Breaking News; Nawl ngeih duh CDF pawl an chuak cang e!!

Hakha Peng Ah CDF Nih Thingkep Par Ṭawh Le Cawk Zuar An Khap Nak Kong He Pehtlai In Mipi Hmuraka!!
==========================
Hakha Peng Ah CDF Nih Thingkep Par Ṭawh Le Cawk Zuar An Khap!!, Chin ramkulh, Hakha peng ah CDF nih thingkep par ṭawh, cawk zuar an khap, tiah theih a si. Hakha peng mi pakhat nih, “Tukum in CDF nih thingkep par ṭawh le cawk zuar an khap cang. Nikum ah cun an rak khap rih lo nain tukum lawng in an khap hi a si. Atu bantukin a man a ṭhami thingkep par phuntling paohpaoh ṭawh le cawk zuar an khapmi hi a ṭha tuk,” tiah The Chin Post ah a chim.

Tualchung mi pakhat nih, “Thingkep par(Nilung) kan rak kawlnak hi a luancia kum 30 lio in kan rak kawl cang. Cu lioah cuaikhat ah 100 hrawng lawng a rak si. Thingkep par, nilung cu September thla dongh in December thla tiang hi kawl tawn a si,” tiah a chim. Nikum tiang ah khan thingkep par nilung cuaikhat ah kyats 80,000 leng a rak phan. Thingkung kai a ṭhawng mi ca ah cun nikhat ah cuai 3 hna an hmu.

Atu bantukin CDF nih thingkep par ṭawh an khap hi a ṭha tukmi a si ko nain khattelei ah kanmah bantuk harsa mi ca ah cun a har tuk hringhran. Thingkep par ka kawlmi nih hin chungkhar ca ah eidin facang le kan fale ca ah X’mas lai hruk-aih thilri kan cawkpiak tawn hna. Asinain atu cu thingkep par ṭawh le cawk zuar khap a si tikah kan nih bantuk ṭuanchom eichom in a nungmi kan ca ah cun kan van a sang tuk, tiah thingkep par a kawl tawntu pakhat nih The Chin Post ah a chim. Crd-The Chin Post

Mipi Hmurka-CNF i Ral ring uh Hakha peng CDF nih an rak uk cang hna Lai. Nawl ngeih duh pawl an chuak cang ti. Tuah ko uh hitluk khuasak har ah, ho hmenh nih an kan cawm lai lo ! CNF ah tax peuh law azaa ko!Ram dang kua tu ngei mi le khua pi chung khua sa mi ca cun nan khap mi kha thil ttha tuk si.kua tu ngei lo lai lei khua sa ca cun.

CDF pawl hi an kal sual cg, mipi nih bawmh anduh tung khoi kadah phai sa an lak hnga hitluk phai sa a har lio ah , uk nak an lak mi cu kan CDF nih vanthat an ti cg ko lai hih lohtlauKan mah le kan mah har nak kan i pek mi a chap Hakha ah hohmanh contrac tuan lo ding an ti i zapi cu kan i din ko.asi nain a zungzal hakha ah a tuan mi hna a ho hmanh nih zei tin ti a um lo tik ah nawl ngai lo pawl cu an puah taktak Kawl dok Lai dok pawl nih hakha rian cu an tuan dih ko canghi ta.

Kei mah nih kakawl lai,ka zuarlai,Min awnglei nih man ah thingkep par tlun ah nawl anei loh. aherh lo tuk. ek ek ek. Thil man fah si phai sa har si mi pi dawt nak thin lung an ngei lo e.CDF nih thlaih in an kawl cia mi nan chuh hna ah cun nan palh tuk lai. Thil man fah c tang ka hmuh nak um lo c kan mah le kan ram chuak mi khanh cu tuak tan lo bia c har nak kan ra pek tu c ko. A tha lo mi thil si lai mipi phaisa hmuh nak lam nan kan phih bak c ko hi.

Na Photo chungah a thel lo mi thingkep poh cu kawl ngah ti nak maw?a tha Tuk mi thil si.a mah bel te kan si Ning le ka dir hmun zoh chih ah cun tha deuh hnga lo mawi?(Mipi caah ).An kham nak ah cun tleih c ii an on nak ah cun an on hawi. Kan ii fiang ti lo sengthang peng chung a cheu ah an kham ii a cheu cu an lak ko tleih a tawng mi zg um si a dg hakha peng poh ah an kawl ko ii an lak ko fawn. Zei ban tuk pawl dek an tlei ii zei ban tuk pawl dek an on hna zg kan ii fiang lo.

