Breaking News: Min Aung Hlaing Ralhrang nih anmah chungkhar lila tam taktak an thah hna!

SAC Helicopter Nih A Kah Sual Hna Caah SAC Ralkap 69 An Thi
=======
Sagaing ramthen Myiang peng Yesagyo peng aa pehnak ah SAC Helicopter nih anmah SAC ralkap cu a kah sual hna caah 69 an thi tiah theih a si!

November 13, zinglei ah khan misawhsawh thuam i hruk in SAC ralkap rual nih Myiang peng le Yesagyo peng aa pehnak hrawng i khuate cheukhat cu an khangh hna i an kirlei ah tualchung hriamtlai hna he hmaitonh kahdohnak a chuak! Zing 9:30am hrawngah SAC ralkap hna bawmh dingin Mi-35 Helicopter pakhat a ra i misawhsawh thuam aa hrukmi SAC ralkap cu a kah hna tiah tualchung hriamtlaibu CDSOM chimnak nawlngeitu Ko Nway Oo (ကိုနွေဦ:) nih a chim!

Myaung le Yesagyo aa tonnak ah ralhraang column cu Mi 35 helicopter nih a kah palh hna i ralhraang 69 an thi
Sagaing ramthen, Myaung peng le Yesagyo peng aa tonnak ah council ralhraang column (Sit cawng) cu Mi 35 helicopter nih a kah palh hna ca ah ralhraang 69 an thi tiah CDSOM phu chimnak nawlngeitu Ko Nwe Oo nih Yangon Khit Thit media ah a chim.

November 13 zing ah khua lak mi thuam aa hruk mi council ralhraang columm cu, Myaung le Yesagyo peng aa tonnak khua pawl an khangh hna hnu an rak kir than lei ah tualchung PDF hna he an i kap. Zing suimilaam 9:30 ah North Western Command in Mi 35 helicopter pakhat a rak zuang i uniform aa hruk lo mi council ralhraang column cu a kah palh hna hi a si tiah kan theih.

“Bomb a kah palh hna caan hi zing suimilaam 9:30 ah a si. Myaung le Yesagyo aa tonnak Yesagyo lei kam ah a si. Myaung lei in cun Myitsone khua pawng ah a si. A thi mi hi 69 an si i, column ning in cun an thi dih lo. Column pakhat ah 100 leng hrawng an si. A kah palh tlawmpal ah motor 30 hrawng in an ruak pawl an rak lak hna.

Nizan i Myaung peng Marinmah khua a khaang tu ralhraang column zong mahka lei cun an kai colh. Ruak char a bawm mi hna nih kan rel mi ah cun 69 an si tiah a hei chimh hna. Zing ah kahdohnak a chuak i kahdohnak ah vanlawng cu an auh mi hi a si. Vanlawng an auh ahhin tualchung PDF pawl an um ti lo. Anmah lawng an si. Anmah zong cu uniform an i hruk lo ca ah anmah lila ah palh in bomb a thlak hna hi a si.

Hi column nih hin Yesagyo kiangkap khua pawl an kangh hnu ah Myaung lei ah an kal. Myaung lei khua an khangh than hnu Yesagyo lei an kir than lio ah kahdohnak a chuak i vanlawng an auh hi a si” tiah CDSOM chungtel chimnak nawlngeitu Nwe Oo nih a chim.

Cu council ralhraang column cu Mi 35 helicopter nih voi 25 bomb a thlak hna caah a thi le hliamtuar an tamnak cu a si. Cu ralhraang column nih cun Yesagyo peng khua 4 le Myaung peng khua 7 an khangh hnu an kir lei ah an i kah palh hi a si tiah kan theih.

Thawngpang ttha tuk si cu. Mah ti khan an mah le an mah kha I kap pah lengmang ko hna seh. An zia thin hna hlah seh an mah le an mah i kap leng mang hna seh. A mah le an mah hi i kap dih hna seh law a tha tuk hnga ee. Thawngpang tha taktak kan theih than ko hih a mak tuk hringhran.

Fidi Veterinary Supplies and Services Nih Romthlo Khua Ah Sațil Zuatkhalh Ning Cawnpiaknak An Ngeih Hna! Fidi Veterinary Supplies and Services phu nih a voi 2 nak sațil zuatkhalhnak kong cawnpiaknak cu Ramthlo khua ah an tuah, tiah theih a si.

Hi cawnpiaknak ah a dihmi phaisa cu AIDII nih bawmhnak an pek hna. Romthlo khua cawnpiaknak ah hin minung 40 an kai kho. Fidi Veterinary Supplies and Services phu nih hin a voi 1 nak sațil zuatkhalh ning cawnpiaknak cu Hakha khua ah an rak tuah i cawnpiaknak ah minung 20 an rak kai.

