BREAKING NEWS; CDF camp in thawngpang chia taktak theih a si!!

Chinland Defense Force-Thantlang Battalion-4 (Zahnak) Ralkap 4 Bomb In Ai Hliam Mi Lakah Minung 2 An Nunnak A Liam
====================================
Chinland Defence Force Thantlang Battalion-4(Zahnak)ralkap hna cu, nihin October 10 zinglei ah, Lungler SAC sakhaan thing ah an laak mi bomb a puak sual caah minung pali an i hliam.

May be an image of 1 person and text that says "Tum Bawi Tling"

Hliamhma a pu mi hna cu sizung ah an kalpi ko hna nain sizung an phanh hlan ah, Zaangtlang khuami Biak Tha le Lungler khuami Tum Bawi Tling an nunnak a liam tiah theih a si.

Chinland Defense Force-Thantlang Battalion-4 (Zahnak) Ralkap 4 Bomb In An I Hliam, Chinland Defence Force Thantlang Battalion-4(Zahnak)ralkap hna cu, nihin October 10 zinglei ah, Lungler SAC sakhaan thing ah an laak mi bomb a puak i minung pali an i hliam tiah theih a si.

Lungler SAC sakhaan thing ah bomb an thianhhlimh i bomb cu an lak, cu hnu ah nitlang ah an pho i cu lio ah cun bomb cu a puak i minung pali an i hliam. Pakhat cu a hliamhma a faak ngai, an pali in sizung ah an kalpi hna lai tiah battalion 4 ralkap pakhat nih The Chin Post ah a chim.

Wundwin Myoma Palik Bawi Sakhan Hmu An Kah I a Thi, Mandalay ramṭhen, Myeikhtilar(မိတ္ထီလာ) Wundwin Myoma(ဝမ်းတွင်းမြို့မ) palik sakhan in sakhan hmu Saw Naing Oo cu, nizaan October 9 ah kan kah I a thi, tiah Wundwin Township Revolution Force(WTRF) in ṭuanvo ngeitu nih a chim. October 9 zaanlei ah Wundwin peng Myoma palik sakhan in palik bawi Saw Naing Oo cu meithal zun 6 in WTRF nih an kah i a thih hi a si tiah theih a si.

WTRF ṭuanvo ngeitu nih, “palik bawi Zaw Naing Oo cu motor in Wundwin No.1 sang uk zung hmai a kal lioah pistol kuan ruk aa tlummi in a zun ruk ning in kan kah caah a hmun ah a thi colh. Humhim kan duh caah a thilri tucu kan la kho lo,” tiah a chim.

ZZLMS Nih Cathanh An Chuahmi Kong Ah MATC Nih An Lung Tlin Lonak An Langhter Ve! Nai ah Zotung, Zophei, Lautu, Mara le Senthang CDF hna nih MATC nih CDF Mara nan kah hna ahcun kan in kah ve hna lai tiah cathanh an rak chuahmi cungah Mara Administrative Territorial Council (MATC) nih an lungtlinlonak cathanh an chuah ve! Cu an cathanh cu a tanglei bantukin a si!

1.ZZMLS nih 2022 October 7 ah cathanh nan chuahmi, MATC/MDF le CDF-Mara kan karlak buainak kong ah, thildik hlat hmasa loin, CDF-Mara le MATC/MDF kongah i thlak ve dingin cathanh nan chuah. 2. Kaphnih kar lung i hmuh thiam lo nak kong ah, CDF-Mara le MATC/MDF nih hmaitonh tein tonnak ngeih i, hi kong hi dai tein cabuai cung ceihhmai biaruah tinak tuah kan i zuam cuahmah lio a si ko nain, ZZLMS nan rak i thlak ve caah, dai tein cabuai cung i ceihti dingin khua kan khanmi cu a rawk.

3. ZZMLS kan rak dirh hramthok ah khan, ZZMLS cu, unau bantukin i bomh i ram caah san a tlai dingmi ruahnak i pek ti ding le bomh a herhmi thil poh i bawm cio ding in kan rak dirhmi phu a si. A tu bantukin buainak a chuahter kho tu thil kong ah, dankuci(ဒိုင်လူကြီး) tuanin buainak chuahnak ding caah kan sermi phu a si lo.

