Breaking News: Hakha Le Zokhua karlak ah an i kap taktak cang!

Breaking News: Hakha Le Zokhua karlak ah an i kap taktak cang!
==========
Halkha in Zokhua lei kee kal uico le Chin ralkap Zokhua le Halkha kar ah an i kap lio Hakhalay in Kaan khua/Gangaw lei a hungkai mi uico rual le mi ralkap an i kap fawn.

Hmun hnih ah tuhi kahdoh lio si i Chin ralkap le Mipi ralkap hna caah thlacam ngol hlah usih. Bawipa Pathian nih ka kut za chan hna seh law tei nak pek hna seh an ca thlacam kan dai lo. An hmailei le an hnuin van kulh rih hna sehlaw, vansang auin um hna seh.

Nihin Halkha in Gangaw lei chuak ralhrang hna kha kee kal lawng an thlah chung hna i Nipi khua Ngun Tha Sung nu te inn le Sarah nu te inn ralhrang nih an bauh, thilri an lak le lak lo tucu fiang in theih si rih lo. Ralhrang cu, Nipi khua an lonh cang.

Ralhrang motor tucu Halkha in an chuak rih lo.Kee kal awaan zoh in an motor rual hi umkal te dawh a lo bik. Hakha in Gangaw lei panh ralhrang kee kal hna cu Halkha in meng 4 hlatnak Nipi khua an phan.An motor kong bel afiang rih lo. Chimmi ca ah kan herh tukmi a si, Ralhrang lei zongnih athlithup in an cawl khawh lonak an i fiang la.

17/3/2022 cacawn nili Ni ah hin, Nai Kalay in Halkha lut uico rual kha Gangaw lei in kir an itim tiah thawngpang a um.ain za ah za fehter rih awk tha lo. A ruang cu an zer ngai caah Kalay lei in kir an itimh ziar mi kha, Gangaw lei kir ding phun in biadik lo an i thlah ter khawhmi asi.

Tutan an kir dingmi ah hin Halkha Thongtla phorh pah an itim. Halkha Thongtla an phorh dingmi ah minung 18 tiang theih khawh rihmi a si. Zuatmi Uico chuahvah lai hi a dikthliar in theih ahar caah an i leet/ ttul tthan kho ve.

Gangaw lei an kir hmanh sile Gangaw in Kalay leiah an i mer te lai.Naitan kha tam lakte lotlau hna kaw,Lu dang pek rih an zianh tuk si kho ve. Gankaw lei cun an kir ngam lai lo. Falam le Kalay lei ṭheo a si ko lai. Chuncung khua le Halkha ramri lei a um mi ralhrang 56 cu, Halkha ah an rak lut. A tuhi Halkha thar Tiphul khua lampial ah an um lio tiah theih si.

Halkha le Chungcung ramri um nihin Halkha lutmi uico hna kha Halkha thar Van Thio hall ah an 56 ningin an rak um hna. Halkha in Thantlang lei kal uico rual cu, nihin ah Halkha ralhrang nih motor pathum in an va lak dih hna, tiah thawngpang a lar ngai.

Hakha le Thantlang Karlak I kahnak Thawngpang! Kailawmhnak Ah Hin Nan Ka Lawmhpi Cio Ka Zumh! 15 March 2022 zing in, Kawi Awng Uico/Ralhraang pawl cu, Thantlang leiah kal dingin, Hakha Khuapi in an i thawh ti theih asi.

Hi thawng hi ka theih le caangka tein ka hlat lengmang i, a hnu bik ka theih mi chungin a ka chimh mi chungin ka van ttial. Ralhraang hi 60 tluk rel khawh mi ah an si i, CNA le a ttuanpi hriamtlai phu nih kan rak doh hna caah tampi an thi i, an lan kho lo i, hnu an itawn, tiah a ti.

Hakha in Thantlang le an kei in a kalmi Ralkap 60 hrawng cu CDF Hakha Thar le Dawr hlun CDF Zophei, CDF Thantlang le CNA nih kan kah hna tiah theih a si. Misual ralkap hi hriamnam ngan longte a kan kah i, hmai an vun nawr chih Kanmah CDF lei cu hnu kan tawn.

Minung 10 lakah lai meithal hi 6 a si i Automatic meithal hi 4 hrawng tluk a si. Cu hmanh ah Automatic meithal hi kuan 60 long an ngei. Mah a dih cun a zoh in zoh a si ko an ti. Kanmah lei cu kan him ralkap hi 5 cu an thi ko lai, fiangkhawh a si lo. An meithal kuan a tamtuk i kan zoh ngam hna lo an ti. Timit pawngah an riak.

CDF, CNA Drone a fami in India lam cawhnak le khaikhenh kan tem chih i kan thlak hnawh hna tiah an chim.
Ah nu Update kan vun tuah than lai. Ralkap a thimi hi 5 hrawng an si, an dihlak ralkap hi 60 hrawng an si fianternak. CDF Timit Ummi sin theihmi.

