a lung i hmui seh, ti khi ka thlacam a si. Bawipa nih Chinram politics cu rem ter Chinchin ko seh. Amen. Credit: Rev. Dr. Chum Awi