BREAKING NEWS!! CNF kan pa bak nih lehnak a vun tuah taktak cang hih, a turu kho taktak!!

CNF/A Headquarters (Camp Victoria) Ah An Rat A Si Ah Cun An Kah Ko Lai, A Sinain A Tha Bikin Kan I Siamremh Ko-CNF
==================================
Ral lei dirhmun a fah deuh chinchin nak hmun kan Chin ramkulh ah SAC ralhrang nih ral lei Strategy (ဗျူဟာ) an thlen thluahmah cang ii hriamnam ngan pawl zong an hman deuh thluahmah cang bantuk in cunglei kahdohnak zong an tuah thluah mah cang, tiah CNF/A chimphuan ngeitu Salai Htet Ni nih a chim.

Kan Chin ramkulh huap sining dirhmun cu kum dang nakin tukum ah SAC ralhrang nih kahdohnak an tuah mi a tlawm deuh nain ral lei Strategy (ဗျူဟာ) cu an thlen ii hriamnam ngan le cung lei in kahdohnak an tuah mi hi a tam deuh, tiah CNF/A chimphuan ngeitu Salai Htet Ni nih a chim.

CNF/A chimphuan ngeitu Salai Htet Ni nih, ” Chin ramkulh ah Kum dang nakin kahdohnak a tlawm deuh cang, tiah chim khawh a si. Chin ramkulh chak lei ahcun tukum chungah thlang lei Chin ramkulh nakin kahdohnak a tlawm deuh cang. Kum dang ahcun chak lei in ralhrang an kai, thlang lei in ralhrang an kai, Matupi Strategy (ဗျူဟာ) cu ralkap thazaang tampi in an kai.

Hakha Strategy (ဗျူဟာ) cu caan khat, voi khatkhat in an kai. Tukum ahcun, cu dirhum cu a si ti lo. A bik mi thlang lei hi an ral cang. Tahchunh in kan chim a si ahcun SAC ralhrang lei nih kahdohnak an tuah mi hi a zawr (tlawm) deuh cang. SAC ralhrang lei an thazaang an tlawm deuh cangi a si hnga maw, theih a si lo. Cun SAC ralhrang lei nih hriamnam ngan an hmang deuh cang. Tuan deuh ahcun cutincun a si lo.

Kah mah he neihniam tein pee 20, 25 hlat in i kah ton a si. A tu ahcun cu dirhmun in cun a si ti lo, hriamnam ngan an hmang. A sianin khuapau caan ka phak cang caah SAC ralhrang lei nih Jet Fighters pawl an hmang deuh cang. A luan cia caan chungah SAC ralhrang vanlawng mi ngiathlaitu kan luu cung a rak phan.

Raltuknak vanlawng an hmang deuh cang lai timi hi, a lala a um deuh cang. Tang lei in SAC ralhrang an thazaang a zawr deuh cang tiah, chim khawh a si” tiah a chim. SAC ralhrang vanlawng mi ngiathlaitu pakhat nih Chin National Front Headquarters (Camp Victoria) cu a luancia November ni 2 a hel, tiah theih a si.

Cucu SAC ralhrang nih Kachin ramkulh, Hkapkant pengkulh, Ah Nang Pa khua ah cung lei in bomb thlaknak a tuah hnu ah Chin National Front Headquarters (Camp Victoria) lei ah a zuan hi a si. Chin National Front Headquarters (Camp Victoria) ah SAC ralhrang vanlawng a zuan hnu ah CNA/F Headquarters a simi Camp Victoria cu kahdohnak tuah dingin timhlamhnak an ngeih mi SAC ralhrang ii Cazin cu CHRO nih a rak phozar.

Tu kar hrawngah SAC ralhrang Jet Fighter cu kan Chin ramkulh lei ah a rak zuang ngaingai ii November ni 7 zongah Hakha le Thangtlang kar Timit kiangkap hrawng ah SAC ralhrang Jet Fighter pa 2 a rak zuang ii bomb thlaknak an tuah, tiah kan theih. Camp Victoria cu cung lei in SAC ralhrang nih kah timh nak kong he pehtlai in SAC ralhrang nih cung lei in kahdohnak an tuah khawh men mi a si caah CNF lei nih timh cia tein kan i siamremh (timhtuahnak kan ngei cia) ko, tiah an chim.