CDF rian asi lo e, CDF rian cu focus in ral doh lawng asi ko tiah ka ruah, mah bantuk lungput kanngei ko ahcun kan dongnak cu kanmah le kanmah ih doh nak achuak te lai. Hi tluk aman atha mi chungkhar harsa mi caah pawcawm nak atha ko mi khap cu phung le lam asi lo tiah ka ruah. Mah le khua cio in tuanvo ngeitu nih khap ahcun phun dang.

Kan Ni Tinhmi,Kan Kawltung Kanphan dengmang cang e…Lungsau deuhin rakkan Hruai rih ko uhlaw…
Abikin..Mipi Kan Pawcawm Nak asimi le Kum Sawm renglo kan Pawcawm nak caah kanrak Hlawhfa mi le Kantuan mi Rian Pawl hna ahcun..Ralrin deuh le Fimkhur deuh tein, nankan Tawlrel piak ahau lai..cu locahcun BIALO ah kancang lai hih .

Thing hau lo te in toh khoh ah cun asi ve ngai. Sen thang peng. Bawipa tlang thluan ti ban tuk he naih niam aum mi ca ah atha tuk ei zalh nak ah. Ka dang hi cu aum zong aum tuk rua lo kan hruai tu le. Nawl cu zulh zuam kou sih.Abik in ramdang um mi nih hi ti hin bia kan chimh tawn theu, Ramsa kap hlah uh,thingkung hau hlah uh,pangpar tlawh hlah uh,khua zei maw ram adaw ngai phunphai in mu laitlang ah khuasak ahar tuk kan theih cio ko lai dah,Atu chinchap cu ralruangah alet in an har.

Atu hnu cun ramdang um mi nih laitlang sining le ramdang sining tahcunh phunphai in bia chimti hna hlah usih.
Kan mah hna le Aungsansuhkyi cu tahchunh awk kan tha ve lai lo cu mu. CDF nih thlaih in an kawl cia mi nan chuh hna ah cun nan palh tuk lai. khap an ngah tuk a tu lio zei kan ei lai kan din lai ti lio ah ti le rawl lo in kan thi lai tiah phan lio ah Zuar khawh a si mi papoh cu zuar chung ding si ko ram a that ti ah tha tuk in khap te ding si ko kei cu atha kati lo hrim2.

Mah tluk har sat lio ah poi ko mipi har sa mi kan mah man tuk pawl caah cun khua mi hna nih an khamh a si le zei ti awk tha lo.Hi tluk tangka har ah hin lailei tangka hmuhnak a zor deuh ngai lai cu. a caan lio te phaisa kawl nak um mi chun chap cu nan phih. Hi hi ram dawt a si lo / Ram kilven zong a si lo / Ningcang tein pawcawm nak a si ko caah nan khamhmi hi nan palh ngaingai.

Kam khat cun thil tha si ko na in, Tu lio cu zei dang ku li lek ding um lo lio can si le ruah awk um ngai ko.Aherh lo tiah ka ruah ve. Mah tluk khuasak tintuk ahar lio caan te hna ah cun khapding asi lo ee.A tha ngai ko nan micheu kan caah cun har ngai tung lai. Hi tluk har le sat le Sifak lo tlawh mi kan cah ii Phaisa tlawm te kan kawl nak hmanh khap ve cu thiam thleh si.

A herh tuk rih lo mi rian a si, tu tan hi cu ralkap dirhmun te in khan rak kan dirh piak rih hna seh law uk tu nawl ngei tu dirhmun in cun a herh tuk rih lo tiah ka ruah ko. Zeidang vialte nakin kawl ui co pawl tu hi rak kan doh piak rih ko hna seh law cucu kan ram nih a herh tuk lio mi te cu a si,

A cu thingkep par khap cu zei dah tha lai lai lei ah pawcawm nak zei hmanh a chuak lo mi mah tel cun teh pawcawm nak an kawl ve ah that cu thil tha tuah asi lo a kawl kho poh nih kawl i zuar ding asi ko aherh lo mi thil ah vai thlak tuk le nawl va ngeih tuk te hna hi atha lo a hi tluk kawl ram rian tuan ngam lo phaisa kawl nak um lo lio mah bantuk tel an kawl ve ne lo ah zei tin CDF nih le phaisa lawng te an hau hlawh thawh lawng te si fawn. mah tel an kawl lo le an zuar ve ne lo ah zei dah tho hna seh an ti. khap hna hlah seh. CDF cu ral doh ding mi kha an rian tu ah chia rih hna seh

Mipi kn mh nih kn I cawm hna lai na ti kho poh ahcun khamh ko uh law ,na ti kho lo ahcun khamh duh hlah uh mipi kn har chin lai e .CDF Hakha nih Hakha peng ah pangpar tawh an khamh cu Hakha mipi pangoar tawh in paw cawm mi pawl zangfah te an si, Kan Senthang Peng le kan Senthang Ram ah cun tawh a ngak ko lai CDF Senthang nih an khamh mi ka theih rih lo caah.

