Breaking News : Hakha Ah Meithal Thawng Pehtlai In A Thang, ( A Tang Bik Ah Video)
==================
Tuzan 9 fai ah Hakha khuathar lei kap in meithal thawng pehtlai in a thang, tiah theih a si. Tuzan(June 27) suimilam 9:09 hrawng ah Hakha khuathar lei kap in minutes 3-4 kar hrawng pehtlai in meithal thawng a thang, tiah Hakha ummi pakhat nih The Chin Post ah a chim. (Thawngpang fiang deuh in half cuahmah lio a si.)
2023 kum February,March, April thlathum chung ah Myanmar ram chung ah kahdohnak voi 1,530 a um. Karen ramṭhen ah kahdohnak voi 1200 leng a um. A changtu ah Kareni (Kaya State) ah kahdohnak voi 160 leng a um tiah theih a si.
Kachin ramṭhen ah kahdohnak voi 40 leng a um i SAC ralhrang lei in ralkap 150 leng an thi. Mipi ralkap lei 10 tang nih ram caah nunnak an pek.
Karen ramthen ah kahdohnak voi 1,250 a um. SAC ralhrang 300 an thi. Mipi lei hriamtlai 50 tang nih ram caah nunnak an pek. Karenni (Kayah state) ah kahdohnak voi 150 leng a um I SAC ralhrang lei mi 1,500 leng an thi. Mip lei hriamtlai 20 dengmang nih ram caah an nunnak an pek.
Karen ramṭhen ah kahdohnak voi 1,250 a um. SAC ralhrang 300 an thi. Mipi hriamtlai lei 50 tang nih ram caah nunnak an pek. Chinland ah kahdohnak voi 100 leng a um. SAC ralhrang lei 60 hlei an thi. Mipi hriamtlai 30 nih ram caah nunnak an pek. Mon ramṭhen ah kahdohnak voi 20 a um. SAC ralhrang 10 an thi. Mipi hriamtlai lei 50 tang nih ram caah nunnak an pek.
Shan ramthen ah raldohnak 40 a um. SAC ralhrang 70 an thi. Mipi hriamtlai 10 tang nih ram caah nunnak an pek.
2023 kum February, March, April thlathum chung ah Myanmar ram chung kahdohnak ah SAC ralhrang 2,090 an thi.
Note: February ah SAC le mipi hriamtlai karlak kahdohnak voi 460, March ah voi 470, April ah voi 600 hrawng kahdohnak a um. Kahdohnak ruang ah mipi 190 an thi i 270 leng nih hliamhma a bu. Mipi inn 2,170 leng a rawk.
“D-Day” ti mi term ah D ti mi khi Day ti nak a si ko. “D-Day” ti mi cu coded designation a si i ralkap nih a biapi tuk mi military operation kan tuah cang lai tiah thawng an thanh tik ah an hman tawn mi biafang a si. Vawlei tuanbia ah D-Day tiah theih bik mi le minthang bik cu vawlei ralpi II lio ah a rak cang mi a si.
June 6, 1944 zingka te ah Western Allied ralkap pawl cu France ram chaklei ah a um mi Nazi Germany pawl kha tuk ding in an i tim. Cu tin Western Allied nih Western Europe kha Nazi Germany kut in khamh ding ah an i timhtuah hnu ah a za cang an ti i Normandy rili kam ah tum in Nazi Garman pawl va nam ding ah an i thawh ni kha D-Day ti mi lak ah minthang bik a rak si.
Asinain mah raltuknak hlan ah a cang mi siseh a hnu ah a cang siseh D-Day tiah kawh mi (designated) raltuknak (military operation) tampi a um ve ko. U.S. military nih cun “D-Day” ti mi hi a biapi mi raltuknak an thawk lai ah an hman mi Army designation a si an ti.
NUG nih hranhram in uknak a latu le ram mipi tampi a thattu/a hrem tu SAC cu ram pumpi in a herh ning poah in kan doh/tuk cang hna lai tiah official in a van thanh ni kha D-Day tiah an kawh ve. Phundang in chim ahcun Kawlram tuanbia ah “Second Resistance Day” a si.
“First Resistance Day” cu Japan ral lio 1945 ah Kawlram pumpi mipi kha Japanese fascists pawl le ram mipi tu kilveng lo in Japanese fascists pawl tu a ṭanh i mipi a hremtu le a that tu Kawl ralbawi pawl doh ding in ram pumpi thawngthanhnak an rak tuah mi kha Kawlram tuanbia ah “First Resistance Day” ti a rak si. Ref/Sangukceu Zinhlawng tialmi NUG D-Day khawhnak ni Tlangau pimi (14) Date : 7th September 2021chungin a tawinak in kan langhter than.