Fidi Veterinary Supplies and Services phu cu Chinram sațil zuatkhalhnak lei ah kan thanchonak ding i hmaithlak in biatak te in rian a țuanmi an si.

CDF phukhat nih 60MM an siam ve. Timit ah an hmang le a alh khawh lo an ti! NUG Kuttang PDF Wetlet Nih Hloh An Duh Hna Caah An Tuk Mi Bo Cakei Phu Nih Kutsiam Meithal Lian In Rallokap Sakhan An Kah! Ankah mi Rallokap Sakhan: Sakai Ramthen, Wetlet Peng Sinmaka Sakhan. A kap tu LDF phu hi Kan hnu zarh ah NUG Kuttang PDF Wetlet nih an kah mi Bo Cakei te phu kha an si.

PDF Wetlet nih a nung in tlaih an duh ko nain Bo Cakei cu azam manh. A ralbawi chuekhat cu an thlah rih hna lo. Dalaan bantukin an hrem hna/ an thah hna. NUG nih an hlat lio asi. A sual mi cu Bo Cakei siseh, PDF Wetlet siseh, dantat an si tiah an thanh cang.

11 November 2022, ah Bo Cakei te nih kutisam bomb le Meithal lian in an kah hna. Minites 20 -25 chung an i kah. Uirual cu maw ka nu kan khamh tuah u, kan lo dih cang tiah an kio len. An kah mi Bomb le kuan vialte Sakhan ah an tla dih. Uirual a thih zat kan theih khawh rih lo tiah Bo Cakei nih ati. Hmapu in a aihram lenmi au kan theih hna tiah a ti. Rallokap nih khua chung ah Hriam ngan an kah lengmang i mipi an kan thah lengmang caah tu bantukin kan kah hna hi asi tiah Bo Cakei nih a ti.

November 7 ah Sinmakan Sakhan um Uirual nih, Khua chung ah Hriamngan an kah caah, Nu 1 a thi, kum 2 ngakchia pa hma fak pi in a tuar tiah Bo Cakei nih a ti. NUG Kuttang lo LDFs phu 5 i fonh in an kah hna. Bo Cakei nih a hruai hna. (ဗိုလ်ကျားကြီးအဖွဲ့၊ ကျားသစ်နက်ပြောက်ကျားအဖွဲ့၊ ACID အဖွဲ့၊ မတ္တရာပြည်သူ့ကာကွယ်ရေးအဖွဲ့နှင့် လျှပ်စီးပြောက်ကျားအဖွဲ့).

Fianternak: NUG sual phawtnak capar asilo. Kawlrawn PDF hi 500 dengmang an um. NUG kuttang ah 200 leng an um. Adang cu NUG kuttang lo lawng an si. Chinram lawng ah Pengtlang CDF an tam asi lo. Kawlrawn lei ah an tam deuh. Nain mah le mah aa kah mi an um tuk theng lo. CHIN MI zong mah le mah i kah ti hla usih. CDF phukhat nih 60MM an siam ve. Timit ah an hmang le a alh khawh lo an ti.’

NUG Kuttang PDF Wetlet Nih LDF Wetlet An Kah Hna An Tlaihhna i Fak Piin An Hremh Hna. Chinram lawng ah asilo. Kawl Miphun PDF zong mah le mah an i doh cang. Makui Ramṭhen, NUG Kuttang Wetlet PDF cu GZSTF – Wetlet tiah min an pek. Pituh Ukchizihmu Pu Ni Myo Aung nih a hruai hna. LDF hi Bo Cakei nih a hruai hna.

Pu Ni Myo Aung te nih Sakurt Motor khat lak in an va kah hna. PDFs le Police tiang an I kal pi hna. Bo Cakei cu a zam khawh nain, a ralbawi 2 an thi, Tampi an tlaih hna I fak piin an hremh hna. Dalaan bangin an hrem hna. NUG Zulhphung ning (Code Of Conduct) biaceih ding asi nain fak piin an hrem hna. An thlah cang mi Ko Sin Zaw, Bo Cakei ralbawi pa cu thih deng in an vuak caah tirawl a eidin khawh rih lo.

A pumpuluk in hmarun lawng te asi. A thi khawh men ti asi. Bo Cakei te PDF Page Admin Ko Chiat Ci Mg cu an tlaih nak ni 17 leng asi cang nain an thlah rih lo. Bia hal awk a dih rih lo an ti. An thah mi, an tlaih mi, an hremh mi an nupi, an pi le an pu, an chungkhat hna nih Dalaan bangin hremh that mi ansi caah kan i lungsak khawh lai lo. Rallokap he dohnak ah an thih ahcun kan I lungsak tuk lai, Dinfelnak le thildik a chuah khawh nak hnga bia kan ceih piak uh an ti ve.

