Myawaddy Peng, Latkhat Tlang Kahdohnak Ah SAC Captain A Thi, Meithal Zuun 1 le Kuanzen An Lak Khawh Karen ram, Myawaddy peng, Latkhat tlang pawng ah SAC ralkap nih hriamngan tampi thlah in kahdohnak an thawk caah mipi hriamtlai phu pawl he kahdohnak a fak i SAC lei in Captain 1 a thi, meithal zuun 1 le kuanzen pawl an lak khawh tiah Cobra Column nih thawng a thanh.
July 18 zinglei sml 7:00am hrawng ah SAC ralkap pawl cu hriamngan voi tampi an kah hnu in Latkhat tlanglei an kai caah KNU/KNLA phufonh he kahdohnak a fak i SAC Infantry 8 in Captain 1 a thi i, LIB 118 in adang ralkap 5 zong an i hliam tiah theih a si.
Kahdohnak chung in MA-3 zuun 1, RPG 3, 60MM 3, Energa bom 4 le phone 7 an lak khawh tiah theih a si. SAC ralkap pawl cu KNLA Brigade 6, Cobra Column, Kyathit Nat, Federal Wings phu hna bawm in an doh hna i SAC ralkap nih hriamngan voi tam tuk an hman caah mipi hriamtlai 1 aa hliam tiah theih a si. Credit: The Chinland Post
Relchap: SAC Nih Non-CDM Pawl Civil Service Academy ဗဟိုဝန်ထမ်းတက္ကသိုလ် A Kai Mi Vialte Hriamtlaih Thiamnak A Cawnpiak Hna SAC ralhrang nih Non-CDM pawl cu ဗဟိုဝန်ထမ်းတက္ကသိုလ် (Civil Service Academy) training ah, raldohnak le meithal hmanthiamnak te pawl an cawnpiak hna.
Nihin Non-CDM pawl hi a herh ahcun hriamtlai in raltu ding an si tiah SAC nih a thanh tiah cozah rianṭuan chung in theih a si. Myanmar ramchung ah Civil Service Academy hi hmun 2 ah a um. Phaung Kyi ဗဟိုဝန်ထမ်းတက္ကသိုလ် (Lower Myanmar) le Mandalay peng, Zee Ping Gyi (Upper Myanmar) hna an si.
Lower Myanmar caah Hleiku peng in chaklei meng 18 aa hlatnak , Yangon in meng 50 le Bago Yoma tlang a hnulei tlangcung umnak Phaung Kyi khua ah ser mi sianginn a si. Inn an sak mi hi rianṭuantu vialte umnak inn, Sii-inn, Primary Sianginn, Library, Hall inn pi hmun ah 222.64 acre a kau. Thlaicinnak, training ground le meithal kah cawnnak hmun le adang lentecelh vialte fonh ah 3,000 acre a kau.
Upper Myanmar caah နိုင်ငံ့ဝန်ထမ်းတက္ကသိုလ် (အထက်မြန်မာပြည်) hi Mandalay ramṭhen, Pyin Oo Lwin peng, Zee Ping Gyi khua pawngkam ah a um. Mandalay in Meng 24 leng aa hlatnak ah a um. Sianginn hmun a kauh hi 905.10 acre a si. Zee Ping Gyi Civil Service Academy sianginn a hmai ah Yatana Cyber City, Chaklei ah Myanmar Police, Police Officer training school, ti in training kai khawh nak hmun tampi an um.
SAC ralhrang nih 2021 kum uknak a lak hnu in Non-CDM pawl cu ဗဟိုဝန်ထမ်းတက္ကသိုလ် Civil Service Academy (Lower Myanmar), Civil Service Academy (Upper Myanamar) hmun ah meithal kah le hriam tlaih thiamnak cu fakpi in cawnpiaknak a tuah.
