Breaking News; CNA, CNDF Le CDF Nih Taal Ah Ralhrang Motor 9 Hrawh Than, A Dihlak 16 Hrawhpiak Cang!

Breaking News; CNA, CNDF Le CDF Nih Taal Ah Ralhrang Motor 9 Hrawh Than, A Dihlak 16 Hrawhpiak Cang!
================
CNA+CNDF+CDF nih Taal ah SAC motor 9 hrawh than, a dihlak 16 hrawhpiak cang. Nizaan October 17 lio ah CNA+CNDF+CDF nih Falam Peng Taal khua pawng ah SAC motor 9 an hrawhpiak than hna i October 14 lio ah motor 7 an rak hrawhpiak mi hna he adihlak 16 an hrawhpiak cang hna, tiah kan theih.

Hi SAC ralkap pawl hi motor 60 hrawng he Falam in Hakha lei ah a kal mi an si i CNA+CNDF+CDF nih Taal khua pawng ah an erhtonh hna i Hakha lei zong lan kholo, Falam lei zong ah kir kholo in an hren hna, tiah kan theih.

Hi Taal pawng kahdohnak ah SAC ralkap aa hliam mi le a thi mi an tam cang nain phungluut in CNA+CNDF+CDF nih an thanh rih lo, tiah kan theih.

Tazacuai lio mi 4320 le thongthlak mi 1316 an thlah hna lai. Nawlngeihnak lak mi duhlo in lam a zawh mi hna tlaih i tazacuai lio mi 4320 le biaceih in thongthlak mi 1316 cu thlah ding in Min Aung Hlaing nih a chim i cathanh zong an chuah cang, tuah kan theih.

Duhlonak langhter lio ah aa tel i tlaihkhih mi pawl tuzarh chung ah kan thlah than hna lai, tiah Min Aung Hlaing nih chim. Nawlngeihnak lak duhlo in lamzawh (sandah piah) ah aa tel i tlaihkhih mi hna cu tuzarh chung ah kan thlah than hna lai, tiah Min Aung Hlaing nih a chim.

Hi bia a chim hi nihin October 18, 11:30 AM ah MRTV in a chim mi a si. “Aruang le konglam tampi he tlaihkhih in hren mi hna le an sualphun ceihpiak lio mi hna chung in thlah than awk aa tlak

AC Ralhrang pawl Taal Khua ah an Phan Cang. Nihin zaanlei sml. 5:00 hrawng ah SAC ralhrang pawl cu Taal khua ah an lan kho, tiah thawngpang kan theih. Thlanrawn le Taal karlak ah lam an hrawhmi cu JCB in an remh i tu zaanlei ah an lanh khawh hi a si.

Tu zaan hi Taal khua ah an riak lai tiah a zumh. Khuami pakhat nih, “Nikhua a chia tuk i khuachung an cawlcangh dan fiang in kan hmu kho hna lo,” tiah a chim.

Falam Peng ah Inn 24 a Kaang, Khua 7 in Minung 4,000 Hrawng an Zaam. October 13-15 karlak ah Falam peng chung ah SAC ralhrang inn 24 an khangh i khua 7 in minung 3,921 nih an innlo chuahtak in an zaam hna, tiah Falam peng ralzam tawlreltu bu sin in kan theih.

October 13 le 14 ah SAC ralhrang nih Rialti khua ah biakinn pakhat telh in inn 12 an khangh i Thlanrawn khua zong ah inn 12 an khangh chap. Rialti inn an khanghmi biakinn le kudawng pakhat an i tel i, Thlanrawn khua zong ah Pastor Biak Thluai a umnak biakinn quarters inn an khanghpiak.

Lungpi, Rialti, Thlanrawn, Taal, Tlangzar, Ramthlo le Dokthek khua in ralzaam 3,921 an um i, Falam khuapi ngaingai ah a zaammi hi an tlawmte tiah Falam peng ralzam kongkau tawlreltu bu nih an langhter.

Hakha ah bomb a puak, MPT phone line a tlaucolh ve. Nihin October 16, 7:15 PM hrawng Hakha ah bomb a puak i MPT phone line a tlaucolh ve, tiah kan theih.

“Hakha cu tlangcung um kan si tikah bomb le meithal thawng kan theih ahhin khoika zawn set in a si hngalh khawh a si lo. Kan innpawng cio ah kan ruah. Tuzaan zong bomb a puak i khoika si kan hngal kholo. Cu bak ah MPT phone line a tlaucolh ve,” tiah khuami pakhat nih a chim.

Furpi a si bantuk in nikhua a chia ngai i electric mei cu a mit lo nain MPT phone line a tlau, tiah kan theih. Credit: The Chin Journal, The Hakha Times

Hakha ah Telephone Line A Rawk, Chawnh Khawh A Si Lo. 2021 October 21 – Nihin zaanlei sml 7: 00 fai in Hakha Telephone line a rawk, chawnh khawh a si lo. Ooredoo line lawng a ngah tiah kan theih. Hi kong he pehtlai in, hmundang in Hakha lei Telephone le Internet in pehtlaihnak a tuahmi pakhat nih, Hakha lei Telephone ka chawnh len, a lut kho lo. A ngah lo tiah a chim.

