Breaking News: Kan Kah Cang Ko, Thlacam Bawmh Cio Hna Usih!

Kan Kah Cang Ko: Salai Htet Ni
============
CNF/A chimnak nawlngei Salai Htet nih Kawl Ralkap cu “kan kah cangko” tiah Kawlram caan sml. 12:20 tluk ah a pumpak Facebook ah a thanh.

Falam khuapi in zingka sml. 8 fai ah Ralkap mawtaw 11 le Raltuknak Tank 2 cu an chuak i, a luan ciami sml. 1 tluk ahkhan, Lungpi khua an phan i, khualuhnak le lamkam ah Kawl Ralkap nih meithal an thlah pah thluahmah mi cu Khuami sin in kan theih.

Phung ning tein cathanh chuah mi cu a si lo nain, CNF chimnak nawlngei nih khawika zawn set in dah kan kah thawk timi bel a chim chih lo. Asinain, chimnak nawlngei nih Kawlca/Laica he a tawite in a tialmi nih anmah (CNF) min in an kahnak a fianter a voikhatnak a si tiah ramkhel lei tuaktaanmi pakhat nih a chim.

Tu i Laitlang i ralhrang a hungkaimi pawl hi mah pin hi cu a hungkai than kho ding an um ti lai lo, an thapi donghnak asi timi cu a fiangtuk ko (Kawl ralkap dihlak an si ka ti nak a si lo, hmundang cio ven an herh ve) Lai nusal le pasal thapi chuah ko hna usih kan tei hrimhrim lai!

Hriamnam cawk kan iharh tuk i hriamnam a rak kan phorh tin ruat ko hna usih. Tu cu khat le khat mawh i phurh le i doh caan asi rih lo, puantang zaanghlik paohpaoh cu ral dih in kan thah viar lawlaw te hna lai.

Pengtlang lungfahnak bia cu isum hraam ko hna usih! Kawl Rallokap rapchiahmi si hih! Gangaw in Halkha direct in rak kai khawh si komi Kalay-Falam lei in an rak i kuaih/helmi hi a sawhsawh si lo. Atu bantuk Pengtlang buai te ding an theih cia i ramchiahmi si.

Cucu kan theih ko buin i foih/awhter hlah usih. Kan tuanbia a um ko khah. College pek an kan duh lo caah Halkha le Falam a rak kan cuhter. Kha lio an tactic kha atu bantuk si ko. College caah hmun rem an hmuhmi ahkhan direct kal ko ding kha khuakip le pengkip ah an vak i ‘nan duh maw’ tiah sio rawl an rak tarh hna. Cucun ‘duh’ ti cio si kaw ‘nan icuh’ an ti le Khaikam/Kalay ah an chiah deih ko khah.

Laimi pengtlang i buai kan fawining an theih tuk. Min Aung Hlaing khuachia ruahnak petu zongah Laimi cu kan vai itel hoi caah an thiam chinchin cang lai. Hmailei zongah tampi kan ton te lai.

CNO/CNDF zong hi an hruaitu pawl — Salai Van Thawng Thang (TTR) le Salai Timmy tbk—hi mino an si i Chin miphun ramkhel (nationalism) kongah lungput pipuam taktak ngeimi an si. Zumhtlak hruaitu tha an neih ko caah hmailei ah miphun funtomnak a tha bik a chuak te ko lai tiah ka zumh peng. Chinmi lungrual hi a har tuk. Asinain a herh tuk caah izuam ko hna usih!

PDF phu hnih i bawm in palek sakhan an kah i a tlawm bik ah palek pahnih an thi, panga nak tlawm lo hma an pu. Magwe ramthen Poh le Myaing peng karlak ah a um mi palek sakhan cu rammi ralkap phu hnih fonh nih an kah hna i palek pahnih an thi, hliam tuar tampi an um. PDF lei in pahnih hliam an tuar tiah anmah PDF lei in kan theih.
Oct. 12 zaan suimilaam 9:00 hrawng ah Myaing PDF le Poh North PDF phu hnih i fon in an kah hna hi a si.

“Phuhnih fonh in Zepya khua lu tlangbo ah a um mi palek sakhan cu kan kah hna. Palek thazaang 25 hrawng lawng an um. kan kah hna i panga hrawng cu kan hliamh hna, pahnih cu an thi colh” tiah Myaing PDF in nawlngeitu pakhat nih Mizzima ah a chim.

Kan i kah chung hi minutes 45 hrawng a rau i kanmah PDF lei in pahnih hliam an tuar tiah a chim chap. “A hlan bamtuk in tumi (Lai meithal) lawng si lo in meithal tha pawl zong kan hmanchih khawh cang. Cun anmah nakin thazaang lei ah kan tam deuh. A hnu cun mei an hmih dih. An sakhan mei in kan khangh lai kan ti lio ah an sakhan pawng tlangbo in a kan kah caah kan hnu ah kan kir thannak a si” tiah a chim.

Palek nih an Sakhan an chuahtak i mei in kan khangh lio ah a pawng tlangbo in an kan kah nain hliamtuar um lo tein kan kir than kho, tiah Myaing PDF nih an facebook cahmai ah Oct 13 nithla in an taar.