Breaking News; Hakha Lei Ah Ralhrang Motor le Tank Pawl Cu An Kal Cuahmah Cang!

Breaking News; Hakha Lei Ah Ralhrang Motor le Tank Pawl Cu An Kal Cuahmah Cang!
==============
Chin ramkulh Falam in SAC ralhrang motor 6 le Tank 2 cu zinglei ah Hakha lei an panh, Falam in SAC Ralhrang Tank 2 le Motor 6 Hakha lei ah an Rak Panh.

Sagaing ramthen, Kalaymyo in a rakkai mi ralhrang phu hna motor 50 cu lampi ah zaanhnih an riah hnu ah nizaan ah Falam an phan. Cu chung in ralhrang motor 6 le ralhrang Tank motor 2 cu nihin October 13 zinglei suimilam 7:15 ah Hakha lei ah an panh tiah Zalen nih an tial.

Nizaan Falam khua ah a riakmi SAC ralhrang motor 53 lak ah motor 6 le raldohnak tank 2 cu nihin zinglei sml. 7:15 ah Hakha lei ah an run i thawh.

Thinlung nih a ruah tukmi thil le abiapi tukmi thil cu holh loin um khawh cio asi lo, santlaihnak le thatnem ding asi lo hmanh ah i lungsaknak ah tial ve rai cu asi ko caah ka vun i peh than. Ralhrang motor 6 le tank 2 cu Hell ram lei panh in tuzing ahkhan an vun i thawh cang ti asi. Hihi MAH nih hell ram lei kal hmasa bik dingin a vun kuatmi hna si dawh ah si.

Zeibantuk tactic le strategy dah MAH nih ai timh ve timi cu kan thei lo, nain ralhrang zia cu biological weapon an i phurh khawh caah a khuvai kha iralrin ngai cu a herh kho. Cun Vanlawng nih a runveng (escort) te hrimhrim lai kha zumh cia asi caah asi khawh ko ahcun a remnak taktak nak hmun in rak bawh i suimilam 1 hlan ah chengah hrilh viar manh khawh hna ahcun vanlawng zong a hung zuang manh hnga lo.

Ka zumh ning ahcun kan tei hrimhrim lai, a nungmi Pathian a biami le khuachia cu kan i lo loh! An Tanks pawl khi hrawktuk loin rak kap hna ulaw nan i lak te lai vun ti ah a chiatuk mi 50 luancia hrawng i an rak siammi asi cang caah hmannak a um lo.

Kan ram le kan miphun a humhak tu nusal pasal ţha hna…nan mipi nih kan in bochan kohna, ralhrang cu AFV le hriamlian an ngei, kannih cu a nung Pathian le mipi nan kan ngeih. Annih cu thlahlawh in fialmi ansi, nannih cu thinlung muru in a hun luangmi dawtnak in miphun vennak ral a domi nansi.

Annih cu an hngalh ballo mi le an phak ballo mi ah kan ralkap hmunpi Victoria lak an i tim, nan nih cu kan camp Victoria umnak kan chumtlual le kan thinlung runven ding nan i tim. Annih nih Victoria cu Tlanglo khuataw ah a um tiah anruah, kannih nihcun Chinland le Chin miphun kan umnak vialte hi kan camp Victoria asi tikha nan hngalh.

Annih cu ţihphan bu in an ra, nannih cu zumhngamhnak le ralţhatnak he nan orh hna. Thinlung a ralchia mi nih teinak an hmu ballo. Tinhmi aa fiang lomi nih an kawltung an kheng ballo. Cucahcun kan nusal pasal ţha hna Pathian umpinak thawngin kan ral cu nan kan teipiak hrimhrim lai. Kan Chin ram ah teinak thanhtar kan zar lai, lawmnak mithli a luang lai, Pathian sunpar peknak authawng a thang lai.

Isreal ralbawi Moshe Dayan cu CDF bantuk lakhruak ralkap IDF tlawmpal he Syria ralkap 12000 a dir awnh i teitu Pathian nih teinak a pek ve ko, Dayan le a ralkap IDF(Isreal Denfence Force) ca thahnak ding Syria nih an rak khalhmi AFV le Armory Tank hna cu an ral kahţhan nak caah Pathian nih Dayan le IDF a pek kohna.