A hlannak in nihin traning ah raltuk thiamnak fak deuh in cawn a si cang. A hlan bantuk management, Leadership (hruai thiamnak kong cawn csan a tlawn tuk) a herh ahcun hriamtlai in raltu dingin timhlamhnak ngeih cio ding tiah” cawnpiaktu hna sin in an chim tawn tiah training a kai mi Non-CDM min langhter duh lo sin in theih a si.
Atu ဗဟိုဝန်ထမ်းတက္ကသိုလ် (ဖောင်ကြီး) Phawng Kyi le Zee Ping Gyi ah Non-CDM training a kai mi tam deuh cu ahlan bantuk qualified (a za bak mi) cozah rianṭuantu an tlawn cang. Myanmar ram hmun tam deuh ah CDM a tuahmi an tam caah mah hna aiawh ah SAC nih an kuttang zung rianṭuan ding in a kawhauh deuh mi an si caah hruai zia thiam (management & Leadership) lei an thiam ti lo caah training petu saya hna he buainak a um lengmang tiah naihniam Non-CDMer chung in theih a si.
Nihin Myanmar ram Civil Service Academy ဗဟိုဝန်ထမ်းတက္ကသိုလ် ah Politic lei cawnnak ah NLD, Aung San Su Kyi nih 2020 kum Democracy thimnak phun ning lo in me an tuah, 2008 Contribution bantuk tein SAC nih thimnak thar a tuah than lai i mipi sin uknak a pek than lai tiah Politic an cawnpiak hna. Credit: The Chinland Post
Relchap: Thla Hnih Chung Ah SAC Ralkap 200 Leng Cu Kutke Bul In Naypyidaw Sii-inn An Phan Naypyidaw ihkhun 1,000 ralkap sii-inn ah SAC ralkap kutke bul 200 leng an um. Cu ralkap hna cu Shan ramkulh le Karenni ramkulh kahdohnak ah hliam a pu mi an si i drone in kah an ton ruangah kutke a bulmi an si, tiah People’s Spring nih a ṭial. Shan ramkulh le Karenni ramkulh kahdohnak ah hliam a pumi SAC ralkap hna cu cunglei ralbawi nih thlahlawh zong an pe hna lo, tiah ralkap chung ummi hna nih an chim.
Demoso peng PDF in ṭuanvo ngeitu pakhat nih cun, “SAC ralkap sakhan kahdohnak le a dangdang kahdohnak ah drone kan hman deuh. Hinak ṭha deuh le ṭhawng deuh in kan kah khawh nakding ah a herhmi tampi a um rih. A bik in phaisa lei hi kan chambau ngai, mipi lei nih nan kan dirkamh nak lai kan i ruahchan ko,” tiah a chim.
Atu lio hi Pekhon le Mobye peng ah kahdohnak atu le tu a chuak i, Karenni ramkulh, Bawlakhe pengkomh um Ywathit, Phasaung le Mese khua hna zong ah kahdohnak a zual ngai, tiah theih a si. Karenni ramkulh in June thla chung kahdohnak ah SAC ralkap 50 tuk an thi, tiah KNDF nih an thanh. Credit: TCP
Relchap: Dawei Ah SAC Ralkap Pawl Nih An I Cit Mi Tilawng A Pil, Ralkap 30 Hrawng An Thi Kho aninthary ramṭhen ah SAC ralkap pawl nih an i cit mi tilawng pakhat cu Launglon peng le Dawei peng karlak tiva ah a pil i ralkap 30 hrawng an thi kho tiah Khit Thit nih a langhter. Cu SAC ralkap tilawng hi July 17 zinglei sml 7:00am hrawng ah Kathemakyun khua le Yabe khua karlak Dawei tiva chung ah a pil tiah theih a si.
SAC ralkap 30 hrawng ti ah an tla in an thi tiah thawngpang zong a leng. Tuni chun laicing ah Dawei khua, Kyatsapin sang in tiva lei ah SAC ralkap pawl an rak phan i Oxygen dur an i put len tiah khuami nih Khit Thit ah an chim.
