Mindat Khuapi Ah SAC Ralhrang Nih Nu 2 An Tlaih Hna, A Zaam Mi SAC 1 Zong An Tlaih. Chin ramkulh, Mindat khuapi ah khuasa mi nu 2 hna cu nizan 2024, March 10, chun suimilam 1:00 tluk ah SAC ralhrang nih a ruang umlo in an tlaih hna i Khah-Lah-Yiah 274 Battalion chung ah an kalpi hna, tiah theih a si.
“SAC Ralhrang nih Mindat khuapi, Bo-Kyaw-Oo lamṭhan pawng ah nu 2 an tlaih hna i hri in an khih hna hnu ah an kalpi hna” tiah tualchung mi pakhat nih a chim.
Cu pinah Khah-Lah-Yiah 274 Battalion in a zaam mi SAC ralhrang 1 zong ralhrang pawl nihcun an tlaih khawh ṭhan i an tlaih mi hna nu 2 he hmunkhat ah hri in an ṭem ve hnu ah Khah-Lah-Yiah 274 Battalion chung ah an kalpi hna, tiah theih a si.
Tuan deuh zong ah Mindat khuapi hrambunh Khah-Lah-Yiah 274 Battalion in Sergeant 2 cu hriamnam loin an chuak i an zaam kho, tiah tualchung thawng zamhnak hna nih an langhter. Lungmili Post