4. Kaphnih kar buainak kong ah, buainak aa thoknak kaphnih kar hnatlaknak lak i, thil sining tha tein theih fian hnu lawng ah i thlak ve ding a si. Cu si loin, ZZMLS nih kaphnih kar buainak kong ah nan i thlak ve caah, nizaan October 9 ah Ngaphaipi khua ah MATC/MDF kar kahdohnak a chuak i, khuami tampi zong nih khua an zaam taak.

5. Cu caah, hi kong ah hin, ZZLMS zong nan rian a dih rih lo. Cun hi kaphnih kar buainak kong ah, chunglei thil sining taktak thei setsai tung loin hi kong ah mi zeihmanh i thlak ti lo dingin MATC/MDF nih cathanh an chuah.
Matupi Khuami Pa Pakhat Dum A Thianh lio Ah Bomb Nih A Puah Hnawh Caah A Nunnak Liam, Chin ramkulh, Matupi Khuboi sang ummi U LaL Ding Lian (kum 38) cu October 10, zinglei suimilam 11:00 hrawng ah Laymyo(လည်မြို) tiva hleidonh pawng Tawlreba dum thianhnak a tuahlio ah bomb nih a puah hnawh caah a nunnak a liam tiah theih a si.

Chin ramkulh Mindat Peng, Ralhrial Sakhaan Mibawmchantu Phu Nih A Luan Cia September Thla Chungah, Facang Tun 138 Le Thil Dang Dang An Phawt Zamh Hna!! Chin ramkulh Mindat peng, ralhrial sakhaan mibawmchan tu phu hna nih a luancia September thla chungah, facang tun 138 le thil dang dang an phawtzamh hna tiah theih a si.
Mindat peng, khua pa 6 ah minung pakhat facang pi 7 cio tingco dingin, minung 442 caah facang tun 138 kan phawtzamh hna.

Kahdohnak ruangah, Mindat peng chung ah mah umnak kaltaak in ralhrial dirhmun a phanmi mipi hna caah sii-aii, ruahkham thilri le Datsa(ဓာတ်ဆား) hna zong kan pek chih hna tiah an langhter. Cu pinah, a dang khua te 16 hna zongah, mibawmchan tu phu hna bawmhnak thawngin, ti thianhnak seh, tipung, hnawmchiahnak pung, Sapiat, nu hmanmi thilri, mask le thil dang dang hna zong kan phawtzamh hna tiah Mindat ralzaam camp ii, mibawmtu phu nih an langhter chih.

May be an image of 1 person and standing

Dum ah cun U Lal Ding Lian a nu le pa zong an um ve, a pa nih a fapa kong Matupi khuachung ah va thanh dingin a kal karah, a fapa cu a thi chuah a tamtuk caah a nunnak a rak liam tiah theih a si.
U Lal Ding Lian nih cun a nupi le fa 3 a taantak hna.

May be an image of 1 person and standing

Mandalay Ah SAC Ralkap Nih A Hawipa Ralkap Sergeant Kyaw Myo Htun A Kah , Mandalay ramṭhen, Maha Aungmay(မဟာအောင်မြေ) peng electric manager zung hngaktu SAC ralkap sergeant pahnih cu bia an i al i, ralkap pakhat nih a hawipa sergeant Kyaw Myo Htun cu an kah i a thi tiah theih a si.

Nizan October 9 zaanlei sml 2:20 ah Maha Aungmya electric zung hngaktu SAC ralkap sergeant Myat Noe Aung nih a hawipa sergeant Kyaw Myo Htun cu a kah hi a si, tiah theih a si.

“SAC ralkap 2 hna hi Magway ramṭhen Sinpaung Way(ဆင်ပေါင်ဝဲ)Kah Pah Sah 13 in an si. Sergeant Myat Noe Aung nih amah nakin rank sang deuh sergeant Kyaw Myo Htun cu a kah i a thi. A ruak cu Kah Pah Sah 13 ralkap sakhan ah an vui lai. A thattu sergeant Myat Noe Aung cu Nandwin ah an tlaih cang,” tiah theih a si.

Monywa Myanmar Economic Bank Hmai I Humhimnak La Mi SAC Ralkap Bomb Puahhnawh An Ton Caah 2 An Thi, Sagaing ramṭhen Monywa khuahelnak lam ah um mi Myanmar Economic Bank hmaiah humhimnak a latu SAC ralkap cu tualchung hriamtlaiphu nih kutcheh bomb an puahhnawh hna caah SAC ralkap 2 an thi tiah theih a si.