MPT, (Telenor, le Mytel) telephone line a rawh hlan ahhin, Hakha khuachung ah zaanlei sml. 7:15 tluk ah bomb a puak, cu hnu cun phone line a tlau colh ve tiah, Hakha Times nih cun a tial. Atulio ah, Ooreedoo line lawng a ngah tiah kan theih.

Zei ruang ah a rawh le chawnhkhawh a si lo timi kong theihfian a si rih lo. Atu hi thawngpang kan tial lio tiang ahhin, MPT Phone line, Landline siseh, Internet zong in chonh khawh an si lo tiah theih a si.

Khuaruahhar Zimmermann Telegram (Edit ka tuah lo ka ngaithiam uh). German ramdang vunci Arthur Zimmermann nih Mexico ram ah ambassador a tuanmi German sin ah January 16, January 1917 ni le thla ah a thli thup ca a kuat mi kha British code catial dothlat thiamsang (cryptologists) hna nih an hmuh. Ca chungah February ni 1 thok in US tilawng vialte kha hrawh dih ding kong a si ai. Germany nih aa tinhmi cu US hi ral thawhnak ah a rak i tel lai.

Mexico president kha Germany nih US ram ral tuknak kongah atanglei bantuk in tuah an I tim. Mexico nih US kha a doh ahcun Germany nih Mexico cu laksawng caah phaisa leng in Arizo, New Mexico le Taxas ram vialte kha thenh a si lai ti a si. Mexico nih US kha a tuk ahcun US cu Mexico ral ruangah fak piin a buai lio tikah Europe ram ah a chuakmi ral kong ah US cu a buai kho ti lai lo tiah Germany nih a ruat.

Zimmermann telegram kong ah a buai tuk hringhran cang. Dothlatnak lei tuanvo ngeitu Captain zong hi kong ah hin a buai tuk ve cang. Chambaunak tampi zong a um kho men lai tiah ruahnak a phunphun a chuak. Telegram ah an hmuhmi kha mi zapi sinah an kuat hlan deuh ah, ralbawipa Captain Hall nih ni 20 chung a hngah hmasa.

Germany nih US ramchungah tilawng in raldoh a duh cang, cun US nih Germany he pehtlaihnak zong a hrawh dih cang timi a fian dih hnu ah, British nih hi ca hi zeitindah kan hmuh ning a si ti kha ralbawi Hall nih fianternak a tuah.

February 19 a phak tikah London khua ah a ummi American tanzung nawlngeitu sin ah Germany sin in an hmuhmi ca (telegram) kha langhternak an tuah. Ni tlompal chungah British ramdang vunci Arthur Balfour nih American President Woodrow Wilson sinah Germany sin in ca an hmuh kong cu thawng a thanh. Cu tikah Wilson nih mizapi sinah thawng fianternak a tuah colh ve. Catialtu cheukhat nihcun a dik lai lo an ti. A cheu khat nih cu a dik ko lai tiah an ti. Ruahnak a phunphun a chuak. Acheu khat catialtu hna nih cun thawngpang ral ti hna in min an pek len.

March 3 a phak tikah American tandica tialtu pa nih German Zimmermann pa cu Germany nih US a doh lai timi thawngpang a lengmi hi a dikmi a si maw tiah biahalnak a tuah. German pa nih cu a hman lo tiah ka chim kho lo tiah a rak leh. Hi thawngpang a lengmi hi a dikmi asi ko ti kha a chim duhnak a si. Ral thawhnak a phunphun a hun chuak. Cu tikah April ni 6, 1917 kum ah American Congress nih Germany cu kan doh bak a hau tiah phung ning tein thawngthanhnak a tuah colh ve.

Cu tin cun American cu a voikhatnak raldohnak ah a hawi le ram cheukhat hna he an rak tangti hi German ralpi cu an rak doh. Zimmermann telegram pi cu vawleicung tuanbia cauk pakhat ah a hung cang. Germany sin in US dohnak kongah an hmuhmi telegram copy cu atu hi American ram US national archives ah a tu tiang an chiah rih. Copy a si lomi a tak a simi tu cu Britain National Archives ah nihin tiang an chiah rih.

Biathli le cathli thup ruangah Germany cu voikhatnak ralpi a sung tiah an phai theu ton. Aruang cu cu biathli cu British nih a hmuh tikah British, American, France le adang ram hna he fonh in German ralpi cu an rak doh caah a voikhatnak vawlei ralpi ah ramkhat te long in ral a domi German cu a sung ruangmang ti asi. Raldo lio caan ah biathli thup sum khawh lo hi sunghnak hrampi pakhat a si tiah nihin tiang phai zungzal a si. Credit: Saya Thawng Za Pum