Breaking News: Mah Kawlpa Hi I Ralrin Cio U, Hi Bantuk Minung Hi Cu Tih An Nung Ko

Chin miphun nih kan umnak kip ah hi bantuk thawngpang hi theih a herhmi le i ralrin a herh bakmi thawngpang pakhat a si. Cun, a bik in Lainu Kawlpa a va mi paohpaoh zong nih theihthiam le i ralrin thiam a biapi ngaingia ve. Aho paoh nih kan i ralrin thiam a tha ngai lai. Lainu Kawl pasal a ngeihmi paoh le Kawlpa a vahmi paoh cu kan si lai lo, cheukhat cu Laipa nak hmanh in an fel deuhmi le a tha deuhmi an um ve thiamthiam ko. A tanglei ah thil sining vialte kan vun langhter dih lai.

Hawikom vialte hna thil a biapi tukmi pakhat chim le ralrin pek kan in duh ko hna. Canada ram ah a ummi Kawlpa pakhat hi a nupi hi kanmah Chin miphun a si. Mah kawlpa hi kanmah Chinnu pasal a si ko nain, a nupi i a hawikom nu cu a tlaihhrem caah hi thawngpang a theihmi nih an celh lo caah Media ah phorzamh piak dingin caan sau pi an ka ti len cang nain, a tha lai lo kan ti cang i kan phawtzamh duh lo, asinain, thil sining kan zoh than tikah hmailei Chin miphun nih kan umnak kip ah kan ralrin khawhnak lai kan vun langhtermi a si. Hi bantuk pa hi abik in Canada ram um Chin miphun nih kan i ralrin taktak a herh ko tiah zawnruahnak taktak he kan vun langhtermi a si. Hi thawngpang hi mipi sinah phawtzamh le zamh lo kongah caan sau khuaruah hnu ah zamh ah a tha ko tiah kan vun langhtermi a si. A tanglei ah hin Kawlca in kan vun langhter chih.

Note: Hi thawngpang hi kanmah nih phuahchommi thawngpang a si lo, min langhter a duh lomi pakhat sinin kan lak chihmi a si.

Hi Christmas Thawngtha hi rak relchap hmanh a tha lawlaw. CHRISTMAS REMNAK LE DAIHNAK, NAN CUNG CIO AH. Vawlei Ralpi Pakhatnak cu July 28, 1914 ni ah a van i thok. Khatlei ah Germany, Austria-Hungary, Bulgeria le Ottoman Empire (Turkey) cu an tang ti hna. A khatlei baak ah Great Britain (England), France, Russia, Italy, Romania, Japan, le United States cu an tang ve. December 17, 1903 ah Dayton, Ohio ah khuasa cycle siammi Wright te unau Wilbur Wright le Orville Wright nih an sermi vanlawng ser thiamnak cu an i lak cio i raldohnak vanlawng cu an hman cio.

Vawlei cung ramfim le ramrum hna cu ‘phung e phang e’ tiah bom le meithal in i kap hna kaw, kum li chungah ralkap le civil minung million hlei ruk hrawng an thi. An thi tam taktak. Ngaih a rak chia tuk. July 28, 1914 ni in ralpi cu aa thok i, December 7, 1914 ni ah Pope Benedit XV nih Christmas tuah kan duh, ral dai cang u tiah a rak nawl hna. Aa domi cozah nih an rak duh lo. Nain, Christmas lai zan a phanh cun German ralkap hna nih Xmas thingkung le card hna hmuhsak pah in Christmas hla cu an van sak. “A dai zan, A thiang zan” tiin. Khat lei i Bristish ralkap le an hawile nih an hla cu an van zonh ve hna. Tih chuk ngamh chuk in an van i naih deuhdeuh i an meithal cu chiah in Christmas cu an hmang ti hna.

Hi bantuk in Christmas nih Vawlei Ralpi hmanh a daih ter ko cu zei tin hme a si khawh hnga? Jesuh Khrih cu “Khuaruahhar Fimchimtu, A Thawngmi Pathian, Zungzal Hmunmi Pa, Daihnak Bawi a si caah, Amah a zummi hna nih daihnak le remnak an i thim khawhnak a si. Vawlei Ralpi Pakhatnak hmanh a daihter khotu Van Bawi Messiah chuah caam Christmas lawmhnak cu dawtmi hawikom vialte nan chungkhar le thinlung cio ah tlung ko seh. Amen. Credit: Rev. Dr. C Duh Kam