Breaking News; Chin mi le AA buaihram , kahdohnak hram kan thawk cang e!!

AA Le Bangladesh Army I Bom in Kuki-Chin Army An kahdoh Hna!!
========================
Arakan Army (AA) le Bangladesh Army i bom in Kuki-Chin Army (KA) an kah doh hna. A tu zong kahdohnak a chuah cuahmah lio a si tiah, kan theih. Kuki-Chin ralkap cu Bangladesh cozah ralkap nih an tik tuk hna caah AA ralkap he i bom in a tubantuk in KA an kahdohnak hna hi a si, tiah kan theih. Bangladesh cozag nih AA ralkap cu Bangladesh ram chungah umhmun(camp) khurnak nawl an peek ko hna nain Bangladesh cozah ralkap leiin nawl peknak sining he aa pehtlainak a ngei mi an si, tiah kan theih.

AA nih Bangladest ram ah Sakhan (Camp) a chiah khawh nak hnga ding ah, a tu bantuk in KA an kahdoh nak hna hi a si. Cu pawl a hlawhtlin khawh nak hnga ding caah AA ralkap nih KCA cu an kahdoh hna. KIA sin zong ah ” AA nih na unau pawl an kan kahdoh. AA pawl cu luhnak nawl na peek hna ii na unau pawl an kan kahdoh. A ran khawh chung in na hmaimilh a hau.” tin nawlnak an tuah tiah theih a si.

Kahdohnak cu nihin sikpar ni 16, zaan lei suimilam 2:20 thawk in kahdohnak hram cu an thawk ii KCA lei in a tu tiang ahcun zeihmnah thimi le hliamtuar an um rih lo, tiah theih a si. Kahdohnak a dih rih lo caah thawngpang fianh khawh kan rak i zuam lai. Pathian nih kan unau Kuki-Chin National Front – KNF (KA) humhim ko hna seh.

Ni hin Nov-16 ah Rakhine ram, Mawngdaw peng chaklei um Mahyuh Tlanghram i a um mi Gate- Chawng-Myo ti mi khua cu SAC nih chun Sml 12:30 hrawng ah hriamngan ankah mi (3)nih thlak in a puahhnawh hna caah Ngakchia rel chih in minung (10) an nun nak a liam leng ah (27) hliam an tuar tiah theih a si.

“Nihin ah hriamngan thawng theih a si le cang ka khuami hna cu mah le inn cio chuahtak in hmunkhat ah ipum in kan i dor hna nak ah hriamngan kuan nih tlak in thi le hliam um hi a si”, tiah tualchung mi pakhat nih a chim. Hriamngan tlaknak ruang i a thi mi tualchung mi hna cu U Swe Lin (kum-65) ၊

Ko Min Ya (kum-27) ၊ U Ka Tui (kum-30) ၊ Ko Cawh Aung (kum-25) ၊ U Sine Hla Mg (kum-35)Mg Nai Wan (kum-5) ၊ U Sin Hauh (kum-60) ၊ Mg Kat Pho (kum- 15) ၊ Mah Swe Seing (kum-6) ၊ U Khine Mg Kyaw (kum-55) hna an si tiah theih a si.

Hi khua hi inn (63) um nak khua a si i a taang mi mipi hna cu hmunhim fuk in an zaam hna ,hliamtuar mi minung (27) cu Cingchawng sii inn le Mawngdaw sii inn fuhpi an si tiah theih a si. Tu lio dirhmun ah cu ka pawngkam cu kahdohnak a um lo leng ah hriamngan hi khua zei in dah an rawnkah i apuah ti hi an theih khawh rih lo nak khuami pa khat nih cun a chim.

SAC nih Mon ram ,Tathung peng Win Sein ti mi khuate cu an ralbawi Bohmu Chit Win Tu telh in ralkap (3) Nov -10 ni zing Sml 5:30 ah thanh an rakton ruang ah teirul cham phun in nihin nov-16 zing Sml 10 hrawng ah raltuknak thirphaw motor -2 le ralkap phor tu motor (10) he luhhnawh in ralser nak an ngeih hna tiah theih a si.

Khua mipi hmuitinh in hi SAC nih ralser nak an tuah mi kong ah mipi lei aikhawngdeng le thi le lo an um le um lo bel theihfian a si rih lo.

SAC Ralkap Nih Hriamngan An Kah Caah Ngakchia Pakhat A Nunnak A Liam, Minung 8 Hliamhma An Pu, Demoso peng ah SAC ralkap nih hriamngan an kah i, inn pakhat cungah a tlak caah kum 5 tluk ngakchia pakhat a nunnak a liam, minung 8 hliamhma an pu, tiah Demoso PDF nih cathanh an chuah.

