Breaking News; Min Aung Hlaing Ralhrang Pawl An Mualpho Hoi Cang Hih!

Ralhrang le BGF an i palh i an i kap minung 20 thi!
=========
Mon ramkulh,Tatung peng, Tungbu lay – Tungbu Gyi khua pawng ah September 23 ni ah ralhrang le ramri hngak ralhrang anmah le anmah an i kap i minung 20 an thi tiah KNU Brigade (1) sinin thawng theih a si.

“Anmah hmunhma thianh tu phucheu in an cawlcangh lio ah BGF cu KNLA tiah an ruah hna i ralhrang lei nih an kah hmasa hna kaphnih in an i kap i minung 20 an thi kaphnih ralhrang 20 an thi” tiah KNU Brigade (1) lutlai pakhat ni Khin Thit Media ah a chim.

Ralhrang le BGF hna an i kah palhnak ah ralhrang nih BGF ralkap hna an tuahser nak cheukhat cu an lungtling lo i an kah hramhram mi a si tiah kan ruah tiah Salween Press nih an langhter. Mah kahdohnak a um hnu ah saikel he a ra mi mipi pakhat cu an kah i a pawngkam ummi mipi hna thilri inn le lo cu bomb in an cheh hna i an hrawh hna.

Ralhrang mawtaw hna cu Kalay PDF nih bomb in an doh i ralhrang 8 an thi. Tuchun suimilam 12:00 hrawng ah mi sawhsawh mawtaw 3, saikel 5, thil phurh nak mawtaw 4 in Kalay lei ah a rak ra mi ralhrang mawtaw hna cu Chin Sine khua pawng ah PDF Kalay nih bomb in an doh hna i saikel 3 le mawtaw 1 cu an rawk i saikel a khaltu ralhrang 3 le thilphorh nak mawtaw a cit mi ralhrang 5 an thi an zapi minung 8 an thi.

Bombpuah hna hnu ah ralhrang hna cu Chin Sai lei cu tihphan bu in ruahdamh in an kah i bomb an puahnak in a rawk mi mawtaw cu an chiah tak i a dang mawtaw ah ruak hna cu an khin hna i Kalaymyo lei ah rang taktak in an zaam tiah Kalay PDF nih an thanh.

Volunteer pawl nih Tlangzar khua an tlawn. Falam COVID-19 Volunteer pawl nih nihin September 26 ah Tlangzar khua ah kal in COVID runvennak,rianruannak caah thilri herhmi pawl an va pek hna tiah Chinland Herald nih an langhter. Tlangzar khua ah COVID-19 Positive mizaw 28 an um i sianginn ah Quarantine center tuah in zohkhenh an si.

Tlangzar khua zohkhenhnak caah ramchung/leng zawnruattu pawl nih CRCDF sin i pekmi Test Kit, PPE, Surgecal Gown, Glove, Mask, Body bag le mizaw pawl ca sii-aii pawl cu Tlangzar mino tuanvo ngei Salai Za Hlawn Cung sinah Volunteer pawl nih an pek hi a si.

Thawngthanhnak Upatmi riantuan hawi hna, Hakha Township IDPs Management Committee min in nan kut kan in tlaih hna. Tulio kan ton cuahmah harnak ruangah Hakha peng khuakip ah siseh Hakha khuachung Khrihfabu kip le sang chung ah siseh aa dormi le fuhpanhtu ralhrial le ralzaam kan unau vialte caah Hakha khuapi timhcia te kan si cang tiah mah le Khrihfabu ah thawng nan kan thanh piak cio nak lai upatnak he zangfak kan in nawl hna.

1. IDPs Camp 1 cu Chin Christian University, Cawbuk ah hun a si cang. 2. September 27, 2021 (Nikhat ni), Zing sml 10:00 ah IDPs Camp 1 ah i dor khawh a si cang. 3. IDPs Camp 1 ah tlunkalnak le fuhpanhnak cu mah he naihniam mi Khrihfabu le sang upa sinah bawmh hal in tawlrel a si lai.

4. Covid-19 zawtnak kongah test ta a duh mi nih Community Care Center & Test Center (No. 3. BEHS) ah rak i test ta khawh a si. 5. Covid-19 positive a si mi ralhrial le ralzaam hna cu IDPs Committee nih tha tein zohkhenh le tirawl lei tuanvo lakpiak an si lai.

Contact Persons: 1. Rev. Dr Thawng Hlei Thang- 09740813098, 2. Pastor Sui Mang- 09423661278. Upatnak he, Ni Cung Thang, Implementation Director