Breaking News: Chin Pa Salai Mang Lam Tuang Cu Uico Motor Nih A Hnu Lei In A Pah Hlei Ah Meithal In An Kah

March 21, 2021 nihin zanlei sang Kalaymyo khuapi chungah Salai Mang Lam Tuang (Kum 14) cu Sehhmuh zung in Saikhua khua lei ah Motorcycle a mawngh cuahmah lio ah a hnu lei in ralhrang motor nih a pah hlei ah, meithal in an kah chih caah Salai Mang Lam Tuang cu Ralkap siizung ah an kalpi tiah chungkhar lei naihniam pawl sinin theih a si.

Anmah ralkap siizung chung ah hin ni (45) chung chiah a si lai i, ralkap motor a tah caah atu bantuk in kan tuahmi hi a si tiah Salai Mang Lam Tuang nulepa sinah ralkap lei nih an leh hna. Atu lawlawse, a ruh kiah, a kut kiah, a ke kiah caah a dirhmun a tha lo ngai tiah theih a si. Ralkap sizung chung an chiahnak ah ka fapa sining vialte hman ka thlak nain, ralkap pawl nih an phit dih than hlei ah phone zong a lakpiak tiah a chim. Salai Mang Lam Tuang cu Kalaymyo Township Saikhua ah a ummi a si i, Pu Thang Khan Lian le Pi Kap Zun Tial i an fapa a si. Ref: Chin World

Relchap, Minung an si ve caah KIA nih rawl khim tein an pek hna. KIA nih misual ralkap 40 an thah hna sakhan 3 an lak a nung tleihmi zong rawl khim tein an pek hna. Atu lio KIA mi kah le doh cu tih a nung bak. Kawl ralkap nih a celh an celh lo. Nizan March 24 zanlei suimilam 5:30 tluk ah Kachin Ban-maw khayan Mo-moh peng ummi KIA Tatmaha 5 tang tatzin 25 le 30 hna nih an pawng Kawl ralkap Hk. M. Y 387 sakhan cu an nam hna i nihin zing suimilam 5:00 tiang fak taktak in an i kap.

Hi an i kahnak ah KIA nih kawl ralkap 40 leng an thah hna Bohmu pakhat telh in minung 4 a nung in an tlaih hna. An hriamnam zong an lak dih. Cun mah kawl ralkap umnak pawng tlang cung um kawl ralkap sakhan hme 2 zong KIA nih an lak chih. KIA hi ralkap phung a zulmi cu an si. An tlaihmi hna zong kan ral nan si ai tiah an that hna lo. Tha tein an zohkhenh hna. Cu hlan cu phaisa zong an rawnh hna i an thlah tawn hna. Credit: Tluang Ceu Thang

Lairam ah aummi miphun hawi hna palek le ralkap nih meithal kan sinah ap uh an ti ruangah kan meithal kha a hohmanh nih ap lo ding a si lai,cun a si khawh cun kan ram sining a hman ti lo caah zen le kuan tam piin rak i zalh cio hram uh. Palek le ralkap nih hramhram in an kan thah an kan nawn a phunphun in hremnak an kan pek si cun khuakip thawng kan i thanh lai i meithal in i tuk doh a si te lai cucaah zen le kuan tam piin rak i zalh cia hram u.

Ralkap nih hramhram in an kan hremnak caan a sau tuk cang atu cu tlangcung hriamtlaibu vialte le mipi i fonh in kan tei hlan lo kan doh cang hna lai,kan tu kan fa le chan ah ralkap uknak um ti hrimhrim hlah seh. Nan meithal a hohmanh nih rak ap hrimhrim hlah uh.