Zeihmanh kahdohnak um loin Demoso peng Ngwetaung ah umhmun a khuarmi SAC ralkap Battalion 102 nih, 120mm hriamngan in voi 9 nak tlawm lo an kah caah nizan November 15 zanlei sml 6:00 hrawngah Demoso peng nitlaklei ah hriamngan kuan lung 5 a tla i, chungkhar minung 9 an umnak a khen caah an inn cu a rawk dih, tiah an langhter. Kum 5 ngakchia nu pakhat cu a hmun ah a thi colh.

Hliamhma pumi hna cu an thlopbul cuahmah hna. Cu chungah bawhte pakhat zong aa tel, tiah theih a si. Cu pinah SAC ralkap nih ralhrialmi an umnak khua pakhat zong hriamngan in an kah caah biaknak lei he aa pehtlaimi inn telh in khuami inn cheukhat zong an rawk, tiah Demoso PDF nih cun an langhter.

SAC ralkap nih kahdohnak zeihmanh um loin hriamngan atu le tu an kah caah biaknak he aa pehtlaimi inn, ralhrial an umnak le tualchung mi inn le lo a khen hna caah an rawk ngaingai, tiah theih a si. A luancia November 13 lio zong ah Loikaw peng Konesut(ကုန်းဆွတ်) khua chungah SAC ralkap nih hriamngan an kah caah naupawi lio nu pakhat le tualchung mi pakhat hliamhma an rak pu cang. November thla chungah SAC ralkap hriamngan kuan in Karenni rammi 20 leng hliamhma an pu cang, tiah theih a si.

Trump Nih 2024 Ah President Kaa Cuh Lai Tiah A Thanh Cang, US President hlun Donald Trump nih 2024 US President thimnak ah kaa cuh lai tiah tuni, November 15 (Tuesday) ah a thanh cang. Trump nih cun Florida i amah inn Mar-a-Lago ah “America cu a rak kir ṭhan cang, atu ah thok usih (America’s comeback starts right now)” tiah a chim.

Cu lawng si loin “Mah hi a donghnak a si lo ti kan theih. American mi hna chunmang tlamtlin nakdingah kan i zuamnak a thok lawng a si rih. America ram ṭhawnter ṭhan dingin tuzan ah US President thimnak ah kaa cuh lai ti hi ka phuan” tiah a chim.

Buthidaung SAC Brigade 22 kuttang ralkap pawl AA nih bom an puah hnawh hna, Rakhine ram, Buthudaung peng, Hngatpyawchaung khuate hnulei ah a um mi SAC Brigade 22 kuttang ralkap pawl cu November 15 zinglei ah AA nih bom an puah hnawh hna i kaphnih karlak kahdohnak a chuak, SAC ralkap a thi mi an um tiah AA lei nih an chim.

“November 15 zinglei ah SAC ralkap pawl bom puah hnawhnak a um. SAC ralkap lei in a thi mi an um. A thi mi cazin bel a fiang in kan thei rih lo” tiah AA biachimnak nawl a ngeitu Khine Thukha nih Western News ah a chim. Maungdaw peng chaklei, Watcing khua chaklei November 14 chun sml 12:00pm hrawng ah SAC kuttang Brigade 77 chungtel pawl le AA karlak zong ah kahdohnak a chuak tiah theih a si.

Tanintharyi ah SAC ralkap voi 2 an kah hna i 9 an thi, Taninthary peng ah SAC ralkap pawl cu Myeik peng – PDF nih Nov 15 zinglei ah voi 2 an kah hna i SAC ralkap lei in a thi mi an um tiah PDF-Myeik battalion 2 nih a thanh. November 15 zinglei sml 6 hrawng ah Myeik peng -PDF battalion 2, Company 1 le Taninthary Guerrilla phu hna nih Taninthary peng, Mawṭung khua hnulei ah SAC ralkap LIB 557 le 558 hna an kah hna i SAC ralkap 6 an thi i 6 an i hliam tiah theih a si.

Cu kahdohnak ah PDF phufonh lei in hriamtlai 1 a ban ah kuan nih a khen i aa hliam caah an kir ṭhan tiah theih a si. Cu ni zinglei sml 8 hrawng ah Taninthary peng, Bawdikan khua hlei pawng ah SAC ralkap pawl cu Myeik – PDF phufonh hna nih an kah ṭhan hna i kahdohnak chung ah SAC lei in 3 an thi tiah an thanh.