Senthang Peng ah rak tawh te hna seh.Khamh ding asi ko an har lai na in adang tu i awt awk si min dat lei an cin mi kha cin zuam ve ko cang uh Senthang lei zawng khamh ve hna seh law Mindat le an cin mi kha paisa tam tuk an ngah ve tiah an chim.

Mizoram, Aizawl khuapi pawng Ah Petrol Phortu Motor A Let!!, Mizoram, Aizawl khuapi pawng Turial Airfield lampi ah Petrol phortu motor cu aa let i, petrol a tle mi cu tuzanlei muihlan hrawng ah khan minung zeimawzat nih an donh.

Tlawmpal ah cuka hmun ah cun mei a chuah caah Petrol phortu motor lengah Scooty pakhat le Taxi pathum hna cu an kaang! Meikaang ruang ahhin minung 5 an thi i, an ruak in ahote an si hngalh khawh an si rih lo. Forensic lei in ṭuanvo ngeitu nih cun pakhat ruak cu hngalh khawh a si men lai nain midang 4 cu hngalh khawh an si lai lo, tiah an chim. Midang 5 zong hliam faak ngai an pu i sii-inn lei panhpi an si.

Mei a chuahnak a ruang hi fiang tein hngalh khawh a si lo nain petrol tle-bua mi a dawntu hna lak ah meiṭek a alhtertu an um ruangah a si lai, tiah ruahdamh a si. Mei hi sau nawn phalh a si hnu ah an hmih khawh cang, tiah theih a si. Crd-The Chin Post

Yetarshi Peng Ah Sianglairun Sianginn Pakhat Min Hngalh Lomi Phu Nih An Khangh, Pago ramṭhen, Yetarshi peng Takhuaigye(တခွဲကျဲ) khua sianglairun sianginn pakhat a kaang, tiah theih a si.

Nizan October 28 zan sml 7:00 hrawngah sianglairun sianginn pakhat cu min hngalh lomi phu khat nih mei in an rak khangh, tiah tualchung mi hna nih an chim. “October 28 zan ah sianginn cu mei in an khangh. Mizei phu nih dah an khangh ti cu kan hngal kho rih lo.

Sianginn hmai ah khuami inn a um ko nain an kaang hraw lo, siangin lawng a kaang,” tiah tualchung mi pakhat nih a chim. Mei kangh ruangah E muisam in sakmi a sau pe 70 le a kauh pe 24 tlakrawh sianginn cu a ciam dih ko, tiah theih a si.

Kwelonetaing(ကွီလုံတိုင်) Sakhan Laak Kahdohnak Ah SAC Ralkap Le BGF 8 An Thi, Meithal Zun 43 Kan Lak Tiah Red Dragon Column Nih An Thanh, KNU Brigade 6 hmunran um Gyia Ing Seihgyi(အင်းဆိပ်ကြီး) peng Kwelonetaing sakhan laak kahdohnak ah SAC ralkap 15 le BGF 17 an dihlak 32 cu a sung an pek(surrender) caah meithal zun 43 kan lak, tiah Red Gragon Column nih cathanh an chuah.

KNLA Battalion 17 le 27, Federal Win, SOF le PDF ṭangṭi phu hna nih a luancia October 22 ah khan Kwelonetaing sakhan cu an rak kah i October 26 ah tlamtling tein an lak khawh. Cu kahdohnak ah SAC ralkap 4 le BGF 4 an thi, tiah theih a si.

Cu kahdohnak a daih in SAC ralkap vanlawng nih sakhan pawngkam um khuate ah hriamnan in a kah ko nain khuami a thimi le aa hliammi an um lo. Kanmah lei zong in a thimi le aa hliammi kan um lo, tiah an langhter.

Tamu Khua Ah Transportation and Communication Zung Cu Hriamtlai Phu Khat Nih An Khangh, Sagaing ramṭhen, Tamu khua Sawbua No.5 sang ummi Transportation and Communication(TC) zung cu, nizan October 28 zanlei ah min hngalh lomi hriamtlai phu khat nih an khangh, tiah tualchung mi nih an chim. TC zung a kangh hnu in kaphnih kar kahdohnak a chuak i, TC zung kam ah a ummi Tanyawsin(သံယောဇဉ်) dawr zong a kaang, tiah tualchung mi nih cun an chim.