“Kan Headquarters (Camp Victoria) tiang SAC ralhrang vanawlawng a rak phak tikah a tha bik in timhtuahnak kan ngei ko. An rat a siahcun an kan kah ko lai. A sinain kan mah lei nih zeitin dah a that bik lai, kan i humhim khawh lai timi cu timhcia tein siamremh nak (timhtuahnak) kan ngei ko lai. Kan Chin ram Geographical area (ပထဝီနယ်မြေ) ah vanlawng an hman zong ah a thi-tlau mi cu an tlawm ko. Vanlawng hmang in Tlangcung hmunhma ah a thi mi le a tlau mi an tam timi hi, a si kho lo mi a si. Kan mah lei zongin a tha bik in kan i siamremh ko (timhtuahnak kan ngei ko” tiah a chim tiin Khonumthung Burmese nih a tial.

CDF Senthang Kong Ka tial ah a ka pamh len mi nan um. Thil hi kan hlat ve i, a dik mi lawng kan tial. Ruahnak le purdah in catial ka hmang ballo. Hmai lei zong ah dik mi lawng ka tial lai. Chin Ralkapbu CNF / CNA ah kan i fonh khawh lo tal ah i Funtom hna usih, cu lawng ah ral kan tei lai tiah tlang ka au lengmang mi hi asi. CJDC chungtel cu CNA asi cia cang tiah pomh piak khawh asi. Hihi cu buai awk aum lem ti lo.

CJDC ah aum lo mi MDF, ZRA, CNDF, CDF Senthang, CDR Zotung Supreme Council le CJDC um buin CNA a remh lo mi, Mindat CDF bantuk kong hna hi kan aupi mi cu asi. Senthang hi LAI bak asi. Senthang ti cu miphun min asilo. Minung min asi (Surkhua bawi bia). Khuapi khi Hakha khuatlak ansi. Salai Bawi Vung Thang hi Hakha bak asi. Loklung cu Hakha loriak ansi. Mirum Pu Thawng Kian khi Senthang Mirum ti ding asilo. Hakha mirum ti ding asi (Khuapi cu HK asi caah).

Hakha khualipi cu CHINMI vialte caah, Khualipi asi. Hakha le Hakha peng khuasak ah Pengtlang le a dang um rai le um phung asi lo. Hakha tak nakin CHINMI khuasa mi kan tam deuh cang. Pengtlang ti zong ah Zokhua Area, Mi E Area le Senthang area lawng asi. Kaa dang in rat in Hakha ah khuasa mi, CHINMI hmanh nih Hakha caah thisen le nunnak pek in an dir lio ah Hakha tak asi mi Senthang nih Phu hnih in kan um hi cu asi khawh lo. Bu khat ah i fonh cang ko usih tiah kan nawl hna.

Hakha peng minung le Hakha khuasa mi nih Hakha Khualipi kan dirhkamh lo, kan sersiam lo ahcun, mi hnu ah kan um zungzal lai. Tedim le Falam nih Khualipi chut an kan duh tuk ti hi nan hngalh cia dih mi asi. Tedim pa nih Thang Thang Pa a thlen tikah Khaikam ah khualipi thial a ti colh kha. Tedim lei nih Ralhrang ZRO / ZRA, PDF Zoland / ZFU, Falam nih CNO / CNDF an ngeih hi khua nan tuak ballo maw? Mindat he Mahameih an si cang fawh. Hakha khualipi aa thial ah Surkhua le Bungzung partizu vialte aa thawnh chih ti hi Senthang mi nih cing zungzal a herh.

Aho asual i a ho a dinfel tinak asilo. Hmunkhat um uhlaw, CNF / CNA tang ah um i, Hakha Khualipi veng usih, Hakha kan sungh ahcun CHINRAM vialte sungh asi ti hi asi. Pengtlang dang nak in senthang hi CHINRAM le Hakha khualipi caah a biapi bik mi kan si ti hi philh hna hlah usih. Mirang doh an hruaitu Hakha Pu Vai Mang Cu thong an thlak caah, a thaisung nu Pi Tial Nawn hruainak in Mirang pi cu doh a rak si. Culio Senthang khuapi Sakta ah meeting tuah asi. Senthang, Lautu, Mara, Zophei, Zotung ti in meeting kai dih asi. Culio ah hruaitu cu Senthang kan si.

