Breaking News; Hakha Rungtlang in thawngpang tha kho taktak theih a si e!!

SAC Ralkap Nih Cawbuk Check Gate Ah An Rak Tlaihmi Tualchung Mi 4 An Thlah Than Cang Hna!!
====================
Chin ramkulh, Hakha Cawbuk check gate hngak SAC ralkap nih a ruang um loin an rak tlaihmi tualchung mi 4 cu an thlah than cang hna, tiah theih a si. A luancia October zarhhnihnak ah cawbuk sang um SAC ralkap check gate cu Chin ralkap nih an rak kah, cu tlawmpal ah khualtlawng mi minung 4 cu a ruang um loin SAC ralkap nih an rak tlaih hna.

May be an image of outdoors

Tlaih a tongmi he naihniam in a ummi pakhat nih, “A luancia October 9 zinglei ah cawbuk check gate hngak SAC ralkap pawl cu Chin ralkap nih an rak kah hna. Kahdohnak a dih hnu ah SAC ralkap nih khualtlawng mi minung 4 cawbuk check gate ah an rak tlaih hna,” tiah a chim.

May be an image of outdoors

Khual tlawngmi Loklung khuami pa pakhat le Khuahrang khuami pa 3 cu nan phone kan check lai i dohthlennak he ai pehtlaimi zeihmanh a um lo cun kan in thlah ṭhan ko hna lai an rak ti hna nain, November 2 zing lawng ah an thlah hna, tiah a chim chap.

May be an image of outdoors

Tuan ah kan in thlah hnik ko hna nain Timit lei kahdohnak a chuah ruang le zungkip fonh zung hna a kangh caah i manh lo ngai in kan um. Upa pawl meeting kan tuah khawh lo caah tuan ah kan in thlah kho hna lo, tiah SAC ralbawi pawl nih tualchung mi 4 cu an ti hna, tiah theih a si.

May be an image of outdoors

Cawbuk check gate hnak SAC ralkap cu atu le atu Chin ralkap nih an kah lengmang hna caah CDF nan hmuh hna ahcun kan kap ti hna hlah seh, kan kap ve hna lai lo tiin kan chimhpiak te hna u, tiah khualtlawngmi hna cu SAC ralkap nih an rak chimh hna tiah theih a si. Crd-The Chin Post

May be an image of outdoors

RELCHAP, Mandalay Ramṭhen Natogyi Peng Ah Mi Ruak 4 An Char, Mandalay ramṭhen, Natogyi peng Yedeih khua le Htantaw(ထန်းတော) khua kalnak lam cungah nizan November 4 ah mi ruak 4 kan char, tiah tualchung mi hna nih an chim tiah theih a si.

Ruak pathum chungah pa pahnih le nu pakhat hi an lu ah meithal in an kahnak hmuh khawh a si, tiah mi bawmchantu pakhat nih a chim. Ruak pathum charnak kong he pehtlai in Natogyi peng palik he naihniam in a ummi pakhat nih, “No. 8 sang um Than Myint Shwe(kum 59), no. 7 sang um Aye Myat Mon(kum 42) le min hngalh lomi kum 25 tluk pa pakhat an si,” tiah a chim.

Cu pinah nihin November 5 zinglei ah Natogyi peng Letpan khua le Zagyian( ဇဂျမ်း) khua kar lam kam ah mi ruak pakhat kan char ṭhan, anih hi Natogyi peng Suphyu khuami Saw Shwe(kum 55) a si, tiah tualchung mi pakhat nih a chim.
A luancia October thla lio zong ah Mandalay ramṭhen, Wundwin, Sinku, Myingyan le Myothar khua hna telh in peng 8 chungah thah a tongmi hi minung nak tlawm lo an si cang, tiah theih a si.

North Korea Nih Ramri Ah Vanlawng 180 A Zuanter Caah South Korea Nih A Lehrulh Ve, N. Korea nih S. Korea ramri ah raltuknak vanlawng 180 a zuanter caah lakhruak in raltuknak Jet Fighter kan zuanter ve, tiah S. Korea nih an langhter.