A pil mi tilawng cung ah SAC ralkap tampi an i cit i tuni zinglei ah SAC ralkap le pyusawhtee pawl nih an ruak kawl hram an thawk hna tiah theih a si. SAC ralkap pawl an ruak zong Dawei tiva ah a vuan tiah khuami hna nih cun an chim. Cun tilawng cung ah an phorh mi SAC ralkap hriamngan pawl zong ti chung ah a pil dih tiah theih a si. Credit: TCLP
Relchap: Taze Ah Thazang 130 Hrawng SAC Ralkap An Kah Hna, 30 Nak Tlawm Lo An Thi Sagaing ramṭhen, Taze peng ah SAC ralkap le PDF phufonh hna karlak ah kahdohnak voi 2 a chuak i SAC ralkap 30 nak tlawm lo an thi, 9 an i hliam tiah Taze peng dothlennak phu nih thawng an thanh. Taze khua, Kanhtoo palek sakhaan in a rak chuak mi thazang 130 leng LIB 361 SAC ralkap pawl cu July 17 zinglei sml 8:00am hrawng ah PDF phufonh nih hriamngan in an kah hna i SAC ralkap 4 an thi tiah theih a si.
Cun Chaung U khua lamṭhen a phan mi SAC ralkap le PDF phufonh hna cu July 17 zinglei sml 10:45am in chun sml 12:00pm tiang kahdohnak a fak i SAC ralkap 30 nak tlawm lo an thi, SAC ralkap pawl an sungh tuk caah Taze lei ah a rannak in an kir tiah Khit Thit nih a langhter.
Taze khua ah SAC ralkap pawl an rak luh lio ah SAC ralkap 20 nih an rak don hna, kahdohnak chung in hliam a tuar mi 9 cu pumpak in an hmuh hna. Khuachung in an rak chuah lio ah thazang 130 leng an si ko nain 30 leng an thih caah an thazang a zor ngai tiah an langhter. Kahdohnak chung ah Taze PDF Shwebo pengkomh B06, B07, B09, B12, B25, Special Force, B26, KPK, TSR le PLA hna bawm in kahdohnak an tuah tiah theih a si. Credit: The Chinland Post
Relchap: Kanpetlet Peng, Masatui Khua Ah SAC Nih Vanlawng In Bom A Thlak Chin ramkulh, Matupi peng, Masatui khua ah SAC nih vanlawng in bom a thlak tiah thawng theih a si. July 18 zinglei sml 11:00am hrawng ah vanlawng 2 in voikhat, vanlawng 1 in voikhat le a hnu ah vanlawng 2 in voikhat tiah a zapi te voithum bom a thlak tiah theih a si.
Chin ramkulh, Kanpetlet peng, Cinduai khua ah thazang chap ding in a rak lut mi SAC ralkap le CDF phufonh hna karlak ah July 14 tiang kahdohnak a fak tiah theih a si.lak, ti zong cathanh ah an langhter. Credit: The Chinland Post
Relchap: Rungtlang 266 ralhraang battalion in ralkap pakhat CDF-Hakha sin ah hriamnam he a zaam Chinram kulh, Hakha khua Rungtlang hrambunh SAC ralhraang Battalion -266 in ralkap pakhat cu nihin 2023 July 17 ah Chinland Defense Force – Hakha sin ah meithal le kuanzen he CDM a rak tuah tiah kan theih.
“Hramhram in uknak a la mi SAC ralkap rianṭuannak ka duh lo, Mizapi dohthlennak (Pau Dohthlennak) ah ka tel ve lai” tiah meithal le kuanzen he CDM a rak tuah mi a si ti in CDF-Hakha nih tu zaan ah a thanh.
