PDF Fonh Nih Palik Sakhan Pakhat An Laak, Ralhrang 10 Leng An Thi; PDF Nunnak Liammi Le Hliamtuar An Um Ve!
=========
Sagaing ramṭhen, Salingyi peng, Nyaung-pin-gyi khua palik sakhan cu PDF ṭangṭi phufonh nih nizan ah luhhnawh in kan kah i kan laak. Cu kahdohnak ah SAC ralhrang lei 10 leng a thi pinah hriamthil zuun 7 zong kan lak chih, tiah Buffalo People Defense Force in ṭuanvo ngeitu pakhat nih a chim.
June 9, zanlei suimilam 5:45 tluk ah Monywa khuapi nitlak lei hmun um, Nyaungpingyi palik sakhan cu Buffalo People Defense Force le Sagaing hriamtlai ṭangṭi phufonh (ULF) nih luhhnawh in an kah hi a si. SAC ralhrang 10 leng an thih pinah an sakhan zong an khanghpiak dih hna. G3 meithal zuun 4, MA zuun 1, seh meithal zuun 1, 79 zuun 1 le hriamthil tam ngai zong an laak chih khawh, tiah theih a si.
“An sakhan cu kan laak khawh in kan khangh dih. Mah lio ah SAC ralhrang nih jet vanlawng 2 in an kan kah, kan tlaihmi hna ralhrang 2 zong kan thah colh hna. Pakhat nam in kan thah hnu ah pakhat cu khur chung aa thuhnak hmun ah kan kahthah, ralhrang nih an tlaihmi hna zong kan chanhchuah khawh hna i, Bo Naga hawi le zong an i tel caah an umnak hmun ah kan kuat hna” tiah a chunglei upa nih Khit Thit ah a chim.
SAC ralhrang nih cunglei kahdohnak a tuahmi ruang ah mipi ralkap pakhat a paw ah kuan nih a khen i a nunnak a liam. Sagaing hriamtlai ṭangṭi phufonh (ULF) in minung 4 nih hliamhma an tuar, tiah Buffalo People Defense Force nih thawngthanhnak an tuah ve.
Kachin ramkulh Hpakant peng Lungkhin khuakomh khua bawi Kyaw Swe cu June 9, zanlei sang ah meithal kahnak in a nunnak a liam, tiah tualchung mi nih an chim. Lungkhin khua bawi pa, U Kyaw Swe hi a inn ah mi pahnih ra in motor in an kalpi hnu caan raulo te ah meithal kuan hma he a ruak in hmuh asi. SAC ralhrang nih uknak an lak hnu in Hpakant peng ah hin khua bawi ṭuan mi pahnihnak an thah a si cang tiah theih asi.
https://www.facebook.com/photo/?fbid=271337748746135&set=a.177136174832960&__cft__[0]=AZUVkJkGyjYMYczShtR4d2tt4uAVIEShIAUgKSpZgUo-f3rH3eGcaz80v3y8kXk46NeQ2gzWV-qS9GoU97DRQieuaUkc0yjEGxF_fQP2yxcWSEdce4PRR1WBz6jk1gVdR7RrLmIe9mrkexHHX6SbDcSKeLDsHFHaznpyjqao23o964TwudkLZAlBSJP6pQ-B5WY&__tn__=EH-R
National Unity Government of Myanmar (NUG) cozah in mipi zalonnak (Nu hrin covo) lei ah ruahnak petu Aung Kyaw Moe upa cu nam in sawhthah a tong i, SAC ralhrang chungtel hna nih kanmah nih kan thahmi a si, tiah Social Media ah an langhter. June 7, zan suimilam 10:30 tluk ah Yangon ramṭhen, Thaketa peng sii dawr in inn lei a ṭin lio ah SAC ralhrang kuttang yangon khuapi um pyusawhti pawl nih Than Myint (Kum 45) cu zohchia ngai in nam in an sawh caah a nunnak a liam hi a si, tiah kan theih.
“Zan hnu i sii dawr in an inn lei a ṭin lio ah zohchia ngai in nam in sawhthah a ton hi a si. Thah a tonnak kong he pehtlai in palik nih hlathlainak an tuah nain zeihmanh an buaipi tak tak lo” tiah a naupa Aung Kyaw Moe nih a chim. SAC ralhrang kuttang pawl nih anmah thahmi a sinak kong le an lunglawmhnak cu Social Media ah langhter chih. “Atu hnu ah zeidah nan ṭhih? Nanmah PDF pawl nih thahnawnnak nan tuah lio vial ahcun nan i nuam ngai” tiah Facebook cahmai ah an tarlangh.