Pi Tial Nawn thong an thlak caah, Senthang hruainak in Mirang cu doh asi. Hakha nih Mirang an remh ah Senthang hruai mi CHIN ralkap nih an duh lo. Mirang nih Hakha ah Senthang ralkap cu an au hna i an nawl hna. Raldaih nak caah hnatlaknak an ngei. PEACE an tuah nak hmuh cu azaa cang tiah min an pek. Sakta holh in Azaarei an ti. Cucu a hnu ah zarebual kan ti mi khi asi ko hen cu. Senthang nih Mirang he remhnak kan tuah hnu ah Lautu, Mara, Zophei le Zotung nih remhnak an tuah ve. Cucaah AZAAREI an tinak cu asi. Crd-Joseph R. Thang

SAC Ralkap Thahmi Mindat Peng Palungtui Khuami Ruak An Hmuh! Chin ramkulh, Mindat peng Palungtui khua ah SAC ralkap hna nih an thahmi tualchungmi ruak hmuh an si, tiah theih a si. A luancia November 8, ah Htilin in rallam sialmi SAC ralkap hna nih tualchung mi cheukhat cu an thah hna i an inn an khangh piak hna, nithum a rauh hnu lawng ah SAC ralkap hna cu hnu an tolh. SAC ralkap nih umhmun an khuarnak Palungtui khuachung ah a ho si theih lomi mei kang ruak hmuh a si, tiah tualchung hriamtlai bu battalion in tuanvo ngeitu pakhat nih cun a chim.

“Ningcanglo in an khanghmi ruak cu kan hmuh tiah ralram ummi kan ralkap hna sin in kan theih, minung zeizah ruak a si cu fehter awk a tha rihlo” tiah a chim chap. SAC ralkap nih Palungtui khuami pa pawl an tlaihmi hna ruak a si, tiah CDF-Mindat he a neihniammi hna nih cun an chim.

Falam Ah Vok Hnarthi Chuahnak In Vok 10 An Thi Cang! Chin ramkulh, Falam khua ah Vok zawtnak phunkhat a rak chuak i Vok 10 renglo an thi cang, tiah theih a si. October thla dih khan Vok zawtnak phunkhat a rak chuak i kan zuatmi kan Vok hna cu an hnakhaw le an hnar in thi a chuak i si kan chunh hna zong ah an tha hlei lo i an thi, tiah Falam khuami pakhat nih a chim.

“A tubantuk in Vok an thihnak a ruang hi khuacan thlen ruang zong ah a si kho. Hi Vok zawtnak hi theih khawh a si rih lo zawtnak an i chawnh zong a rang ngai cun an thih zong a awl ngai si kan chunh len hna zong ah ni 2, 3 an rau lo an thi thiam,” tiah saram sibawi pakhat nih cun a chim.

A luanciami zarh chung ah Kalaymyo in Vok an rak phorhmi zong a hnar le a hnakhaw in thi a rak chuak i mawtaw cung ah a rak thi ve, tiah tualchungmi hna nih cun an chim.

Chin miphun nih a bik in pawcawmnak ah kan hman ngaimi pakhat satilzuatnak ah hin a bik in uknak lak hnu in satil raikhamh si chunh awk a harsa i cu ruang ah a tubantuk in kan zuatkhalhmi kan satil an thih khunnak hi a si, tiah zuatkhalhnak lei rian rak tuantu(CDM) pakhat nih cun a chim.

Yangon Tiva Ah SAC Ralkap Caah Petrol A Phortu Tilawng In Puahkehnak A Chuak I A Kaang! Yangon ramṭhen, Yangon tiva ah petrol a phortu tilawng pakhat chung in puahkehnak a chuak i, tilawng a kangmi mei cu meithat tu hna nih an hmih, tiah theih a si.

“Nihin November 10, chunhnu suimilam 2:35 ah Yangon ramṭhen Botahthaung peng Linsadaung hleidonh pawng Yangon tiva chung ah SAC ralkap hna caah petrol a phortu tilawng pakhat in mei kanghnak a chuah caah meithat lei rianṭuantu hna nih an hmih,” tiah pawngkammi hna nih cun an chim.

Tualchung mi pakhat nih cun Yangon tiva ah petrol a phortu tilawng chung in puahkehnak a chuah hnu in mei a kangh hi a si, puahkehnak thawng nih a pawngkam cu a hninh dih, tiah a chim.

CDF-Paletwa Ralkap Hna Nih Angki Lum Le Puan Bawmh An Herh, Khuasik a hun tlak cang bantukin lum tein um khawhnak ding ca ah puan le angki lum kan herh hringhran ko, cu lawng si lo in dohthlennak ca ah a herhmi thilri dang zong kan herh chih tiah CDF-Paletwa nih an Fb cahmai ah an langh ter.