Myanmar Economic Bank hmaiah humhimnak la mi SAC ralkap pawl cu October ni 9 zaanlei suimilam 2:35 ah Myanmar’s Royal Dragon Army (M.R.D.A) battalion 6, tatkhuai 2 nih kutcheh bomb in kan doh hna caah SAC ralkap 2 an thi tiah M.R.D.A nih cathanh an chuah. Cu kahdohnak ah cun tualchung hriamtlaiphu lei in hliamtuarnak um lo tein hnu an tolh kho tiah theih a si.

Ramdang Kal Aa Timmi CDM 2 Cu Yangon Vanlawng Tual Ah SAC Ralkap Nih An Tlaih Hna, October ni 9, Yangon vanlawng tual ah ramdang kal ding in aa timmi CDM tuahmi 2 cu vanlawng an hngah lio ah SAC ralkap nih an tlaih hna tiah theih a si. Tlaih a tongmi CDM tuahmi hna hi Mahlaing peng siangniam ruun cachimtu U Aye Kaung le Yangon medical university lecturer Daw May Htu Kyaw hna an si.

CDM an tuah ruang ah an tlaih hna hi a si. Aluancia September thla zong ah sianginn cachimtu pakhat cu vanlawng tual ah an rak tlaih bal cang nain a phone le computer ah ramkhel kong zeihmanh a tarlanghmi um lo caah phaisa an hal i an rak thlah ṭhan tiah CMD lei tawlreltu pakhat nih a chim.

SAC ralkap nih CDM tuahmi min cazin pawl cu vanlawng tual le ramri checkgate kip ah an pek hna i an rak tlaih lengmang hna. An tlaihmi hna cu an hrem hna hnu ah rianṭuan ṭhan ding in min an thut ter hna i rian ah an luhter ṭhan hna. A cheu phaisa ngeimi nih cun kyat sing 50-100 kar an pek hna i an thlah ṭhan tawn hna tiah theih a si.

Maungdaw Ah SAC Ralkap Kuttang Um Ramri Hngak Ralkap Sakhan AA Nih An Lak, Ralkap 30 An Thi, Rakhine ramkulh, Maungdaw chaklei ramri hngahnak SAC ralkap sakhan Laityiah(လိပ်ရ) cu Rakhine ralkap AA nih October 10, deilei ah an lak tiah AA lei nih fehternak an tuah tiah theih a si.

Cu sakhan kahdohnak ah SAC ralkap lei duh-ṭat-yin-hmu telh in ralkap 30 an thi, 14 an tlaih hna, cun AA lei zong in a nunnak a liammi an um ve tiah theih a si. “Cu ka sakhan ah cun hriamthil zei maw zat kan lakmi a um, cun tlaihmi zong an um, hriamthil lakmi le tlaihmi hi a zat fiang tein theih a si rihlo” tiah U Khine Thu Khah nih cun a chim.

Maungdaw chaklei ah AA nih August 30 ah mengtung 40 pawng umni ramri hngak sakhan, September 11 ah khah-mah-yiah 352 sakhan le September 15 ah Mitait(မီးတိုက်) khuapawng SAC ralkap hriamngan chiahnak sakhan cu an rak lak i tutan ah Laityiah(လိပ်ရ) sakhan an lak ṭhan hi a si.

Vanlawng In kahdoh A Tongmi Tualchungmi A Chanhnak Hna Ah Black Wolf Army Sniper Pakhat A Nunnak A Liam, Sagaing ramṭhen Shwebo pengkomh Wetlet peng ah SAC nih vanlawng in kahdohnak a tuah lio ah tualchungmi bawmhchanh dingah a kalmi Black Wolf Army Sniper pakhat a nunnak a liam tiah theih a si.

October ni 8 chun suimilam 12:30 hrawngah SAC nih vanlawng in kahdohnak an tuah ca ah tlikzaam nak thei lo in an ummi tualchungmi hna bawmhchanh dingah a kalmi Black Wolf Army in kan ralkap Sniper pakhat cu pehtlaihnak kan tuah kho ti lo. Cu caah kan phu ningin kan kawl i ramlak ah hliamhma he a ruak in kan hmuh tiah Black Wolf Army phu in ṭuanvo ngeitu hna nih an chim.

Cu lawng si loin tuksaphur in thahmi tualchungmi pahnih ruak zong kan hmuh. Sniper tlaimi ka ralkap pakhat kan sungh pinah aa kenmi Sig Cross Sniper meithal pakhat zong kan sung tiah a chim chap.

