Breaking News; Min Aung Hlaing Biachim Cu Aho Nih Dah A Zumh Khawh Lai!

Breaking News; Min Aung Hlaing Biachim Cu Aho Nih Dah A Zumh Khawh Lai!
============
Myanmar ram ah a luancia 2019-2020 tangka kum a zarhthumnak hrawngin Covid zawtnak ruangah rampi economic cu a tumchukmi cu thlaruk chungah tuahremh le nunter than dingin caankarlak National Planning Bill (အမျိုးသားစီမံကိန်း ဥပဒေ) ser dingin kan i zuam lio tiah SAC Chairman Bochohhmuci Min Aung Hlaing nih a chim.

A hlan ah cozah tangka kum cu kumhlun October in kumthar September tiang rak rel a si nain 2022-2023 tangka kum cu kumhlun October in kumthar March tiang, caankarlak National Planning Bill ah thlen a si lai tiah Sept 22, nizan i Naypyidaw ah tuahmi National Planning Commission meetingah a chim.

Hi thlaruk chung National Planning Bill nih rampi economic le zatlangrian hna cu a nunter than lai i mipi khuasak tintuknak tampi a bawmh lai. Fak piin kan i zuam a si ahcun caan tawite chungah a rang i hmual a ngeimi theipar kan zun ko lai tiah SAC chairman nih cun a chim.

Myanmar ramkhel hlathlaitu thiamsang hna nih cun nawlngeihnak lak hnu i Min Aung hlaing biachimmi hna cu rampi nih a tak in a tonmi hna he aa kalh caah rampi limhang a zor i ngaihchia taktak a si ko tiah an chim.

Gangaw le Kalaymyo lam ah kahdoh a um khawh peng caah khualtlawng hna tu caan thok in zei bantuk mawtaw hmanh tlunkal lo ding in kan in theihter hna. Gangaw in Kalaymyo lam ah a thli tein ralhrang nih security hna an chiah khawh caah khualtlawng mawtaw hna nih tan lo kal hrimhrim lo ding in kan in nawl hna.

Tu kar hrawng ah Tuang Zaw lei le Chin ramkulh Mindat, Kanpalet hna ah tu le tu te kahdohnak a um. Nu le pa zong nih theih hngalh thiam nak ngei in ralring tein um thut i zuam u tiah kan nin nawl than hna. Thil pakhat khat a caan sual ahcun tuanvo kan in la hna lai lo rak ra hrim hrim hlah uh tiah Yaw Eagle nih a langhter.

Ralhrang nih Ruahdamh in an kah caah Mindat um Khrihfa Biakinn Kuan nih a khen i a rawk. Chin ramkulh, Mindat khuapi ah September 21 zaan ah ralhrang nih an kah caah kuan nih a khen i (ယေဇူးရွှေနှလုံးတော်) Khrihfa biakinn veng chung um Hall pakhat i thlalang aung hna, vanpang hna an rawk tiah khuami hna nih an chim.

Nizan zan Suimilam 8:00 hrawng ah Mindat khuachung ah hriamngan he hriamhme he kah thawng kan theih tiah khuami hna sin in theih si i kaphnih a hliam mi kong cu mipi ralkap lei zong in thawngthanh nak a um rih lo.

Mindat le Kanpalet kar kahdohnak minung umnak inn an rawk. Chin ramkulh, Mindat khua le Kanpalet khua ah nizaan September 22, zaan suimilam 8:00 hrawngah kaphnih kar kahdohnak a chuah caah khuahnih ning in minung umnak inn cheukhat hna cu an rawk tiah theih a si.

Mindat khuachung high school no.1 sianginn,GAD le palik riahbuk pawngah kahhnih kar kahdohnak a chuak,hriamngan hman mi le kuan ruangah minung umnak inn hna cu an rawk.

“Zaan ah hriamngan puah thawng le meithal puah thawng cu tamtuk kan theih, palek riahbuk pawng ah a tambik theih a si, zinglei ahcun inn tamdeuh cu an rawk. Zaan ahcun hmunkhat lawng si lo in hmunkip nawn in puahkeh thawng cu theih an si” tiah Mindat khuachung mi pakhat nih a chim.

Cun Kanpalet khuachung sangkip zongah zaan suimilam 8:20 hrawng in palek riahbuk le high school no.1 sianginn lei ah hriamngan puah thawng, meithal thawng theih an si, khuachung no.1sang sizung kalnak lam lei inn ruk cu meithal kuan ruang ah an rawk tiah theih a si.

A luancia September 21 Mindat khuachung kahdohnak ruangah ralhrang phu lei in minung 2 an thi, minung tamnawn nih hliam an tuar, cu kahdohnak cu Hakha le Thantlang ah a cangmi ruang ah CDF-Mindat phu nih lehrulh mi a si. BBC Burmese, The Chin Post