NUG MOD zunguk Pu Naing Htoo Aung nih hlathlaibu kan dirh lai i kan hlathlai lai, thil dih a chuah khawh nak hngal kan bawmh cio uh a ti. GZ hriamtlai phu dang ah virus le cancer bangin a karh hlan ah kan hmih a herh ati. Kawlte PDF LDF cu NUG biachahnak kan ngai lai/ kan zulh lai an ti. Kanmah le mah aa doh mi le Mah minung cu Dalaan in a thah sual mi CHIMMI Hriamtlaiphun cu CNA Tlangtlak le biaceihnak kan duh lo.

Tlangtlak ah Dalaan In mi thah ding in kan um. Mah le mah Pengtlang upa nih remh zong kan timh hna lo. Pengtlang CDF hrim nih CNA cu zei ah kan rello. Kannih NUG nih bia an kan ceih lai lo. CNF / CNA cu NUG Mahameih hmasat le Mahamei thabik asi caah CNA sin ah nawl an pek dih tihi kan hngalh awk asi.

CDF Mara le MDF an i kahnak cu an i remh khawh ko lai. Mara ve ve an si caah, a dang a bawmhtu CDF dang belte hi an remh khawh ti hna lai lo. Mei a alh hlan ah tlangtlak zawkzawk a herh. Mara miphun anmah le mah cu an i daw tuk. Adih dong tiang aa sik khawh ding ansi lo. Cucaah Mara le Mara i remh cu a har lo. A rau lai lo, an i remh khawh colh ko lai. CDF Mara Bawmhtu ZZLMS belte MDF nih an remh kho hnga maw?

Mara miphun le miphun dang karlak ah thil cang mi le kahdoh nak hi kan remh zawkzawk lo ahcun a herh lo ah a um sawhsawh mi Mipi tampi thah dawh kan si. Social Media ah, Mara miphun an comments zoh tikah kan in thah ve hna lai timi lawngte asi. Saiha in MDF duhlo tu vialte chuak dih uh an ti hoi.

CDF Mara le MDF remh a fawi lai ka ti nak cu Mara veve an si caah asi. CDF Hruaitu B Ko hi MDF upa ah an thimh ahcun a dai khawh men. Anih hi Pastor asi. Paletwa ah Ticket a duh nain, NLD EC le Mara miphun nih Ticket an pek lo caa a lung a fak.

MDF an tuah tikah Upa ah an thim lo caah CDF a chuah pi hna. MP Za Cung cu chakhri a tlaih i a duh poah in a merh mi pa si. Pu Paul Smith nih an kan liam tak caah amah ai ah Pu B Ko hi an thimh ahcun hmunkhat ah um a fawi te lai.
Dalaan tiah an puh i an thah sual mi pa hi thisen ah Lautu asi. Biaknak in Mara asi caah Lautu le Mara nih tuanvo an ngeih ve ve.

Fianternak: CDF ah lungkhat lonak um seh tiah ka tial mi asilo. Pumkhat si dih usih, CNA ah direct in siseh, indirect in siseh, pumkhat si usih, Pumkhat sinak le lungkhat thinkhat ngei in raltei usih, Federal ram kan lutpi uh timi saduhthah nak lianpi he asi. Dalaan cu hremh le vuak in thah ti lo ding in le kutpar in tongh lo ding in kan nawl hna.

Biaceih nak tuin, lairel usih law a sualnak rup in thongthlak, a innlo hrawk piak, khuami sinak in dawi, tbk in hmalak ding ah kan nawl duh mi hna asi. Rule Of Law um seh, Upadi hmai ah mikip I ruang cang usih, Democracy um sehlaw, Federal Muisam leng cang seh timi chunmang he asi. MDF, CDF Mara le CDF Lautu ah ahodah a dik i, ahodah a sual timi kan langhter duh nak asi lo. Mara miphun thangchiat seh tinak asilo.

Mi Roling John Mang Tling, Dr. Sa Sa, Salai Htet Ni bantuk Mara Mino tampi chuah hna seh timi saduhthah nak lianpi le Mara miphun duhpi nak he asi deuh. Chinram le Kawlram hruaitu ah Mara Miphun an thimh hna hi nan philh sual lo nak hnga darkhing tumtu Capar zong si hram seh tiah duhpinak relcawk lo he, ca kan kuat hna bia asi. Credit: Joseph R. Thang