🇲🇲NOTHING ASEAN’s LABUAN BAJO MEET
===================
May 10-12,2023 ASEAN Meeting cu Indonesia ram Labuan Bajo Tikulh hmete Minung- 5000 hrawnghrang umnak ah an tuah i, Indonesia President Juko hruainakin ASEAN ram-9 hruai tu an i tel dih. Myanmar MAH le NUG lei’in a ho ve ve hmanh an sawm hna lo na’in, Myanmar Diplomat Nu Pakhat? cu tutan ah hin a tel ve ca’ah khuaruahhar ngaimi asi. ” Myanmar ah Tukdoh-Thahnawn nak ngol uh law, Remnak kan siam ti lai” ti’ah Caa-chuah(Statement) an tuah i cuvial cu si ko.
Mocha Cyclone nih Chinram le Mizoram ah Mipi Ting-4 leng harsatnak pek kho: Mocha Cyclone Tto-Thlichia cu May Ni 14-16 tiang Bay of Bengal tipi in Rakhine ram Khuapi Sittwe le Kyuakphyu karlak in Suimilam pakhat ah Meng 100- 120 tluk cakin a hrang lai ti’ah tu ah Global Mythology Institute Survey) Geneva nih an phuan.
Hi Cyclone Thlichia nih Rakhine ramkulh Pungnacyuan, Butituang, Muangtaw, Pauktaw,Mrauk-U in Chinram Paletwa, Samee, Sinletwa,Kanpalet,Mindat,Saw-Yaw, Kyuahthuh, Kyindway, Hakha-Thantlang, Falam, Teddim le Tonzang pinah Kale-Taahan,Tamu-Khampat in Nagaram Homelin chak lei tiang Suimilam-1 ah Meng 40 in 65 tiang cakin a hrang lai ti’ah an chim i, Chinram chung lawngah Mipi- 360000 hrawnghrang nih harsatnak an tuar kho ti’ah an thanh. Mizoram chungah cun,Chimtuipui Dis’t. Lai Dis’t, Champhai Dis’t le Tuipuiral- Farkawn, Khuabung, Samthang le Hnahthial etc. hrawng ah a fak bik lai i, Mizoram Minung- 45000 leng nih an tuar kho ti’ah an chim fawn.
Hi Mocha Cyclone ruangah India ah Mi-45000, Bangladesh ah Mi-250000, Myanmar ah Mi-2.1 millions le Rakhine ah Mi-970000, Chittagong (BDesh) ah Mi-250000, Magwe Division ah Mi- 120000, Sagaing Division ah Mi-600000 pawl nih thihnak le harsatnak fakpi in an tuar khawh ti’ah GMI nih ralringnak an chuah.Rakhine ram kulh ah cun AA nih Tto-Thlichia tihin zammi an Mipi-50000 leng cu hmunhimnak ah Nizan in thialchungnak an ngei cang hna.
Kan Ralkap pawl nih teh mi zeimawzet dah kan bomh kho te hna hnga?. Cuca’ah Chinram le Mizoram ah tuzarh “Mothers’Day” kan hmang dingmi cu Lungrethei an si ko.Tu hi Tto Ruah-Thlipi hran cu a thawk cang ca’ah thlacaamnak in i bomcio hna usih. By MC Biklian
Mocha thli chia May 14 ah Myanmar ram a lut kho; Mocha thli chia cu Bay of Bengal ah a thazaang a thawng tuk mi thlipi ah aa cang i, May 14 ah Myanmar ram a lut kho, suimilaam pakhat ah meng 110 thazaang in a hraang kho tiah khuacaan lei tuaktaantu hna nih an thanh.
India Khuacaan lei Zung nih cun, May 14 chun ah Myanmar ram Kyaukphyu khua le Bangladesh ram Cox’s Bazar khua kar in a tan khawh i suimilaam pakhat ah a tam bik meng 109 tiang a hraang kho tiah nihin ah an thanh.
Cyclone thlipi cu nihin zanlei le thaizing (May 13) ah a thazaang a thawng chin lai i Strom Eye a langh deng tiang in a thazaang a thawng cang tiah India Khuacaan lei Zung nih a thanh. NUG Cozah, Ministry of Humanitarian and Disaster Management (MOHADM) nih cun, May 14 zaantim ah Rakhine rili kam cu Maungtaw le Sittwe khua karlak in a lut lai tiah a ti.
Thlichia nih a ratpi mi tilet cu Sittwe khua ah pe 12, Sittwe le Kyaukphyu kar ah pe 14, Kyaukphyu le Yanbye karlak ah pe 6 in pe 8 tiang a sang kho tiah an langhter. Cu thli chia ruang ah Magwe ramthen, Bago ramthen, Yangon ramthen, Ayeyarwaddy ramthen ah suimilaam pakhat ah meng 40 tiang thli a hraang kho tiah an langhter.