Nigeria Ah Tilawng Pakhat A Pil Caah Minung 76 An Nunnak A Liam, Nigeria nichuah thlanglei Anambra ramkulh ah tilawng pakhat ti ah a pil caah tilawng chung cuangmi minung 76 nak tlawmlo an nunnak a liam tiah theih a si. Minung 80 nak tlawmlo a phurtu tilawng cu Anambra ramkulh Obaru hmunram tili chung ah a pil i, nunnak a liammi chungah mi tamdeuh cu nu le ngakchia an si tiah ṭuanvo ngeitu hna nih an chim.

An umnak hmun ah ti a lianh caah a himnak hmun i ṭhial dingin tilawng ai cit mi an si, tilawng hi ti chung a pil hlan ah a engine seh ai rawk, cucaah hlei pakhat a pah i ti chungah a pil hi a si tiah ṭuanvo ngeitu cheukhat nih an chim. Tilawng a pil ruangah a nunnak liammi hna kongah president Muhammadu Buhari nih a ngaihchiatnak kong a chim.

Nigeria ah tilawng in thil phurhnak kong siseh humhimnak ding ca ah siseh nawl zulhnak thazaang a der caah tilawng hi atu le tu ti tluk in ai let lengmang tiah theih a si.

Bago Lampi SAC Check Gate Kah An Tong, Minung 5 Nak Tlawmlo An Thi, Bago lampi mengtung no.83 um SAC ralkap check gate le pyusawhṭi phu hna cu kahdoh an ton caah minung 5 nak tlawmlo an thi I hliamtuar an tam tiah theih a si.

Mengtung no.83 check gate ah ummi SAC ralkap minung thazaang 17 hrawng cu October 9, zaan suimilam 8:00 hrawng ah tualchung hriamtlai phu hna nih an hna hi a si . Check gate um SAC ralkap le pyusawhṭi phu hna cu Bago peng pah-kah-phah phu nih an kah hna. A kaptu tualchung hriamtlai phu lei in hliamhma tuarmi an umlo tiah tiah theih a si.

Kyaukyit(ကျောက်ရစ်) Sakhan Pawng SAC Ralkap Check Gate Bomb Puahhnawh An Ton Caah SAC Ralkap 2 An Thi, Sagaing ramṭhen, Myaung peng Kyaukyit sakhan pawngum SAC ralkap check gate cu, nili chung kan i timhtuah hnuah bomb kan puahhnawh hna, tiah Civilians Defense Security Organization Myaung(CDSOM) nih an langhter.

Nizaan October 9 zinglei sml 10:30 hrawng ah Myaung peng Kyaukyit sakhan pawng ummi SAC ralkap check gate ah sentari a cawngmi SAC ralkap 2 cu, bomb in kan puahhnawh hna i a hmun ah an thi, tiah CDSOM chungtel Nwe Oo nih a chim.

“SAC ralkap nih Myaung peng tualchung mi hna harnak an pek lengmang hna caah anmah lehrulhnak ah bomb kan puahhnawh hna hi a si. M2W nih an serchuahmi bomb hmang in kan puahhnawh hna caah ralkap 2 an thi,” tiah Nwe Oo nih cun a chim. Kyaukyit sakhan ummi SAC ralkap nih, Myaung peng khuate cu an khangh pinah khuami an tlaih hna i an thah lengmang hna, tiah theih a si.

Htilin Ah Riahcaw Lak Dingin A Kalmi SAC Ralkap Nih Bomb An I Lamh Caah Ralkap 5 Hrawng An Thi, Magway ramṭhen, Htilin peng Shwe Aung Thar khua le Aung(အောင်း) khua karah riahcaw lak ding in a kalmi SAC ralkap pawl cu bomb an i lamh caah ralkap 5 hrawng an thi, tiah YDF Htilin sinin theih a si.

Nihin October 10 zinglei sml 1:00 tluk ah ralkap 15 hrawng cu Shwe Aung Thar khua umhmun an khuar nak hmun in Aung khua lei an kal lioah bomb an i lamh hi a si. “Riahcaw an lak tawnnak lam ah bomb kan hmanh. Zinglei sml 1:00 hrawngah bomb puah thawng kan theih i,

kan ralkap hna nih an va hlathlai tikah kanmah nih kan hmanhmi bomb a rak puak. SAC ralkap thi le hnai le an kedan zong kan hmuh. Bomb a puah le cangka SAC ralkap nih an pawngkam cu meithal in an kah leen,” tiah YDF Htilin in ṭuanvo ngeitu nih a chim. Crd-the Chin Post