Tonzang Penguk Zung Lutlai Le Fimcawnnak Zung Tlaih Ding In CDF-Tonzaang Nih Nawlchuah
=========
Chin ramkulh Tonzaang khua penguk zung lutlai le fimcawnnak zung lutlai hna cu NUG nih nawlchuah mi ngai duh lo in zungkai le sianginn on dingin timhtuahnak an ngeih pin ah CDF-Tonzaang hna zong kan doh hna lai tiah an chim mi kong cu mipi thawngpek nak in kan theih.
Tonzaang penguk zung lutlai le fimcawnnak zung lutlai, mah hna 2 cu Tonzaang khua mi nih kan in bochan ngai mi nan sinak ruangah nan cung ah fawi zaang tein dantat nak kan tuah khawh ko mi zong kan i sum.
A si nain a tubantuk nan tuahser nak le biachim in nan kan dohkalh caah CDF-Tonzaang ralkap kan lung a fak i kan duh loh.
CDF-Tonzaang nih kan humhak mi Tonzang peng chung ah SAC cozah kuttang sianginn le zung vialte on lo dingin voi tampi nawl kan rak chuah cang mi a si. Cucaah nawlchuah mi zul duh lo in Tonzong penguk zung lutlai le fimcawnnak zung lutlai, mah hna 2 cu CDF-Tonzaang nih tlaih dingin July 5 ni ah nawl kan chuah tiah CDF-Tonzaang nih thanhca an chuah.
2023, July 4 ah Indianapolic chaklei block party tuahnak hmun ah meithal kahnak a chuak i, nu ngakchia kum 16 nunnak a liam pinah midang 4 nih hliam an tuar tiah, Indianapolic Metropolitan rianṭuan tu phu nih an chim.
Meithal kahnak in nunnak liam mi tleirawl hi Doctor te sin an phak pi hnu ah doctor hna nih fianternak tuah in an kahnak hmun ah a thimi si tiah an chim.
Hliam tuar midang 4 hna lak ah 2 hi an dirhmun a derthawm ngai si-inn pi ah an zohkhanh hna lio a si. Meithal kahnak hmun hma ah hin ralthuam zeimawzat an hmuh tiah theih asi. Hi konghe pehtlai in palik cheukhat nih an langhter mi cu, Indianapolic chak lei block party an tuahnak hmun ah buainak a chuak mi in a thok mi a si tiah an chim. A tutiang in meithal he mithat tu hi ho a si an thei kho rih lo check-hlatnak an tuah lio pi a si tiah an langhter.
Yangon Kamayut peng Novotel Hotel ah tuah dingin timhtuah mi Iron Cross phu in hlasak thiam Myo Gyi le Wyne Wyne nih hlasaknak puai tuah timh mi cu let a si tiah Novotel Hotel nih thanhca a chuah ningin theih a si. Ara lai mi July 21, Novotel Hotel ah tuah timh mi “A Night With Myo Gyi & Wyne Wyne” tiin hlasak nak puai timhtuah mi cu July 4 ah an letnak kong thanhca an chuah hi a si.
“Hlasaknak puai cu tuahthan a si lai lo tiah kan in theih ter hna, a tlamtlin lo nak ruangah Novotel Yangon Max nih ngeihthiam kan in hal hna.”tiah an langhter. Hi hlasak puai timhtuah mi chungah luhnak Ticket cu zuar lo in minung 8 phukhat ah thut in cu phukhat nih cun sing 25 liam ding tiin le a hlankan in thawngthanh nak an rak tuah mi cu mipi cheukhat nih an rak dohdal ngai. Hi hlasak nak puai cu zeiruang bik ah dah an let than timi theih a si rih lo.