Breaking News: KIA Nih Kawl Ralkap Sakhaan Pakhat An Lut Hnawh

Phakan Ah KIA Le Kawl Ralhrang buu (terrorism group) Pawl An I Kap
=================
Kachin ramkulh, Phakan township, Sezin khuate ah March 11, 2021 ni, tuzing zingka teah Kachin Independent Amry le Kawl ralhrang phu cu fak nawn in an i kap, tiah khuami pakhat sinin thawng theih a si. Hi KIA le Ralhrang phu an i kahnak kong he pehtlai in Sezin khuate hrambunh Ralhrang buu sakhaan pakhat a simi KIA nih an lut hnawh hna i, an kap hna hi a si, tiah thawng theih a si.

KIA hriamtlai phu pawl nih Ralhrang phu sakhaan pakhat cu an luh hnawh hnu le an kah hnu ah, Ralhrang phu pawl nih KIA ttah-ma-ha No 9, Ttat-zin 26 hmunhma cu raltuh nak vanlawng in an phomh than tiah thawng theih a si. Nihin kahdohnak ruangah hliamhma a hmumi le a thihmi thawng fiang theih khawh a si rih lo. Hi thawngpang kong ah hin Mizzima thawngzamh buu nih an langhtermi a si.

Note: Hmanthlak kan tarlanghmi le kan hmangmi hi anmah Mizzima thawngzamh buu nih an hmangmi le an tarlanghmi a si ve tiah nawl kan vun duh hna.

Relchap, Breaking News: U.S Nih Min Aung Hlaing A Fa Le Pahnih An Hrem Ve Cang. American state secretary Antony Blinken nih ralkap uknak lakmi hruaitu (hotu) Commander-in-Chief Min Aung Hlaing a fanu pakhat le a fapa pakhat cu U.S ram nih dantat an tuahnak kong cu March 11, 2021 ni ah thawngthanh nak an tuah.

Commander-in-Chief Min Aung Hlaing a fale pahnih dantat hi anmah pahnih pumpak hremnak lawng si loin an ngeihmi company vialte zong dantat nak min list ah aa tel chih cang tiah a langhter. Mipi nawlngeihnak hramhram in a laktu ralkap pawl nih phungning lo le hru hru hranghrang in an cawlcanghnak pawl hi Democracy phunglam he a kalh caah ralkap hruaitu upa lawng si loin an rualchan cingla vialte ca tiang ah zei hmanh thathnemnak um loin kan philhkhar piak dih hna lai tiah an langhter chih.