”Hmunkip um nu le pa hawikom dawt hna nih mah le si khawh tawk cio nan kan bawmh nak lai thawng kan in thanh ko hna,” tiah bawmh an herhnak an langh ter. Pehtlaihnak: 09346119443, 0934021057 Email: cdf.paletwa.2021@gmail. com.

Thaton PDF Nih Ralhrang Nih An Tlaihmi Hna Mipi An Khamh Hna, Mipi a tlaitu Thaton(သထုံ) peng No(9) raltuk cawnnak ralkap bu i battalion commander-2 Major Chit Win Thu le a hawile hna cu Thaton PDF nih an kah hna i Major Chit Win Thu telh in ralkap (3) an thah hna i Mipi an tlaihmi hna zong an khamh khawh hna. Hriamnam zong an lak chih tiah theih a si.

Nihin zingka sml 5:30 hrawng ah Mipi an tlaihmi hna a phortu mawtaw cu Thaton PDF nih an kham hna i an kah hna. Ralhrang lei in Major Chit Win Thu telh in minung (3) an thi i hliamhma he pakhat a zam manh. Mawtaw cung ah hriam zun(3) le tangka sing(23) an lak chih tiah Khit Thit Media nih a langhter. Ralhrang hna nih an tlaihmi mipi hna cu Thaton PDF nih an khamh khawh hna tiah theih a si.

SAC Hriamngan Nih A Rak Khenmi Hna Tarnu Le Kum (3) Ngakchia Nu An Nunnak Caah Thinphang A si, SAC ralhrang hna nih sulthonglo in hriamngan an kah ruangah Sagaing ramṭhen Wetlet(ဝက်လက်)peng Shein Ma Kar(ရှိန်းမကား) khua mi minung (1) a thi i kumthum hrawnglawng a si rihmi ngakchia telh in minung(3) hliam an rak tuar. Hlaim tuarmi chung in tarnu le ngakchia nu an ceihma ngai tiah theih a si.

May be an image of 2 people and text that says "ര0 SHOT ON REDMI AI DUAL CAMERA"

Sikpar 7, zaan sml 7:50 hrawng ah Wetlet peng Shein Ma Kar khua i ralkap sakhan in hriamngan an kah ruang ah khuachung inn pakhat ah a tla i minung (4) kuan nih a khen hna. Hriamngan kuan khennak in nu pakhat a thi. Cun kum(60) hrawng a si cangmi nutar pakhat le kum(40) hrawng a si mi pa pakhat le a thimi nu i a fanu kum (3) ngakchia pakhat ti in minung pathum hliam an tuar.

May be an image of 4 people, people sitting and text that says "REDMI CAMERA NO AL DUAL SHOT AI"

“Hliam a tuarmi pa cu a ṭha deuh ngai cang. Nutar le ngakchiate tu cu an ceihma ngai ko. An nunnak ding kong ah chim khawh an si rih lo, thinphang an si ko” tiah နဂါးနီပျောက်ကြား ralkap bu i an commander(ဗိုလ်ကောင်းကင်) nih a chim. Hliam a tuarmi chungkhar hna hi lothlo miharsa an si caah an i thlopnak hi dothlennak a tuahtu hna nih bawmhchanh le thlop an si tiah theih a si.

May be an image of 4 people, people sitting and text that says "REDMI CAMERA NO AL DUAL SHOT AI"

Facebook Ngeitu Meta Company Rianṭuantu Minung 11,000 Leng Dinhter An Si Lai!, Facebook, Messanger, Instagram le WhatsApp ngeitu Meta Company chung i rianṭuantu minung 11,000 leng cu dinhter an si lai, tiah theih a si.

Hi biachahnak tuahmi nih hin atu lio kan hman ngai mi Online Apps- Facebook, Messanger, Instagram le WhatsApp te pawl zong a hnursuan pah lai i, anmah Meta Company chung i an rianṭuannak zong zatuak ah 13 cu a tum kho ding mi thil a si. Cu pin ah Meta’s Team pawl zong a hnursuan pah ngai lai, tiah ruahdamh a si.

Meta Compay’s CEO Mark Zuckerberg nih cun hi thil a cang ding mi a tuartu ca ah a fah lainak kong le a hlei in hi thil cang dingmi nih a hnursuan ding mi rianṭuantu hna cung ah a lung ṭhatlonak bia zong a chim pin ah hi biachahnak kong ahhin ṭuanvo lak ai timhnak bia zong a chim chih.