Breaking News: Mingala Taungnyunt Township ah Chin Nu Inn Cung In A Tla, A Nunnak Liam

Breaking News: Mingala Taungnyunt Township ah Chin Nu Inn Cung In A Tla, A Nunnak Liam
==================
Yangon khualipi, Mingala Taungnyunt township, Kandawlay sang No. 91 lam ah Chin miphun a simi Zomi nu pakhat cu nihin suimilam 11:30am hrawng ah palik le ralkap nih innkhan dot 5 tiang innka an kingh hna caah, anmah innka an hnawh lio ah a tihtuk i a thertuk ah a hnu lei a tla sual i, a nunnak liam tiah thawng theih a si.

Atutan a thimi nungak nu hi Kalaymyo, Tahan sang um (Kum 35) hrawng a si i, a min ah Ma Zuali a si, tiah theih a si. Kandawlay sang ah amah lawngin a ummi Chin miphun nu pakhat cu a chungkhar hna hi, Tahan ah an um. Amah pakhat lawng in Yangon ah a um. Cucaah, zeitin dah thil a cangning si timi pakhat hmanh kan theih lo. Chin nu a si ti cu a dikmi a si ko. Social Media zongah an zamh bantuk in sayamah cu a si lo, tiah an chim.

Atu lio Kandawlay sang ah hin Chin miphun pawl le Lawyer hna nih Ma Zuali a ruak a phorhtu palik pawl cu hlaithlai nak tuah ding an timh. Ramchung Social Media nih an zamhning ahcun Ralkap le Palik nih No. 91 lam ah We Love Yangon zung chung an luh i, meithal an puah i an thihphiah hna tiah an tial.

Yangon, Mingala Taungnyunt No. 91 lam ah hin We Love Yangon phu zung cu nihin chun suimilam 11:30am hrawng ah Palik le ralkap thazang tampi in an luh hnawh hna i, We Love Yangon sign pawl zong an hrawkpiak dih hna. Mipi nih an hlut mi thilri pawl zong an lak dih hnu ah, meithal hna an puah hlei ah an thihphiah hna. Cun, We Love Yangon zung umnak tahkhan dot 5 nak ah Chin nu hi a ummi a si, inn dot 5 cung in a tla tiah a hmumi pakhat nih a chim. Credit: Zalne