Thantlang le hakha kar ah CHIN ralkap le Uico ralkap an I kap cuah mah! Kan pasal ttha hna Bawipa nih a thiang thlarau hmangin in dirpi hna seh law teinak hmu ko u. Bawipa nih an do pi ko hna ee. Chin ralkap hna thla kan rak in cam piak hna. Bawipa! nih Teinak kan sin ah rak kan pe hram ko seh.

Tuhi Halkha lei ralhrang nih Thantlang khua lei an fuh lio, Timit lei in Chin ralkap nih ralhrang an kham lio hna si. Ralhrang hi raltuknak Tank he tiah Thantlang khua lei panh in an kal hi si. Ralhrang nih a bik in aa tinhmi cu Camp Victoria lak le kah kha an rak timh peng kha si.

Ralhrang phu pawl hi Nizan zanlei suimilam 10:00 hrawngah mei vang loin Hakha in an chuak, tiah thawngpang theih a si. Ke in a kal mi le motor in a kal mi tiin an um hna, tiah an chim. Mah ralhrang pawl hi abik in Thantlang khuap um an hawile ralhrang pawlhriam le ei ding pawl an kuat duhmi a si tiin theih a si.

Thantlang um ralhrang pawl hi ei ding cu Helicopter in an pek khawh ko hna, nain hriam ngan mi cu an kuat kho lo. Thantlang khuapi hmun khuar mi ralhhrang thazaang le hriamngam thatha tam chinchin in chiah an timh, tiah thawngpang theih a si. Cun, Thantlang khuapi chungah hriamngan an chiah khawh ahcun an umnak hmun in an duhnak paoh ah an kap khawh cang lai tinak a si.

Thantlang cu helicopter in eidin le hriam a rak pek tawn hna, tucu kee in chanh an timh si lai mu, Victoria Camp kha an fuh timh pengmi khaa rak si i. Hi tal ahhin cun Zophei CDF biatak tein an cawl ve a hau cang. Cu lo ahcun an lortuk sual lai. Nai hrawng kha cu cung lei cun riah caw le ral hriam pawl kha cu an chan ngam ti hna lo..tu tan hi bia pi si ko lai ka zumh ve. Thantlang peng lei um CDF, kannau le pawl Rak i ralrin kone uh khah.

Chin ramkulh, Hakha khua ah zinglei sml 11:00am hrawngin bom thawng pehzulh in a thang. SAC Ralhrang ralkap pawl cu Hakha in Thantlang lei ah ke in an kal tiah thawng theih a si. “Hakha in ralhrang 60 tluk Thantlang lam lei ah hriam tling he ke in nihin Zing 10:40 hrawng in an kal” tiah khuami pakhat nih The Chinland Post ah a chim.

Paletwa Peng Kahdohnak ah CNA le CDF Ralkap 2 an Nunnak a Liam. March 12 le 13 ah a cangmi Paletwa peng chung kahdohnak ah Chin miphun ralkap lei in minung 2 an nunnak a liam, tiah thawng kan theih. Matupi peng, Lailenpi khua in Htaybwai khua ah thazaang chap ding in aa thawhmi SAC ralhrang 150 hrawng cu March 12 le 13 ah CNA, CDF-Paletwa le CDF-Matupi nih lampi ah an kah hna.

March 12 kahdohnak ah SAC ralhrang pakhat a thi i, a dang 5 hrawng hliamhma an pu, tiah CDF-Paletwa nih thawngpang an chuah. Cu kahdohnak ahcun CDF-Paletwa in Salai Joshua nih ram le miphun ca ah a nunak a pek. Cun, March 13 zinlgei sml. 9:00 le zaanlei sml. 3:00 ah kahdohnak voi 2 a chuak tthan.

Cu kahdohnak ah cun SAC ralhrang a tlawm bik 7 an thi tiah i, a dang minung 10 hrang hliam an pu. CNA in ralkap pakhat nih a nunnak a pek ve, tiah CDF-Paletwa nih an langhter. SAC ralhrang nih miakpi in an kah ruang ah Tuisawkung khuate sianginn, inn pakhat le biakinn pakhat zong an rawk, tiah an langhter chih.

Kalaymyo In Thlanglei Sangah Ni Hnih Chung Kahdohnak A Chuak, CDF-KKG Pakhat Le Mipi (2) Nunnak Liam! Sagaing ramthen Kalaymyo in thlanglei sang Natchaung khua le Htuma (နတ်ချောင်း နဲ့ ထိုမာရွာ) khua karlak ah March 8-9 ni hnih chung, mipi vengtu le SAC ralhrang ralkap karlak ah kahdohnak vawihnih a chuak i, CDF-KKG pakhat le ralzaam mipi (2) nunnak a liam tiah CDF-Kalay nih cathanh an chuah.