SAC ralkap pa nih meithal MA1 zun 1, Magazine pali le Meithal kuan 126 he CDF-Hakha sin ah CDM a rak tuah i, a min tu cu an langhter lo. CDM in dohthlennak a tuahmi SAC ralkap pa cu CDF-Hakha nih laksawng tangka Kyats sing 50 kan pek hnu ah himnak hmun a phak tiang ṭuanvo kan lak, ti zong cathanh ah an langhter. Credit: THP
Relchap:July 13 lio ahkhan Timit le Thantlang kar Auto tlang cu, ralhrang 200 tluk nih an fuh tiah kan theih. Hakha in Timit/Thantlang lei an rak kal termi ralhrang hi, battalion 5 an si i, battalion pakhatah hraang 70/90 kar an si lai tiah an zumh.
Ralhrang battalion pakhat ah minung zeizat set dah um tihi anmah ralhrang sen 2/3 pawl hmanh nih an theifiang kho ti lo. Kan ralkap pawl hna caah Mipi nih thlacam piak an herh peng ve rih ko. Credit: Salai William
Relchap: Tuzing Timit Le Vankham Tlang Kahdohnak ah Chin Ralkap 3 Nunnak Liam 7 Liam An Tuar, SAC Ralkap 10 Renglo An Thi, Hliamtuar An Tam Chin ramkulh, Hakha Timit le Vankham tlang karah Chin ralkap le SAC ralkap hna cu nihin July 18 zinglei ah an i kap, tiah theih a si.
“SAC ralkap hi Hakha lei in a ra mi an si i 150 leng cu an si lai. Nihin July 18 zinglei ah Timit le Vankham tlang karah kaphnih in kan i kap. SAC ralkap nih hriamngan in an kan kah tuk caah Chin ralkap lei in ralkap 7 hrawng hliamhma an pu i, 3 an nunnak a liam,” tiah Chin ralkap pakhat nih The Chin Post ah a chim.
Nunnak a liam mi hi CDF-Thantlang Battalion-1 in Salai Zo Ram Thang le Salai Cung Lian Uk an si i pakhat cu CNA in a si tiah kan theih. SAC ralkap a thi mi 10 renglo an si i hliamtuar an tam ngai tiah, Chin ralkap pakhat nih The Chin Post ah a chimchap. Timit lei in rallam a sial mi SAC ralkap hna cu Thantlang ah kal aa tim mi an si. Tutan kahdohnak hi SAC ralkap nih an fuh hmasa mi hna a si tiah kan theih. Credit: TCP
Relchap: NUG Nih US Cozah Sinah Dollar Million 500 Leng Bawmh A Hal NUG nih Myanmar ramchung ralhrial hna ca ah hriamnam a si lomi bawmhnak pe dingin US cozah cu dollar million 500 leng bawmh a hal, tiah VOA nih a langhter.
Ralhriam a si lomi drone, motor, ngiathlainak thilri leng ah khat le khat i pehtlaihnak seh thilri cawknak ca ah dollar million 200 le kahdohnak ruangah a zaammi minung 1.5 million hna ca ah NUG nih US cu dollar 525 million bawmhnak a hal.
Sinain Russia-Ukraine kahdohnak le Tuluk tlerhkhawnnak a linhsat tuk lio a si ruangah Myanmar ram dohthlennak thawngpang cu media ah a lang lo ngai i, atu dirhmun ah NUG nih a halmi thilri hna cu ralram hman khawh mi phun an si caah bawmhnak pek dingah a fawi lo ngaimi a sinak kong kherhhlaitu hna nih VOA ah an chim ve.
“SAC ralkap nih rammi a nuai in harnak an pek hna i nifatin in innlo an khangh ruangah inn khanghpiak a tongmi hna ca ah US lawng si loin International Community hna le cozah dang hna sin zong ah bawmhnak kan hal zungzal,” tiah NUG President zung in chimphuannak nawlngeitu Kyaw Zaw nih a chim.
US nih a luancia kum December thla lioah 2023 kum ca ah National Defense Authorization Act(NDAA) cu fehternak an rak tuah. Cu Act chung ah cun NUG, PDF le tlangcung hriamtlai EAOs hna telh in Democracy hmuh khawh nak ding ca ah dohthlennak a tuahtu phu vialte cu fimthiamnak le hriamnam a si lomi bawmhnak pek ding kong aa tel.
