Breaking News; Hakha ah Eidin dawr an bauh

Breaking News; Hakha ah Eidin dawr an bauh
====================
Zahan, Sptember 25 zaan ah mifir nih Hakha khua, Auto sang, Matupi lam cung ah a um mi eidin dawr pakhat an bauh.
Dawr bauhtu mifir nih an motorcycle tawh le an bauhnak thirfung an philh ta. Dawr ngeitu nih zing suimilaam 6:00 hnu lawng ah a dawr an bauh mi a theih.

Biakilh: The Hakha Post nih pehtlaihnak kan tuah khawh lo ca ah a ho dawr dah a si, zeizat man dah an kalpi ti bantuk kan hlat kho rih lo. Credit: Ngun Biak Nawl

Kan ngeih chun te zei hmenh pei him ti lo hi e hakha ah fir in vak mi an tam ngai cang ko hih. Kanmah Laimi ma an si fawn hoi hnga? A poi tuk ai e. Motorcycle tawh an philh an ti nain an motorcycle cu a um le um lo langhter a si ve lo.

Thawngthanh(25-9-21); A tu lio caan ah mah khua le ram ah um ngam lo in hmun kip ah a zaammi le aa tthialmi um a si. Cu hna nih Hakha khua chung ah rak i dor nan duh kho men. Cucahcun, Hakha khua hlum inn ngei hna nih hi harnak a tongmi i dornak caah na inn cu man fawi deuh tein rak umter ve hna uh tiah kan nawl hna.

Cun i dornak inn hlan awk a kawlmi hna zong nih inn na hmuh zokzok khawh nak hnga rak kan pehtlai ve. Caan karlak na harnak zong kan in bawmh khawh men ko lai( Inn hlanman,ti rawl le ihphah puan tibantuk pawl).

Na inn a lawngmi tein Pathian na dawtnak langhter na duh ah siseh, dornak inn hlan awk a kawl mi na si ah siseh a tanglei ah hin rak kan peh tlai te sawh uh. Pathian nih Sunpar co ko seh. Bawi Khrih ah nan rian ttuan hawi, Atha tuk, Bawipa nih nan rian tuan nak ah thluachuah za he lam in hruai hna seh. (Cung Hu) 09400305298, Cubg Hu Blood/ Fb

Kan mi phun chung i nang mah na rak um hi cu kan van rak tha tuk.bawi pa nih na rian tuan nak ah thlu chuah in pe ko seh. Saya cung a ken kip hin na cawlcang na ba tuk lai nan khua le ram mi pi vial te caah na rian tuan nak Bawipa nih an theih piak ko kan i lawm tuk ee u pat nak sang bik kan pek. Na lungput hi cu aw upat lo awk hrim hi na ttha loh, Pathian nih hin kan Miphun caah an thim hrimhrim ko e.

Rak share cio ulaw; September 22, 09, 2021 Cawlcanghnak! Inn hlangtu le dawr ngeitu hna sin ah NAWLNAK. 1. Inn man kaiter tbk a hmang mi le hramhram in inn man hal a hmang mi hna le dawr thil man a silo ning in a kaiter cuah mah mi dawr ngeitu hna kha hlathlainak kan tuah cuah mah.

2. Inn man a kaiter tu, hramhram inn hlanman a haltu hna le dawr thil man a silo ning in a kaiter tu hna cu Dohthlenak zei a rel lomi nan si tiin ruah nan si lai bantuk in zoh sawhsawh nan si lai lo.

3. Inn man dawt tibantuk, inn man thumh tibantuk le dawr thil a sining tein a zuartu hna cu Dohthlenak caah thil tha le thil hmaan nan tuah. Rian sunglawi taktak nan dirkamh a si. Cu caah

4. Inn ngeitu hna le dawr thil a zuar mi nule pa hna, Dohthlennak ah nan thazang, nan dawtnak le nan zawnruahnak kan HERH! Dohthlen caan ah thazang rak chuah ve ding in kan in SAWM.

5. Dohthlenak ah pakhat le khat i zawnruahnak hna hi meithal kuan tluk in hmual a ngei mi ral teinak a si.

Dawtmi Sui Thantlang, Kan kal taak mi si lo, Kan tlik taak mi zong si lo, Kan chiah taak hram mi si lo. Temh innak hmuh buin kal cu ho dah celh lai..Kan Sem nak Thantlang khua, Zei hmanh kan tuah piak kho lo, Kan unau CDF sinah kilveng tu hen nan um ko.

Nan ngaih chia hlah..Mitha lo pawl an um lo tikah, Mipi thah hmang mi an um lo tik ah, Nan caah ah Thazaang thar he nan ra than lai. CDF kan in bochan hna, Kan sui khua pi a roh hlan ah nangmah he khua kan sa tti than te lai….Na Lung rak thawng ko law Maw Sui Thantlang!

21.9.2021 Thantlang Khua Dir Hmun. 21. 9. 2021 Thantlang Khua a hnu bik khuachuah tak mi Chungkhar Dawng 4 (covid zaw mi dawng 2) cu tluang te in khua kan chuahtak khawh.

Thantlang Khuapi Cu Ram buai hlan ah Inn 1800 lengkai kan si. Minung 10000 lengkai deuh kan rak si .21..9 2021 ni ah cun Inn Dawng (3) le a minung (28) lawng nih Khua an hngah. Thantlang Khua a kan hngah piak mi hna cu,

1. Rev. J. No Mang te chung le anzoh mihna ngaktah anfa le minung (20), 2. Pi Kil Tang ,Ni Ceu Nu le A Fapa (3) 3. Evan. Rin Chan Aa techung le Nu Thluai Cia ,Sayamah Thui Cin (inn khat ah an um) minung (5) Hi Khua hngak chungkhar 3 hna hi Pathian Mifa, Miphun le Ram caah Rawl ulh in Thla a cam peng mi an si.

An chungkhar cio cung ah Thantlang Khuapi kan i lawm. Pathian nih um pi ko hna seh. Kan Thantlang Khua Pathian nih Hum him piak ko seh. Hi ti hin kan kal tak ko. (Biakilh: Thantlang khua Sipin Committee Chairman Pu Ram Khar nih a Facebook cahmai ah a tial mi kan hun taar chin mi a si.)