Timit Kahdohnak Ah Chin Ralkap Pathum Nih Ram Le Miphum Ca Ah Nunnak An Pek!
================
https://www.facebook.com/photo/?fbid=628256852658774&set=pcb.628178765999916&__cft__[0]=AZUH-zXXioIYil6BeSK2PpqkWW9ZecryRa2SYhfWNyIl2cwilB5E6VrxgVTkRCMN-RKU6xbS_2BCVlVYKgTkNJYF_HSwW_gBtQ-hQEwI3xrLZcPCzc1m19chAqiRalu8GcdEeJUNIF11rpTh7yB56cwg5TIVgYghg07Ftsu4nfl0beCSOuw2Mo_XBONFYLxR9oA&__tn__=*bH-R
Nihin June 6 zanlei suimilam 2:00 hrawng ah Timit kuanghrawn ah Chin ralkap le SAC ralkap kar kahdohnak a chuak ṭhan i Chin ralkap lei in CNA Bawino Salai Ngun Cung Lian, Salai Naing Mana Thang le Salai Sang Bawi hna nih ram le miphun ca ah nunnak an pek, tiah theih a si.
https://www.facebook.com/photo/?fbid=628178752666584&set=pcb.628178765999916&__cft__[0]=AZUH-zXXioIYil6BeSK2PpqkWW9ZecryRa2SYhfWNyIl2cwilB5E6VrxgVTkRCMN-RKU6xbS_2BCVlVYKgTkNJYF_HSwW_gBtQ-hQEwI3xrLZcPCzc1m19chAqiRalu8GcdEeJUNIF11rpTh7yB56cwg5TIVgYghg07Ftsu4nfl0beCSOuw2Mo_XBONFYLxR9oA&__tn__=*bH-R
Chin ramkulh, Hakha Lungkhar kahdohnak ah CDF Zophei in ralkap pakhat nih ram le miphun ca ah a nunnak a pek, tiah theih a si. Nihin June 5 ah SAC ralkap le Chin ralkap hna cu Timit Lungkhar ah an i kap i, CDF Zophei in ralkap Salai Ngun Ṭha Kung(Stanley) nih ram le miphun ca ah a nunnak a pek. Zotung CDF pakhat zong hliamhma a pu ve, tiah ralhmai a kalmi pakhat nih The Chin Post ah a chim.
https://www.facebook.com/photo/?fbid=627849546032838&set=a.345631344254661&__cft__[0]=AZWsPjKLd-FVX1l9jfiyuVPJxQKveU2yqTWkGpGEiAeGbRd0MwvEkFGcIdZ3W46-xq7LzSX1UflYVwxGVOv8xNc6f0uldz8B7YFSRygXi9DCo_UFawmBtZaLefZIbkRws4ikzG66si6f2NtgquXts4Z1XUUQ7b9zdk1OnNfKzVa-5oi_-QPIieZEpGXoNzStSsY&__tn__=EH-R
“June 5 nikhat chung lawng ah kahdohnak voi 3 a chuak. Kahdohnak zong a faak ngaingai. SAC ralkap hi 20-30 kar an si lai. Sakhan pakhat zong kan laak khawh. SAC ralkap pawl cu hnu an kir i, cu hnu ah hriamngan in an kan kah,” tiah a chim chap. Nihin voi 3 chung kahdohnak ah SAC ralkap lei in a thimi le aa hliammi an tam ngai nain a zat tu cu theih khawh a si rih lo. CDF Zophei in a nunnak a liammi Salai Ngun Ṭha Kung hi miding felte a si caah hawikom le khuami nih an dawt i an bochan ngaimi a si, tiah theih a si.
https://www.facebook.com/photo/?fbid=765296415602981&set=pcb.765296638936292&__cft__[0]=AZWWqMNPnPuasWBCxTScd0J2fnoa7kH0E5knfF97T2o16iNmQ7G4YpasCP7uFi1oS-Um1xYicD5GgeFuVoC7g0Jj8l-OJhUxUDQJYlyoowCQqKNzrraez9kQtKidBAV8nldXVSI5BH1S1t2zXHrUoz7DsvfdeDmph3YKBPHCIK8Zo01_CHOegWGW14_Jk-tMtow&__tn__=*bH-R
June 6, Timit/Lungkhar lei ah June 5 ah ralhrang le Chinralkap kar kahdoh nak a chuak i, Ralhrang 7 an thi i, Kanmah lei ralkap pakhat nih nunnak a pek ve tiah kan theih. Naivcikua cu, Hakha siizung pi lei ah zan sml 9/11 pm kar ah ralhrang lei motor alutchuak ngai tiah kan theih, Timit lei an hraang hliamtuar pawl siizung ah a rak chiah hna si ko lai tiah pawngkam mi, pakhat sinin kan theih.
Karen ramkulh, KNU Brigade 3 hmunram, Bago ramṭhen, Nyaunglaypin pengkomh Mu peng ah SAC ralkap hna cawlcanghnak ruangah tualchung mi 32,000 leng ralhrial in an zaam cang, tiah KNU Central nih June 3 ah an thanh. SAC ralkap Khah Mah Yah 590 nih, Midaingtaw khua le Aungchantha khua ah a luancia May 29 lio ah khan hriamngan an kah pinah, May 30 ah Thasi khua le Kyiattat Nyuangpin khua cu hriamngan lung 10 nak tlawm loin an kah, tiah an langhter.
SAC ralkap hriamngam kah ruangah Thasi khua telh in khuate 5 in khuami 4,200 leng cu a himnak hmun ah an zaam hna, tiah theih a si. SAC ralkap nih Mu peng i kahdohnak an tuah ruangah May 10 tiang ah ralhrial in a zaammi 28,000 leng an phan cang i atu hi minung 4,000 leng an karh ṭhan, tiah KNU Central nih cun an thanh. Ralhrial in a zaammi tualchung mi hna cu ruahkham muka, eidin le sii-ai an herh tuk.
Kan si khawh chung in kan zohkhenh hna i, anmah bawmchan ding in ramdang mi bawmtu phu hna sin zong ah nawlnak kan tuahpiak hna, tiah KNU Central chungtel pakhat Padoh Saw Kale Se nih a chim. SAC ralkap nih nawlngeihnak an laak hnu in tanglei in kahdohnak an tuahmi le vanlawng in kahdohnak an tuah ruangah KNU hmunram chung ah ralhrial in a zaam mi cu minung sing li leng an phan cang, tiah theih a si.