Breaking News; Hakha, Chin Oo Sii, Kanan sang ah inn pakhat a kaang cuahmah.

Hakha, Chin Oo Sii, Kanan sang ah inn pakhat a kaang cuahmah.
===========
Hakha Minister Zung in Nichuahlei ah inn a kaang; September 18, Hakha ah bomh pehtlai in a puak, Chin Ramkulh Cozah Zung in Nichuahlei (thlanglei) ah inn a kaang tiah kan theih.

“Acaan hi 8:57PM hrawng ah a si. Drone ah kan ruah ko. A rak zuang i a aw kan theih in a vun daihka bak ah a puak i inn a kaang mi kan hei hmuhcolh,” tiah khuami pakhat nih The Hakha Times ah a chim.

Atu September 18, 9:20 PM tiang hi Hakha khua ah puahkehnak pehtlai in a thang cuahmah i bomb le meithal puahnak ruang ah khuami a tlawm bik minung 2 an i hliam, tiah kan theih. September 18 thiamthiam, zaanlei 1:00 PM in 7:00 PM tiang Thantlang khua ah inn 19 a kaang i Pastor Cung Biak Hum cu SAC nih meithal in an kah i mual a liam tiah kan theih.

Hakha akaang than ee, Athlang inn zong tleih pah cang! Bawipa Kan idor nak run siko! Huppheng hram kohna. Khawingaih takin tawngtai nain minlopui hram ve rawhu. A poi ning hi Thantlang lei zong a deih hlan I Hakha lei si ve hoi cu zeitin hme kan um ne hna la maw Pathian kan kal tak hlah law.

HAKHA CAAH THLACAM TA VE; A tu zan suimilam 8 tlinhlan deuh te khan, Chinoosi Zung hrawngin bomb thawng le meithal puah thawng a tam ngai cang. Mipi himnak caah thlacam ta cio hna usih.

Hakha khua Mipi vialte BAWIPA nih in Huppheng in phaw in chawnkanh ko hna seh. THIANG THLARAU nih Hnangamnak Daihnak in pe ko hna seh.

Hakha ah SAC ralkap nih bomb le meithal an puah than, ngakchia 2 an i hliam. Septembwr 18, 2021; 8:00PM hnu…SAC ralkap nih Hakha Chin Oo Si Sang, Khuahelnak lam, Rungtlang, Khuahlun, Myanma Economic Bank hmai, Auto Sang le Dillo Sang tubantuk ah SAC nih bomb an puah than, ngakchia 2 an i hliam tiah kan theih.

“Ngakchia pahnih hi Chin Oo Si Sang le Khuahelnak lam ah a um mi an si i pakhat cu alu ah le pakhat cu akut le ake ah an khen. Tuzaan an bomb puah cu zaandang he aalo lo. A tlirh in a kan tlirh ko. Kanmah inn pawng cio ah a puak rua tiin kan ruah cio. Khoika set ah dah a puah ti zong kan hngal kholo,” tiah khuami pakhat nih The Hakha Times ah a chim.

Nihin September 18 zaanlei 1:00 PM in 7:00 PM tiang Thantlang khua zong ah inn 19 a kaang i Pastor Cung Biak Hum zong SAC meithal kahnak in mual a liam, tiah kan theih.

Hakha ah Meithal Thawng le Bomb Puah Thawng Pehtlai in a Thang. Nihin (September 18) zaan sml. 8:00 hrawng in Hakha khuachung in meithal kah thanwgpang le bomb puah thawngpang pehzul in a thang.

Khuathar lei le Pyidawtha lei a ummi hna nih, “A thawngpang a thang tuk. Atu tiang a dai rih lo. Bomb puah thawng lawng si loin meithal kah thawngpang zong a thang len,” tiah an chim.

Mah ralhrang pawl hi an ninghngal tuk bak ko. an duh poh ih boom an thlak. kan CDF pawlleh mipipawl Pathian nih in um pi hna seh law. A ngamhmi rak chuak uh tinak a si. Ralram mi ngiar ning phunkhat. Laimi hna lung tthawnnak Pathian nih in pe hram hna seh.

Biakilh: Puahkehnak hmun le aruang pawl The Hakha Times nih kan fehter kho rih lo.