Breaking News: Kawl Ralkap Uknak Hrawh dingin US Congress nih Resolution introduce tuah khawh a si cang

Kawl Ralkap Uknak Hrawh dingin US Congress nih Resolution introduce tuah khawh a si cang. White House le State Department lawng siloin Department of Defense zong nih arrannakin aherhmi aherh ningin step lak thawk ding a si lai.

U.S. Senate ah introduce an tuah hlan ah pumpak in ka zopi khawh ve hna i, abiapi tiah ka ruahmi hna zong chapa le telh khawh a si caah kaa lawm. Hi Resolution hi tlamting sehlaw, arrannakin implementation tuah dingin rian tuan ding tampi kan ngei. Mipi nih duhmi Democracy le zalawngnak (Freedom) kan hmuh than hlan tiang kan tuah pezulh lai.

Responsibility to Protect (R2P) cu UN nih ahman khawhnak ding caah le US nih ahrawi khawhnak ding caah rian tuan kan thawk cang. Elaisa Vahnie

Where Are You Dr. Sasa & Dr. Peter? Hi ca ka ṭial tikah ka hua lai ucih. Anmah pahnih ka hua hna lo. A dang zong kan hua hna lo. Nan ka huat sual zong ah kan hua hna lailo. Kan upat mi Dr. Sasa le Dr. Peter Ngun Za Cung an tlau. Dr. Sasa hi January 20 tiang Facebook a cathlah kan hmuh. Dr. Peter hi December 27 tiang a cathlah kan hmuh. Thimnak lio ah nang maw kei tiin zuamcawh a rak si. Kan mah le kanmah heh tiah kan i do, kan i al. February 1 in nihin ni 9 tiang an mui kan hmu hna lo. Ca zong an tar lo. An tlau. Kan herh ngaingai ko hna.

November 8 ah rong phuntling kan si mi kha nihin ah cun rong phun khat kan si cang ee tiah rak kan chimhpiak te hna u. Kan mipi zong ralkap cozah dohnak ah CDC le lamzawh hun hruai hna sehlaw pei kan lungrualnak a kauh chinchin lai cu! An hruai ngam lo hmanh ah a forh tal van kan forh ve hna seh. Ahohmanh kan him lo. Himnak hmun kawl ahcun khoika hmun hmanh a him lo. Himnak ram le vawlei kan ser hrimhrim a herh. Nan miphun, nan ram nan dawt taktak ko ahcun; hung chuak uh! MP pawl.zong chuak u, Candidates hlun pawl zong chuak ve uh! Khoi ah dah nan um. Kan ram ca ah, kan ram ca ah, kan miphun ca ah ee kan ti mi kha a tu caan hi a si ve.

Zaanlei nineem ah Pathian nih Eden dum a len lio bang, Thlennak pakhat nih a kan len lio te a si. Adam bang kan i thuh sual ahcun techin fapar tiang an lo lai. Khah! I thawh uh. Lungrual caan cu a tu hi a si. Khoika Ah Nan Um?
Salai Ṭial Hram Ling