Nizaan Hakha Khuachung Kahdohnak ah Tualchung Mi Pakhat Nunnak A Liam!
==================
Nizaan June 9 zaanlei sang Chin Ralkap le SAC Ralkap kar kahdohnak ah tualchung mi pakhat nunnak a liam, tiah theih a si.
“SAC ralkap nih mipi aa chawk mi chung in tualchung mi pa pakhat cu an kah i a thi. A thi mi pa hi Pu Tawk Lian Hei, Lunghnam khua a si,” tiah min langter a duhlomi tualchungmi pakhat nih The Chin Post ah a chim.
Nizaan Jun 9 zaanlei suimilam 5 – 6 kar hrawngah Hakha khuapi chung, Palik sakhan pawnghrawng ah Chin ralkap le SAC palik/ralkap an i kap i, SAC lei in palik pakhat a thi, tiah theih a si.
Hi kong he pehtlai in min langhter a duh lomi Hakha khuapi chung um pakhat nih cun, “A thimi palik pa hi Laimi a si i, Tiphul khuami Pu Hniang Bik a si an ti,” tiah The Chin Post ah a chim.
Pur 9, zing suimilam 10:00 tluk ah Pago ramṭhen NyaungLebin pengkomh Kyaukgyi peng uk zung cu ton biaruahnak an ngeih lio ah bomb in kahnak a tong tiah theih a si. Bomb puaknak in Kyaukgyi pengkomh chung in cinthlak lei zohkhenh tu nunnak a liam pin ah pengkomh mei zohkhenh tu chung in minung 4 nih hliam an tuar chih tiah an langhter. Nunnak liam mi ruak le hliam tuar mi hna hi Kyaukgyi mipi si-inn ah kalpi ansi hna. Meeting an tuah ding mi hi cu hlan ah rak thei cia in drone hmangin bomb an thlakhnawh hna hi asi. Hi kong he pehtlai in, a tutiang ah drone hmang in bomh a thla tu hna hriamtlai phu hi theihfian khawh a si rih lo.
https://www.facebook.com/photo/?fbid=271310298748880&set=pcb.271310422082201&__cft__[0]=AZWI6TRwBUrapaRjz5n5U2RfkRve5_BexuOPcJTK2irdmjT6Nd4ojYHAuSu1ye6I9ICNJqQyCjzM-odAGdezQqoCNV5RC80aPRQCgT960KoEND9YBmAcUKOrnv1zupQ2BBmGwOVlXULZEcL8VFvgGzjAb22zKPB36HojdXgVDcaZFSRUFBmS9pg7b9s8JwBnS2I&__tn__=*bH-R
Chin ramkulh SAC Ralkap kuttang on mi sianginn 400 hrawng ah sianginn kai ding in min cazin a pe mi siangngakchia thong sawmnga (50,000) leng an um, tiah Chim ramkulh fimcawnnak zung Data ning in theih a si. Tukum 2023-2024 cacawn kum hi SAC ralkap nih uknak a lak kumhnih chungah siangngakchia min cazin aa pe mi an tambik kum le sianginn tambik an on kum a si. Siangngakchia pakhat nulepa nih an chim mi cu, “Kan fale sianginn an kai lonak kumthum hrawng a si cang i, sianginn kai thawk ding in kum 8 a si cang, a ṭhang ding mi an si caah sianginn kan kaiter hna hi a herh hrim ko,” tiah an chim.
Chin ramkulh fimthiamnak zung nih a cinken ning ah Paletwa peng in siangngakchia 22,000 nih min an pek i, Chin ramkulh in a tambik a si. Tidim peng in 10,000 hrawng, Tonzang in 6000 leng, Falam in 3700 leng, Hakha in 3000 leng, Matupi in 2500 leng le Mindat in 1500 leng le Kanpalet in 296, an zapi ah 50,000 leng an si. 2021 SAC nih uknak a lak hlan ah Chin ramkulh Siangcachimtu 10,000 hrawng an si nain hnarcheu leng CDM an tuah caah siangcachimtu 4,000 hrawng lawng an tang, tiah theih a si.