Nizan November 4 ah N. Korea nih S. Korea he ramri pawngah raltuknak vanlawng 180 cu a ṭhen ṭhen in a zuanter hna. Hiti an zuanternak a ruang hi American le S. Korea cu Korea tikulh pawngah raltuk an cawnṭi ruangah atu bantukin N. Korea nih vanlawng a zuanternak a si, tiah theih a si.

Vanlawng an zuanter hlan zong ah N. Korea nih hriamngan lung 80 tluk an kah i, cu chungah lamhlat kahnak missile bomb lung khat cu a tlolh, tiah theih a si. N. Korea nih miissile a kah pinah raltuknak vanlawng 180 cu ramri ah a zuanter caah S. Korea nih raltuknak vanlawng F-35 telh in Jet Fighter 80 cu ramri ah a thlah ve, tiah theih a si.

A luancia October thla lio zong ah N. Korea nih raltuknak vanlawng 10 cu ramri ah a rak zuanter caah S. Korea nih a raltuknak vanlawng a rak zuanter colh bal ve tiah theih a si.

US President Thimnak Ah I Tel Than Ding In Trump Nih Thanh A Timh! 2024 US President thimnak ah President hlun Trump cu thimnak ah cuh than a timhnak kong phungning tein thanh a timh, tiah thawngzamh cheukhat nih an tarlangh tiah theih a si.

Trump nih White House ah rak kir kho than ding in ka zuam lai, tiah a chim hnu in hi thawng hi a thangmi a si. Kan ram ahim khawhnak ding le kan ram hlawhtlin khawhnak ding ah a tu voikhat ka zuam than lai, tiah kan hnu zarh nili ni ah a dirkamhtu mipi he biaruahnak ah Trump nih cun a chim. Trump nih President thimnak ah cuh than a timhnak kong cu phungning tein Trump Campaign Department nih November 14 hlan ah an thanh khawh tiah, CNN, NewYork Time hna nih cun an tial.

Thailand Ram Ah A Lutmi Myanmar Rammi 23 Tlaih An Tong, Thailand ram Yanaung pengkomh le Kanchanaburi pengkomh ah phung ning loin a lutmi Myanmar rammi 23 le ngakchia 3 cu October 3 ah kan tlaih hna, tiah Thailand nawlngeitu hna nih an langhter tiah theih a si. Yanaung pengkomh Soomsaram hmunram ummi No. 25 ke ralkap nih ral an ven lioah khairiat puan in khuhmi motor pakhat cu kan lunghrinh caah checkhlatnak tuah ding in kan dirter ko nain a zam, tiah an langhter.

Motor chungah ngakchia 3, pa 8 le nu 3 kan tlaih hna. Annih hi KawTaung in Thailand ram ah a lutmi an si, tiah an langhter. Tlaih a tongmi hna hi Thailand ram le Malaysia ram ah rianṭuan ding in a kalmi an si i, nawlngeitu hna nih upadi ning in taza an cuai hna lai, tiah theih a si. October thla chungah Thailand le Malaysia ram chungah Myanmar tammi 2,000 leng tlaih an tong cang tiah theih a si.

Falam Nih Ti An Laknak Pipe A Kuai Caah Falam Khua Chung Cheukhat Ah Ti An Har, A luancia November 1 zanlei in Laiva tidil ah ti an laknak pipe in ti a zuh caah Falam khua chung cheukhat ah ti an har ngaingai, tiah theih a si.
November 3 in Laiva tidil ti an laknak pipe cu Falam sipin nih remh hram an thok cang. Ti an laknak hi Falam khua in meng 19 a hlatnak Tlangzar khua pawng ah a si i hmun pakhat ah ti pipe a kuai i, pe 15 a thuhnak ah seh in an hlai i an remh cuahmah, tiah theih a si.

Falam khuami pakhat nih, “Falam khua chung sang tam deuh nih Laiva ti hi kan tohmi a si, atu hi ti vate in a luangmi ti kan hman pah khawh rih hna caah tlam a tling deuh ngaingai nain zarkhat hrawng a rauh rih ahcun kan har ngai cang lai, ti cawk a hau mi dirhmun kan phan lai,” tiah a chim. Laiva tidil ti a lak mi a hmangtu hi Falam khua chungah inn 2,000 leng an si, tiah theih a si. Crd-The Chin Post