Breaking News: Malaysia Cozah Cu Tazacuai An Si Cang

Kawlram mi minung 1200 Kawl Ralkap tilawng pathum in Kawlram ah kuat a timh tu Malaysia cozah cu tazacuai an si cang. Taza an cuai nak a ruang cu mah tiin kaut an i timh mi chung ah kumtling rih lo hngakchia an i tel i UN aa tlaih mi minung paruk an i tel ve. Dih ah cozah nih Ralzaam pawl kan kua hna lai lo an ti ko naa tein Chin mi UN nih interveiw a tuah rih lo mi hna zong an nih tel ve. Mah hna ruang ah taza an cuai nak a ruang si. Mah hlei ah thonginn phan hnu ah a hrut mi Chin mi pakhat zong a um rih. Mah case zong hi taza cuai nak ah chap chih khawh Kan i zuam rih lai. Credit: James Bawi Thang Bik

Relchap, Mizapi nih thimmi a si lomi ralkap cozah uknak a tlak khawh nakhnga kan tuah awk a si. Hramhram uk a duh lomi hna nih CDM cawlcanghnak ah i tel hrimhrim a herh. Rampi a that nakding le rampi a kheel aa mer khawh nakding ah a biapi bik cu Cozah riantuan hna nan si. CDM cawlcanghnak i naa tel zong ah rian i dinhnak ca tial in chia hrimhrim hlah. Zung kai lo te tuin kan zuampiak law kan telpi hram. CDM aa telmi Cozah riantuan nan dihlak kan ram ca ah tuanbia tha taktak a kan tialpiak tu ding nan si. Kan doh mi ral hi kan tei hrimhrim hna lai. Kan tei khawh nakhnga ca ah Cozah riantuan nan dihlak a biapi mi nan si. Na ram na miphun na peng tlang ca ah CDM ah rak i tel ve hram ko. Na tuarnak caan a sau lai lo. Kan tei hrimhrim lai. Credit: Salai Tluang Te