Breaking News; Cutluk In Thawngpang Tha Kan Hmu Kho Ti Lai Lo E!!!

Tonzang Peng SAC Ralkap Sakhan Pakhat Chin National Army (CNA) Nih An Laak, Kan Chin Ramkulh Thawngpang Fonh!!
===========================
Chin ramkulh, Tonzang peng ah SAC ralkap nih umhmun an khuarnak Darkhai sakhan cu March ni 17 ah Chin National Army (CNA) nih an laak tiah theih a si.

SAC ralkap an umnak Darkhai sakhan hi no. 268 ke ralkap nih hram an bunhnak sakhan a si i, Chin ralkap CNA nih an kalhnawh hna lioah SAC ralkap cu an rak zaam dih cang caah, meithal zun khat hmanh puah hau lo in cu sakhan cu an laak khawh tiah theih a si.

“Kaphnih kar kahdohnak cu a chuak lo, sakhan kalhnawh an si lioah SAC ralkap hna nih an sakhan cu an rak zaamtak cang caah meithal puah hau loin cu sakhan cu CNA nih an laak i um awk ṭha ti lo ding in an sakhan cu an khangh dih” tiah tualchung media hna nih an langhter.

Atu bak kha SAC Jet Fighter nih Vuichip ah voikhat, Thantlang khua chungah voikhat a kah! Thawngfiang deuh kan update than lai! Chin ramkulh, Falam-Hakha lampi ah ruah lo piin kahdohnak a chuak khomi a si caah mipi nih khualtlawn le umkal rih lo ding in CNO/CNDF nih nihin March ni 19 ah cathanh a chuah.

CNO/CNDF nih thawngthanhnak a tuah ṭhan hlan tiang, cuka lampi hman rih lo ding in le cathanh chuahmi nawl zulh cio ding in theihternak a tuah. Sagaing ramṭhen Kalaymyo in SAC ralkap leilawng run cu March ni 7 in Chin ramkulh lei ah aa thawh i, cu ralkap leilawng run cu Falam peng an phan cang tiah theih a si.

Kalay le Falam kar ah SAC ralkap leilawng run hna cu tualchung hriamtlai phu nih an kahdoh hna caah ralkap a thimi zong an um. SAC ralkap leilawng run hna cu Hakha byuha ah minung thazaang, riahcaw le hriamthil chap ding in a rami an si caah kahdohnak a fak kho tiah CNA in chimphuannak nawlngeitu Salai Htet Ni nih a chim.

Kyaukhtu in Mindat lei hoih in aa thawhmi SAC ralkap leilawng run cu March ni 16 ah padeta bomb lung 20 puahhnawh in kan doh hna tiah CDF-Mindat nih nihin March ni 19 ah a thanh.

March ni 16, zanlei suimilam 4:30PM ah Pakokku ṭatmah 101 in a chuakmi SAC ralkap riahcaw phur leilawng run 85 cu Kyaukhtu-Mindat lampi ah CDF-Mindat nih padeta bomb lung 20 puahhnawh in an doh hna caah leilawng 2 a rawk tiah CDF-Mindat in ṭuanvo ngeitu pakhat nih a chim.

SAC ralkap leilawng bomb puahhnawh an ton caah leilawng 2 a rawk ralkap a thimi an um le um lo fehter a si rihlo. Leilawng rawkmi pahnih cu March ni 18 zinglei ah suimilam 8:30PM ah Kyaukhtu lei ah an kirpi tiah theih a si.

“SAC ralkap riahcaw phurtu leilawng bomb puahhnawh in kan doh i leilawng 2 a rawk, ralkap a thimi an um le um lo fehter a si rih lo” tiah CDF-Mindat in ṭuanvo ngeitu pakhat nih a chim.

SAC ralkap leilawng run cu kahdoh a ton caah March ni 18 ah Kyaukhtu lei an kir cang, cucaah Mindat-Kyaukhtu lampi cu hman khawh a si cang tiah CDF-Mindat nih phungning tein cathanh a chuah. Crd-The Chin Post

18 March ah “Nan hmanmi Mei man zungah nan rak pek lai” tiah HK ralhrang nih Mipi theih ding fang khin, zalamtlang in an auhnawh hna. Zahan kha ralhrang le an motor pawl cu, Var ah le Var chakte bangla ah tiin an riak.
Falam ah an lan lo, nihin ah Falam ah luh an itim tiah kan theih.

Ralhrang: Zahan an riahnak in kee kal pawl Falam lei panh in an chuak cang, an motor pawl bel an chuak deuh rih lo.Var riak UC pawl an motor rual zong Falam khua leiah an i thawh cang i, Varchak cho an kai liopi a si.

Falam ah zan 1/2 an i din lai tiah zumh si i,mah cun Halkha lei panh in an kal te lai tiah an zumh.Ralhrang le an motor rual cu Congheng khua an lut hnik bak si i,Congheng le Falam hi mengli aa hlaat.

Ralhrang motor pawl cu Falam khuachung an vun lut cuahmah cang i, Cinmual sang high school sianginn pahnih ah riah an i tim tiah kan theih.Ralhrang Falam phanmi hna cu, Tatkung lei ah an kai cuahmah lio si tiah kan theih.

Sianginn riak ding zong an um kho i,tatkung lei kai zong an um ve lai tinak si ko .Falam ah ralhrang le an motor an luh hnuah ralhrang motor pathum khat in khuachung lei an kal, ralhrang pawl an riahnak hi, Tatkung, sianginn le lehtecelh nak hall ah an riah zumh bik a si.

Thawngfiang hi a dik taktak ning in ka update khawh lo mi ah nan ka ruah thiamnak lai kan nawl hna. A ruang cu ralhrang chungin thawng laakmi silo,ralhrang zia le khauchia lung le umkal nak a langtlang cun theih fian hartuk ruangah a si bik ko. Falam in Hakha lei an i thawh tikah update tuah khawh ka hun i zuam te lai. Crd-Salai William Hlawnceu