Yan Gyi Aung khua ah umnak sakhan tuahtu SAC ralhrang ralkap (70) hrawng cu March (7) ah khan Tan Phu, Khui Cing, Hee Luk, Aung Chian Tha le Nga Pha khua pawl cu lonh tak hratin Nat Myaing khua ah kahdohnak tuah dingin an kal.
March zanlei sml 2:00 thawkin Nat Myaing khua nichuahlei ah nawlngeihnak latu SAC ralhrang ralkap le PDF-Kalay, CDF-KKG, CNDF, RKDF le ပ. က.ဖ fonhmi phu karlak ah minutes (30) chung an i kap.

SAC ralhrang ralkap nih Nat Myaing khua chungah hriamngan an kah i, Nat Myaing khua chungum Aung Myi Ya Pyih phungkii sianginn chungah tla in a puah ruangah cuka hmunah himnak kawl in a zaammi minung (3) nih hliam an tuar i, pakhat cu a nunnak a liam.

Cuka kahdohnak ah CDF-KKG phu chungtel Johan Htet Naing Zaw nunnak a liam. Lamhmuhsaktu ah tlaih in an kalpimi Nat Myaing khua mipa pakhat zong khua lu lei, uk-khe an tuahnak hmun pawngah a lu ah meithal kahnak in a nunnak a liam.

Pehzulh in March 9 zinglei ah Nat Myaing khua in nitlaklei ah kahdohnak tuah in an kal than caah Ing Sein khua hlun chungin kal hratin CDF-Kalay nih lamhlat kahnak hriamngan in an kah hna hnuah chun sml 12:00 hrawngah Htuma (ထိုမာ) khua pawngah minutes (20) chung cu naihniam taktakin an i kap than. Ni hnih chung kahdohnak ah SAC ralhrang ralkap leikap ah a thimi le hliammi zat theih a si lo.

Rih Khua Dar Khuapi “Tyi U Chaung” Ah Meithal Puah Thawng Le Hriamngan Puah Thawng Theih A Si! Chin ramkulh le India ramri Rih Khua Dar khuapi chung sang (2) nak zawn “Tyi U Chaung” ah March 9 zinglei sml 11:00 thawkin meithal puah thawng vawi (20) tluk le hriamngan puah thawng vawi (2) bak kan thei tiah khuami nih an chim.

March 8 zaan sml 9:00 hrawng zongah Rih Khua Dar sang (1) nakin, lamhlat kahnak miap-pi hmangin vawi (1) an kah tiah an chim rih. Rih Khua Dar khuapi ah khuasami minung 1000 lengkai hna cu India ramchung ah an tli/an zaam hna i, zanlei sml 6:00 hrawngin Rih Khua Dar khuapi chungah lut than rih lo dingin CDF Hualngoram nih ralrin peknak cathanh an chuah ruangah mipi cu inn an tlung ngam rih lo tiah Zalen nih a tial.

Yinmabin Peng Chung Letpantaw Khuami (11) Cu SAC Ralhrang Ralkap Nih Meikhangh In Thah! Sagaing ramthen Yinmabin peng chung Letpantaw khuami ralzaam mipi (11) cu SAC ralhrang ralkap nih meikhangh in an thah tiah khuami nih an chim.

March 8 zinglei sml 11:00 lengkai ah SAC ralhrang ralkap 180 tluk nih Letpantaw khua chung cu hriamngan in an kah hnuah khua chung luhhnawhnak an tuah tiah khuami pakhat nih a chim. Hriamngan puahnak in a thimi zong an um bantukin tlaihmi cheukhat zong an thah hna i, cheukhat cu atu tiang an tlau tiah khuami pakhat nih Than Lwin Khet ah a chim.

SAC ralhrang ralkap rual cu March 9 zinglei ah Letpantaw khua in an chuah hnuah meikhangh nakin a thimi ruak nehnang cu khuami nih an hmuh hi a si. Khuami minung (10) cu inn pakhat chungah kharkhum hratin meikhangh hratin an thah pinah khuami inn (2) zong mei nih a kaang dih. A dang nunnak a liamtu tarnu ruak pakhat tu cu phungkii sianginn kulh chungah an kaltak tiah Yinmabin peng chung a dikmi thawngzamhnak phu nih cathanh an chuah.

Hriamngan puahnak in hliam a tuartu minung (12) chungin pakhat lawng hmuh a si rih i, a dang minung (11) hna cu an konglam zong theih a si rih lo pinah khuami mipa (3) hna zong an konglam zeihmanh theih a si lo tiah khuami pakhat nih a chim. Phungkii sianginn ah an kaltakmi tarnu ruak cu LPDF le Hero Tiger phu nih ruak an vui tiah theih a si. Credit: The Federal Post