Breaking News Hakha Rungtlang SAC Ralhrang Pawl Cu Nipi Khua Lei Ah Ke In An Kal. Chin ramkulh,Hakha khuapi Rungtlang 266 Sakhan um SAC ralhrang pawl cu Hakha peng, Nipi khua lei ah ke in an kal, tiah theih a si.
March 25, ah zinglei suimilam 8 tluk ah Hakha khuapi rungtlang 266 sakhan um SAC ralhrang thazaang 15 hrawng cu thawngpang an theih mi a um caah hriamngan, paiper le a dang raltuknak hriamthil pawl i ken in Nithluai pa caw inn lei in Hakha peng, Nipi khua lei ah an ke in an kal tiah, tualchung mi pakhat nih Lungmili Post ah a chim. Lungmili Post
Thawngpang dang: SAC Nih Riankhinh Mi Rakhine Ramkulh Minister Than Htun Cu Lung Zawtnak In A Thi. Rakhine ramkulh ah SAC nih rian an khinh mi Natural Resources Minister Than Htun cu nizan March 24 ah lung zawtnak in, ruah lo piin a thi, tiah theih a si.
Nizan March 24, zinglei suimilam 6:00 hrawng ah SAC kuttang ah rian a ṭuan lio mi Rakhine ramkulh Natural Resources Minister Than Htun cu lung lei dam lonak ruang ah Sittwe khuapi a umnak in ah ruah lo piin a tlu i Sittwe siizung ah an kalpi ko nain zinglei suimilam 7:00 hrawng ah a thi, tiah thawng laak hrampi nih an chim.
Sittwe khuapi ah a um mi U Than Htun(kum 67) cu Rakhine miphun a si, SAC ralkap nih hramhram in uknak an laak hnu ah SAC nih Rakhine ramkulh Natural Resources Minister ca ah an thim mi a si i, a hlan ah cun Sittwe khuapi chung zatlang rianṭuannak le biaknak he aa pehtlai mi rian ah biatak ngaiin a rak cawlcang tawn mi a si, tiah an chim. The Chin Post