“Zanlei sml 4:00 hrawng ah hriamtlai phu khat nih TC zung cu an khangh. Cu hnu caan tlawmpal ah SAC ralkap an ra i kahdohnak a chuak. TC zung kam ummi dawr pakhat zong a kaang,” tiah tualchung mi pakhat nih a chim. Min hngalh lomi hriamtlai phu khat nih TC zung an khangh lioah zung rianṭuantu aho hmanh an kai lo lio a si caah a thimi le aa hliammi an um lo, tiah theih a si.

Aizawl Khua Pawng Um Ralzam Mi cu MRRC -Mizoram Nih Eidin Cheukhat An Bawmh Hna, Myanmar ram in Mizoram ah ralzam in aa dormi Aizawl khua pawng Tuirial ralzam camp ah a ummi hna sinah MRRC -Mizoram phu nih, nizan October 28 ah eidin cheukhat an va pek chanh hna, tiah theih a si. MRRC -Mizoram nih ralzam mi an bawmhchanhmi thil hna cu Facang tun 20, a Taṭuh tun 3, chiti pung 5, alu tun 3, kalape tun 3 le piat tun 2 hna an si, tiah theih a si.

Passport Tuah Ding Ralhrang Nih An Rengh Caah Passport Ngahnak Ding Ah Sing 4 In Sing 6 Tiang SAC Ralhrang Kut-tang Rianṭuan Nih Ziknawh An Laak Hna!, Hramhram uknak latu ralhrang Min Aung Hlaing nih ramleng chuah a kham ruang ah Passport tuahnak zung nih passport chuahpiak ding an rengh tiah theih a si.

Nifatin Yangon passport zung hmai ah zing sml 6:00 in cun mipi an i tlang (တန်းစီ) dih cang hna. Uknak chuh hlan ah cun fawizaang tein kyats 30,000 in passport i ser khawh a si nain atu ah cun Kyats sing 4 in sing 6 tiang pek lawng ah passport ngah khawh a si cang tiah Khit Thit Media nih a langh ter. Passport tuah khawhnak ding ah har chin lengmang ding in a dotdot in an tuah.

Mipi i but lo ding in tiah online in booking tuah ter cia a si. Ralhrang nih tuahmi website, passport.gov.mm ah nifatin zung on caan zing sml 9:00 in QR Code laak a si. Website in zeitluk fel le ṭha in QR Code laak ko zong ah zung chung i palik le lahwahkah zung rianṭuantu hna ziknawh pek lo ah cun ngah khawh a si lo. QR Code laak har ding in an tuah, cun minutes 15 lawng hna an on tiah theih a si.

QR Code ngahnak ding ca ah a tlawm bik Kyats thong 50 in sing khat le cheu tiang pek an hau. A rang deuh duhmi nih tam deuh pek an hau tiah theih a si. A leeng puaisa sin in QR Code a la tu hna cheu khat cu a deu (အတု) a si tiah palik le zung rianṭuan hna nih ṭhawlmi zong an um tiah theih a si. QR Code ngah khawh hnu zong ah hmatpungṭin le takawngsazin an check hawi.

Hmatpungṭin le takawngsazin a chia tuk, ca a fiang ti lo tibantuk a phunphun in an kherh hawi hna, asinain tangka pek ah cun fawizaang tein an tuah piak hna. Passport tuah tik ah CDMer pawl tel lo ding, zung rianṭuan pawl tel lo ding, warrant chuahmi pawl tel lo ding le ramkhel he aa pehtlaimi pawl tel lo ding ti bantuk khamnak ruang ah Lahwahkah zungrianṭuan le palik hna caah caan ṭha tuk ah a cang.

Passport zung kutka cawng palik hmanh nih ting 300 leeng man motor hna an i ciit khawh ti a si. Zungrianṭuan pawl umnak inn chia tete ah an um nain sui le tangka ah an rum tiah KTM nih a langh ter. Cubantuk ṭhiamṭhiam in passport zung rianṭuantu hna zong an si ve. Chuncaw hmanh inn in i ken ti lo in rawl-dawr sangsang hna ah an i cah tiah theih a si. Ram leeng chuahding in mipi hna nih passport an i tuah i zungrianṭuan le palik hna nih an i rumnak!

Video zohnak-